Ditzionàriu in línia
de sa limba e de sa cultura sarda

imbídri , nm: imbídriu, imbidru, imbirdi, imbirdu, umbidri Definition genia de minerale, sitzíllu límpiu, chi lassat passare sa lughe e su calore; lastras chi si faent cun custu minerale po aperturas, giai sèmpere lisas, chídrinas (est materiale chi no indruchet giai nudha) Synonyms e antonyms bidri*, cidru 1, fidru Sentences bentu chi tremis s'imbirdi, poita no ti achietas e mi lassas drommí?! ◊ cuss’imbidru mi at segau su pódhighe Scientific Terminology mnr Translations French vitre English glass Spanish vidrio, cristal Italian vétro German Glas.

imbidriàre , vrb Synonyms e antonyms cristallizai Etymon srd.

imbidrigài , vrb: imbirdigai, imbirdigari Definition essire o fàere de colore bidre, nau fintzes de unu candho si arrennegat a meda, incerare po fele, de su tzacu Synonyms e antonyms imbirdare, imbirdillai, imbirdire Sentences pentzu a su tempus chi currit, a s'imbirdigai e ingroghí de is istagionis 2. bastat, sigaus a nai, ca no mi bollu imbidrigai! Etymon srd. Translations French verdir English to turn green Spanish verdear Italian inverdire German grün machen.

imbidriolàdu , agt Definition chi est totu pigau de calecuna idea Sentences sa zente est tota imbidriolada e pro su prus si ch'est andhada in disterru, a cúrrere mundhu.

imbídriu, imbídru imbídri

imbídu , nm Definition su combidare, nau mescamente giogandho a cartas in su sensu de atzitzare a fàere giogu; una genia de gara chi binchet chie ponet de prus Synonyms e antonyms cómbidu Etymon itl. invito Translations French offre à l'enchère English auction sale, bid Spanish licitación, subasta Italian licitazióne, asta German Versteigerung.

imbidustíre imbedustíre

imbidustíu , pps, agt Definition de imbidustire Synonyms e antonyms béciu, imbeciau | ctr. giòvanu.

imbierràre , vrb Definition passare s'ierru Synonyms e antonyms iberrare, irzerrare Etymon srd.

imbièscere, imbièsci , vrb: imbièsciri Definition nau de su fogu, aconciare, abbiatzare, fàere tènnere / imbièsciri unu mali = aggravare Synonyms e antonyms abbiatzare, alluchinzare, allumae, allupiare, atzèndhere Sentences custa est linnixedha bella po imbiesci su fogu, ca est fini e sicada.

imbiescidórgiu , nm Definition linnighedha fine po allúere fogu, po imbièscere Synonyms e antonyms imbiescimentu Etymon srd.

imbiesciméntu , nm Definition cosighedha fine po allúere fogu Synonyms e antonyms allominzu, chimuza, iscabitu, istibitu, pampuzia Etymon srd.

imbièsciri imbièscere

imbígia, imbíja imbídia

imbijósu imbidiósu

imbilèschere imbelèschere

imbíliche, imbílicu , nm: imbílighe, imbíligu, immíligu Definition in sa carena, su nodu chi abbarrat de su cordone, e su cordone etotu (genia de codriola) chi finas a naschire mantenet su fedu totu a unu cun sa carena de sa mama (est coment’e arraighinau in sa segunda, aintru de sa madre) e chi, apustis naschios, si ndhe segat e abbarrat coment’e a nodu e a fossedhu in mesu de sa bentre a parte de fora (in su cristianu a s’artària de su chintzu) Synonyms e antonyms bídhigu / ttrs. imbírigu Idioms csn: fàghere s'i. a sa criadura, candho naschit; prèndhere s'i. a unu = imbovai sa genti; fàgheresi s'i. che rosa = satzaisí a meda; zúghere s'i. cantu unu canistedhu = èssere matimannu; èssere a imbíliche in foras = a bentre nuda; i. maltzidu = itl. onfalite Sentences candho sa criadura naschet ndhe li segant su cordone de s'imbíligu e li faghent unu nodu ◊ su commendatore fit chin s'imbílicu cantu unu canistedhu ◊ s'imbílighe che basolu est tundhu e purpurinu 2. no ti fides de cussu incruvu: prendhet s'imbíligu finas a su demóniu! ◊ cussu in su negússiu prendhet s'imbíligu a totus! Scientific Terminology crn Etymon ltn. umbilicus Translations French nombril, cordon ombilical English navel, umbilical cord Spanish ombligo, cordón umbilical Italian ombelico, cordone ombelicale German Nabel, Nabelschnur.

imbiligadòre , nm Definition prus che àteru nau de fémina, chi agiuat su pipiedhu a naschire e dhi acàpiat e segat su cordone de s’imbíligu Sentences no l’apo fata mai s’imbiligadora, mancari m’intendha capatza (T.Giudice Marras).

imbiligàre , vrb Definition segare su cordone, acapiare o fàere s’imbíligu a su pipiu candho naschit Synonyms e antonyms irbiligare Sentences forsis as tue etotu imbiligadu su fedu chintu in fascas e pulidu? (Piras) Etymon srd.

imbílighe, imbíligu imbíliche