A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

lacanàrgiu, lacanàrju, lacanàrzu , agt, nm Definition chi o chie tenet terrenu, propiedade, a costau de un'àteru; est fintzes chie che trochet sa làcana ispostandhodha po furare terrenu Synonyms e antonyms afrontante, carrelalzu, cussolzale, lacanante Sentences sos lacanarzos si sunt postos de acordu pro fàghere su serru a cumone ◊ e cantas currelladas ti faghias in sas bidhas lacanarzas e de atesu! Etymon srd. Translations French limitrophe, voisin English neighbouring, neighbour Spanish confinante, lindante Italian confinante German angrenzend.

lacanàrzu 1 , nm: laconalzu, laconàrgiu, liconàrgiu Definition calidade de bide chi faet àghina bianca Synonyms e antonyms albaranzéliu, loconari Sentences de bonu sabore bi est su laconarzu e niedhu barzu e barriadorza.

lacanàu lacanàdu

lacanèra , nf Synonyms e antonyms làcana Etymon srd.

lacanéri , agt, nm Definition chi o chie est a làcanas Synonyms e antonyms afrontante, carrelalzu, giuriscongru, lacanarju Sentences de sos óspiles lacaneris, petzi su de tziu Luisi fit prenu de bascaràmene Etymon srd.

lacanésu , agt, nm Synonyms e antonyms lacanante, lacaneri

làcara làcana

lacasinadòre , agt, nm Definition chi o chie est giau a sa fura, mescamente cun sa gente de acanta Synonyms e antonyms lacasinarju, lacasineri, tascaresu, trebiali Etymon srd.

lacasinàre , vrb Definition furare de is de acanta, in làcanas.

lacasinàrju , agt, nm Definition chi o chie si ponet a furare in làcanas etotu, furandho a is chi portat acanta (a manera de no si pòdere fidare mancu de is bighinos!) Synonyms e antonyms lacasinadore, lacasineri, tascaresu, trebiali Etymon srd.

lacasinéri , agt, nm Synonyms e antonyms lacasinarju, tascaresu, trebiali Etymon srd.

lacasínu , agt Definition chi est imbitzau a sa fura, furone.

lacértu , nm Definition tunina pitica Synonyms e antonyms iscampirru Scientific Terminology psc.

lacétu , nm Definition genia de gràndhula (o néula) de s'animale Sentences nci tengu lacetus, ciorbedhu e figau, cun pani tratau bombas de vitella (F.Farci).

lachèdha , nf Definition genia de istrégiu, pruschetotu de pedra picada po pònnere abba o su papare a is animales Synonyms e antonyms lacu, pica Sentences ch'est rutu in d-una lachedha de abba bruta ◊ at acabidadu unu butiu de abba dae una lachedha ◊ tanno ite sont cussas lachedhas de lavontzu e su cochintzu e totu sas àteras fainas?! Etymon srd.

lachedhàre , vrb Definition mòvere su lachedhu a tzantzigadura po asseliare o dormire su pipiu crocau Synonyms e antonyms achinnae, annacare, bannigare, bantzicare, chigliare, sansiae Sentences ti canto s'anninnia e sico a lachedhare ◊ sa mama est lachedhandhe su criu Etymon srd. Translations French bercer English to rock Spanish mecer, acunar Italian cullare German wiegen.

lachédhu , nm Definition min. de lacu: genia de istrégiu, podet èssere a fàere faina (es. impastare sa farra) o a pònnere cosa (fintzes su pipiu piticu)/ mustrare sas dentes che cane in l. = acoment'e unu cani murrungendi ca, candu est papendi, si ndi dhu bollint iscabbulli o pigai is àterus canis Synonyms e antonyms lacu, tavania, tuva / bàntzigu Sentences trupiare sos budrones in su lachedhu ◊ su chi est lacu est lachedhu 2. parma mea istimada, in su lachedhu de oro fache sa riposada! ◊ pro dh'ammantare no portànt pannos: de pàgia dhi ant fatu acostamentu, unu lachedhu fatu che brassolu ◊ o sole chena nue, s'anzonedhu ses tue corcatu in su lachedhu (P.Dui).

lachéri , nm Definition maistu chi faet lacos de pedra Synonyms e antonyms lacaju, picaparderi, scrafedhadori Etymon srd.

lachíntza, lachínza , nf, nm: alaghinza, laghigna, laghinza, laghinzu Definition brebè chi no at ancora angiau; ma pruschetotu is pegos de unu tàgiu chi no giaent frutu (angiones, pegos giòvonos chi no ant angiau, is mascos): in tempus de múrghere si acostumat a dhos mantènnere coment'e tàgiu a parte; foedhandho in cobertantza e unu pagu a brulla, dhu narant fintzes de is pipios e piciochedhos, su fedighedhu Synonyms e antonyms ambularzu, istoighiu, sacainu / cdh. lachigna | ctr. madricau Sentences su cane est tentànnesi sa lachintza ◊ pariant fiados de sa matessi laghinza pitzinnos, betzos, màscios, féminas, ricos, pòveros, teracos e padronos ◊ s'anzone fémina pro l'istitare che l'amus betada a sa laghinza Scientific Terminology pst Etymon ltn. lacinia.

lachinzàju, lachinzàrju, lachinzàrzu , nm: alaghinzarzu, laghinzaju Definition chie pastórigat su bagadiu, su bestiàmene chi no est giaendho frutu Synonyms e antonyms agnonàrgiu, bagadriaxu, laghinzaresu Scientific Terminology pst Etymon srd.