A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

isconcamóju , nm Definition genia de pigione chi papat abe Synonyms e antonyms abeana, abiàrgiu, apiaresa, marragau Scientific Terminology pzn Etymon srd.

isconcassòne , nm: sconcassori Definition genia de molinu po pistare pedra a fàere a giarra Translations French broyeur à gravier English crusher Spanish trituradora para grava Italian frantóio per ghiàia German Steinbrecher für Kies.

isconcàta isconcàda

isconcàu isconcàdu

isconchedhài, isconchedhàre , vrb: sconchedhai Definition pistare o segare sa conchedha de calecuna cosa / isconchedhadu (nadu de ccn.)= pagu zustu de conca, chi no faghet sas cosas cun zudíssiu Synonyms e antonyms isconcai, iscupulare Sentences su pipiu si at ischonchedhau unu didu de su pei in d-una perda Etymon srd.

isconchidàre , vrb Definition isconchiai, mòvere sa conca prus che àteru a iscaviadura, fàere isconchiadas po su sonnu, o fintzes coment'e bolendho nàrrere calecuna cosa in contràriu, in disacórdiu Synonyms e antonyms isconchinare, tzilibbecare, tzurumbecare Sentences cuss'ebba no est fata po parigliare: no abbarrat acanta a s'àtera, est sèmpere a s'iscónchida iscónchida! Etymon srd.

isconchinàda , nf: isconchinata Definition isconchiada, móvia de conca coment'e abbasciandhodha o incrubandhodha a una parte; decisione pagu cunsiderada, cosa fata comente benit a conca Synonyms e antonyms conchinada, conchizada, iscónchiu, sconchiada / aconcada, acucada Sentences sa mamma, comente videt sos pitzinnos a isconchinatas, che los mandhat a letu 2. isconchinadas ndhe aiat fatu prus de una e su babbu no fit meda cuntentu Etymon srd. Translations French action hasardée, inconsidérée English rash action Spanish el mover la cabeza, chifladura Italian cólpo di tèsta, azióne avventata German Kopfstoß, unbesonnene Handlung.

isconchinàre , vrb: sconchiai Definition mòvere sa conca po nàrrere chi una cosa no est deasi, chi unu no est de acórdiu, giare cropos cun sa conca Synonyms e antonyms isconchidare, isconculare, scorrociai, tzilibbecare, tzurumbecare Sentences sas betzighedhas si sunt cheghentanne, isconchinanne e a tremuledha Etymon srd. Translations French secouer la tête English to shake one's head Spanish mover la cabeza Italian scrollare il capo German den Kopf schütteln.

isconchinàta isconchinàda

isconchinedhàda , nf Definition coment'e aconcada chi si faet chentza iscurtare cossígios o crítigas Synonyms e antonyms acucada Sentences vos las fatzo víere ego sas isconchinedhadas, si no ponies mente!…

iscónchinu , nm: iscónchiu Definition móvia de sa conca a cropu, mescamente candho unu no est de acórdiu cun su chi est intendhendho Synonyms e antonyms conchinada, isconchinada, isconchizada, isconchizu, sconchiada Sentences cudhu andai pistabista, feriveri, arrósciu oi de custus, cras de cudhus, a iscónchius, a murrúngius ◊ candho dhi narant cosa istat a iscónchios de conca ma no arrespondhet Etymon srd. Translations French désapprobation d'un signe de tête English headshake to dissent Spanish negación con la cabeza Italian mòssa del capo per dissènso German mit dem Kopf ablehnen.

isconchiósu , agt Synonyms e antonyms abbetiosu Etymon srd.

iscónchiu iscónchinu

isconchizàda , nf Definition su isconchizare; móvia de sa conca a cropu, iscàviu Synonyms e antonyms conchizada, iscónchiu, sconchiada Sentences un'ominedhu chi aiat iscultadu finas a tandho a isconchizadas si ammisceit in s'arrejonu Etymon srd.

