A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

pichighédhu , nm Definition picu piticu Synonyms e antonyms pichitu.

pichíglia , nf Definition cosa chi si faet coment'e abbetiandho, po no giare su cuntentu a s'àteru o no dhu lassare bínchere, o fintzes a trivas Synonyms e antonyms pica 2, puntíglia, repica / cdh. pichíglia 2. síndigu e segretàriu fiant a pichíglia de pari, a chini ndi podiat aprofitai de prus.

pichiliàu , agt Definition chi est alligritu a binu e fintzes imbriagu Synonyms e antonyms pischiliau*.

pichillíta , nf, nm Definition in su foedhóngiu de is pipios, sa natura de s'ómine Synonyms e antonyms bichiriola, bollolla, lelledha, marracoi, minninna, pichiriola, pilledha, pillighita, pissiredha, tórrina Etymon srd.

pichininíu , agt Definition deasi piticu chi no dhue at mancu it'e bíere Synonyms e antonyms minudedhedhu Translations French microscopique English very little Spanish muy pequeño Italian minutìssimo German sehr klein.

pichínu , agt Definition chi est a bisura de picu: si narat de una genia de segure (segures istrintas e no a forma tringulare) e fintzes de su nasu chi faet un'àngulu in sa serra in su sensu de sa longària Etymon srd.

pichínzu , nm Synonyms e antonyms arradicadura, arraigonzu Etymon srd.

pichióngiu , nm Definition su acropare a una genna pedindho po apèrrere Synonyms e antonyms píchiu Sentences candu iat inténdiu su pichióngiu iat abertu sa genna.

pichiòni , nm Synonyms e antonyms picaloru, pitajolu.

pichipòco , avb Definition andhare a p. = camminare a pincaredhu, brinchidandho a unu pei ebbia.

pichíre , vrb Definition fichire (che pichete), pònnere s'arraiga a sa cosa prantada (es. pisu, tamatas, bide) po fortilesa o po dha poderare in artu; fintzes pònnere prantau, pesare istrantagiaos Synonyms e antonyms fichire* / acerbonai, acradiare 1, arradicare / ficare, istantargiai.

pichirichédhu , nm Definition su pódhighe prus piticu Synonyms e antonyms didighedhu, pintirighedhu, podhichedhu, tzintziricu Scientific Terminology crn Translations French petit doigt English little finger Spanish meñique Italian mìgnolo German kleiner Finger, kleine Zehe.

pichirichínu , nm Definition muntone de cosa fatu a s'afaiu, cosa ammuntonada male.

pichirinàre , vrb Definition orrollare cosa (pane, orrobba e àteru) totu a bicos, a pichirinos, pintare fintzes a intacas (segundhu it'est); foedhandho de metallos, trebballare a martedhu faendho marcos po bellesa Synonyms e antonyms picai 1 2. zuchet unu brussale de ràmene pichirinau Etymon srd.

pichirínu , nm Definition bicu o puntighedha de pane (tzichi, cocòi), fintzes genia de intaca, orrugu puru (de pane) Synonyms e antonyms pissigorru Etymon srd.

pichiriòla, pichiriólu , nf, nm: pinchiriola Definition in su foedhóngiu de is pipios, sa natura de s'ómine Synonyms e antonyms bichiriola, bollolla, chirita, lelledha, marracoi, minninna, picariola, pilledha, pissiredha, puzonedha, tórrina Etymon srd.

pichítu , nm Definition picu piticu Synonyms e antonyms pichighedhu.

píchiu , nm Definition sonu o cropu, tzochedhu a sa genna po si giare a intèndhere pedindho de intrare a una domo, o de apèrrere; fintzes genia de tocu de campana: po tocare sa missa bàscia si fadiat a p. (din, din, din); in cobertantza, pistighíngiu, pentzamentu Synonyms e antonyms tzocu / arraolu, pensamentu Sentences in su portali, totu tremi tremi aferrat s'anella e donat unu pichiedhu ◊ lah, cussu est su píchiu de su posteri! ◊ ti apu connotu a su píchiu 3. custa borta giutzo unu bellu píchiu in conca! Translations French action de frapper à la porte English knock Spanish golpe dado al llamar a la puerta Italian bussata German Anklopfen.

pícia , nf Definition filera de panes Etymon itl. piccia.

pícia 1 , nf: pígia, pija, pixa, prica, priga Definition genia de síngia, fata a sola o apostadamente, chi abbarrat in sa cosa agguantada a meda ammuntonada o addopiada a forte, cun pesu (mescamente orrobba, paperi, cosa a pígiu, o fintzes in sa pedhe de sa carena) Synonyms e antonyms cascadura, crispa, frúngia, frungidura, pighizone / pinnica Sentences zughiat sas ancutzas che pija de pantalones ◊ bestimenta bene pranciada no giughet pijas ◊ sas pricas de cara contant su chi as patiu ◊ si fit sèmpere acontzendhe sa bunnedha, ponzèndhesi apostu sas pixas ◊ sa pedhe tua est totu a pícias 2. sa munnedha pressada est totu a prigas Surnames and Proverbs smb: Piggia, Pigia Etymon ltn. plica Translations French pli English fold Spanish pliegue Italian pièga German Falte.