A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

lotomía latumía

lotonéri latonéri

lotòni latòne

lòtoro , nm: lóturu Definition cantu de cosa (linna, cartone, plàstica) coment'e fusu curtzu po dhue imbodhigare su filu de cosire a bèndhere / min. loturedhu Synonyms e antonyms arrochetu, carrúciu 2, carruledhu, loderedhu, rodinedhu, ródulu, rudhurinu, tórrine / cannedhu / ispoleta Sentences mi cheret unu lóturu de filu niedhu forte pro cosire custos pantalones Etymon srd. Translations French bobine English spool Spanish carrete, bobina Italian rocchétto German Zwirnrolle.

lotràju , nm Definition inganneri, gioghistu chi no faet a ndhe dhi cumprèndhere de su chi faet e po cussu inganniosu etotu Synonyms e antonyms imbodhiosu, inganneri, tramposu Sentences in sa festa bi sont sos turronajos, sos de sa cherapigna, sos tzillerajos, sos lotrajos e sos de sa fortuna 2. totu fit un’imbólicu artimintzatu dae cudhu lotraju maleitu de su mere meu (A.Pau)◊ cantas brullas a sestare a sa tzente semprota, custos lotrajos!… Etymon srd.

lotrína , nf: dotrina*, lutrina Definition prus che àteru, s'imparu de su catechísimu, totu su chi imparat sa Crésia de sa fide cristiana Synonyms e antonyms letrine Sentences est rànchida che lutrina isbagliada ◊ su pàrracu a Michela l'at dimandhada in sa lutrina a bídere candho est chi Adamu cun Eva ant lassadu s'Eden ◊ a su catechísimu nois li naraimus sa lotrina.

lótriu , agt: lótziu Definition chi est modhe meda, che ludu Etymon srd.

lòtu , nm Definition genia de giogu: si binchet si essit su númeru de sa posta Etymon itl. lotto.

lòtu 1 lòte

lotulàgiu , nm Definition in is molinos móvios cun s'abba, ferru chi giaet su movimentu de su fusu a una de is molas.

lótura , nf Definition in is gennas, genia de serradura a sa bona Synonyms e antonyms craedhu, crica, giótula*, giredha, zócula.

lótura 1 , nf Definition genia de druche, pane de pódhine fatu coment'e a lóriga Sentences si faghet sa fresa in s'atunzu, sa lótura in beranu e in istiu Scientific Terminology drc, pne Etymon srd.

loturàda , nf Definition tira larga de pedhe (o de àteru) chi si ponet a is animales in su tzugu po dhis apicare sa sonàgia Synonyms e antonyms guturada Sentences trunchei totu sas loturadas a sas berbeghes e lis catzei su ferru (N.Falconi) Etymon srd.

loturàre , vrb Synonyms e antonyms arrembulai, cadhinare, lodhurare*, rodhulare, trodhulare.

loturédhu , nm Definition min. de lóturu.

loturizài , vrb Definition ispartzire unu terrenu a lotos, in parte Translations French lotir English to divide into lots (land) Spanish parcelar, dividir en lotes Italian lottizzare German parzellieren.

lóturu lòtoro

lóturu 1 , nm Definition parte de unu terrenu ispartziu in orrugos po su prus cantepare Synonyms e antonyms lote.

lotzína , nf: lotzoina, lucina, lurtzina, lutzaina, lutzeina, lutzina Definition paule de abba, abba apojada; isciustura, prus che àteru manna, aintru de domo, abbadrinu, fintzes pauledha de sàmbene comente punghent unu pegus / fai lutzina = fàghere ifustura Synonyms e antonyms foghina, ifustura, lacuina, pantamu, paule Sentences is lutzinas de su stani praxint a is pillonis ◊ dh'iant lassau in d-una lotzina de sànguni ◊ candu proit adasiau parit chi no prengat lotzoinas ◊ custa carrada sfait: seu biendi sa lucina! ◊ seus pallasina abbarrada intru de lurtzinas de ludu…◊ sa temporada at abbenau su logu, su sartu est una lutzaina prena de corropus mannus de àcua (P.Pisu)◊ currendi in bicicleta nc'est arrutu in mesu de una lucina 2. no fatzas lutzina, ca apu apenas isciacuau! Translations French flaque English puddle Spanish charco Italian pózza, guazzo German Pfütze, Lache, Pfuhl.

lotzinài , vrb Definition fàere lurtzina, isciustura, o fintzes mància, imbrutadura de pàrrere lurtzina 2. no est feti de cosa de papai chi si lotzinat, cussu: dhi calat sa baulada puru!