isconchizàre , vrb Definition mòvere sa conca a cropu, coment'e singiale de ifadu o fintzes de iscórriu, de contrariedade Synonyms e antonyms isconchidare, isconchinare Etymon srd.

isconchízu , nm Definition su istare movendho sa conca a cropu a sa sighia Synonyms e antonyms iscónchiu Etymon srd.

isconciài, isconciàre , vrb: iscontzare, sconciai Definition isciusciare, bogare de pare una cosa giai fata; nau de su tempus, cambiare, iscuncordare, fàere tempus légiu; nau de fémina príngia, pèrdere su fedu; nau de sa natura de s’ómine, passare sa teteresa / pps. iscontzadu, iscontzu Synonyms e antonyms destrui, idarrocai, irfàghere, isciasciai, isciuchiare, isciusciai, iscunsertare, sculai / istrumare | ctr. aconciai, adaretzai, agiustai, arragnare, fàchere Idioms csn: iscontzare su coju = istorraisí; isconciàresi de… = leàresi disturbu pro… Sentences si li betat pódhighes l'iscontzat dae cristianu! ◊ su die chi si ndhe at a isconciare custu giuramentu nos at a calare tronos e lampos! ◊ custa est cosa chi non si podet isconciare ◊ in cussa calada imbrunconu e m'iscònciu su brutzu! 2. su tempus si fit iscontzu e no aiant pótiu garrigare su nabiu ◊ za mi paret chi su tempus torrat a iscontzare! 3. sa fémina fit príngia ma si est iscontza 5. bellu frade, no si est mancu isconciau de andhare a saludare sa sorre! Etymon itl. sconciare Translations French défaire English to undo Spanish deshacer Italian disfare, demolire German zerstören.

iscónciu , agt, nm: iscontzu, scónciu Definition chi at tentu dannu, o fintzes su dannu etotu, nau mescamente de calecunu aparíciu o màchina chi no est prus andhandho bene; nau de gente, chi s'intendhet male, chi sentit calecuna neghe, calecunu male; burdu, fedu o fígiu fatu a cudha manera, a trevessu, chentza èssere cojuaos; iscontzu est fintzes pps. po iscontzadu Synonyms e antonyms maladióngiu, scuncordau / dannu, guastu, iscunsertu | ctr. acónciu, arràngiu Idioms csn: arrangiai is iscòncius de sa domu (es. tàpulos de muru) = fàghere acontzos; unu padre iscontzu, una monza iscontza = chi si ndh’est essidu de padre, essida de monza Sentences su tempus est iscontzu ◊ Fulanu fit unu padre iscontzu 2. ndi portat de iscónciu, sa morti! ◊ fimus in màchina, ma amus fatu iscontzu e amus istentadu su matessi ◊ apo dadu su rellozu a l'acontzare e mi bi ant fatu iscontzu piús mannu 3. iscontzas si sunt sas paghes! 4. connoschimus su nòmene de chie at fatu s'iscontzu e, si lu chircat vostè, capatzu chi isposat sa piciochedha Etymon srd. Translations French avarie, panne English breakdown Spanish estropeado, avería Italian guasto meccànico, avaría German Störung.

isconcordàre , vrb: iscuncordai, iscuncordare, scuncodrai Definition segare s'acórdiu, sa cuncórdia; nau de su tempus, isconciare, cambiare de pròere o àteru de bentu o fritu Synonyms e antonyms disconcordiare | ctr. cuncodrai Sentences cun totus ses nendi ca seu mandroni, in domu non mi lassas mancu riposai: ocannu però depeus iscuncordai! 2. oi parit una dí de beranu, ma su tempus nci ponit pagu a torrai a iscuncordai! Etymon srd.

isconculàre , vrb Definition mòvere sa conca a cropu, a iscutuladura Synonyms e antonyms isconchinare Sentences sos boes in beranu muilendhe iscónculant in terra ◊ tue, birbante, ti ndhe riaias, isconculendhe che su burricu! Etymon srd.