A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

panníssu, pannítu panníciu

pannitzédhu pannighédhu

pannítzu panníciu

pannixédhu pannigédhu

pànnu , nm Definition orrobba téssia, grussita, siat po fàere a bestimentu e siat po àteru; prémiu chi si giaet coment'e orrobba de prammu (longa fintzes deghinas de metros) a is cuadhos curridores, símbulu de bínchida (fintzes po àteru) Synonyms e antonyms robba / pàdhiu, palu 1, prémiu / sàbanu Idioms csn: pannos de suta = bestimenta de fundhu (mudandhas, franella, canotiera); p. de pane, de còghere = fascas de pani, sàbanu, zenia de telu de carchi mesu metro de largúria ma longu de metros pro pònnere a pizos su panevresa tesu fintzas a lu còghere; p. de carri = zenia de tessinzu pro trastes de pònnere in dossu, a fundhu; frigai pannus = samunare robba; cúrrere o bínchere su p. = bínchere sa bandhera, currindhe a cadhu; p. de incordedhai = petígliu, zenia de pannitzu chi sas féminas si ponent in petorras, muntesu cun cordedhas; p. pro asciugai sa faci, p. de manos = abbammanu; maistu de p. = traperi, festadore; passare su p. pintu = fàghere carchi cosa de bonu in chirca de campaniare s'ofesa chi unu at fatu innantis; istare o abbarrare donzunu in pannos suos = in càncaros suos, sentza de donai istrobbu a is àterus; non càpiri in pannus = bragare meda; p. de cera = follu de chera comente si ponet in sos casidhos modernos Sentences candho babbai andhat a Núoro ti at a portare pannu ruju de seda…(S.Lay Deidda)◊ sa fémina est samunendhe sos pannos ◊ tesset pannu froridu e pannu lisu 2. acabbadha, chi tanti no ndi pigas de pannu! ◊ sunt cadhos avesados a su pannu ◊ ant dadu su primu pannu a Fulanu pro sa poesia rimada 3. Lica no capiat in pannus, ca fut isposa cun su prus arricu de bidha! Etymon ltn. pannus Translations French drap, trophée, «palio» English cloth, palio (silk banner awarded to the winner of the 'palio') Spanish paño, trofeo, palio Italian panno, trofèo, pàlio German Stoff, kostbares Tuch als Siegespreis.

pannúcra , nf, nm: pannuga, pannuglu, prannuca Definition s'ispiga de su moriscu: gurdone de triguíndia o pipiedha de cixiniau; pannuga dhu narant fintzes a su frore de sa nughe, de sa castàngia, de s'olia, de su modhitzi, de sa nenciola, de su crecu, ca funt a bisura de gurdone; pintirighinu de diferente colore in sa pedhe, mescamente candho dhue ndh'at medas, cracos / p. de didu = pizighedhu de carre chi si ndhe arritzat acurtzu a s'ungra Synonyms e antonyms burrichedhu, cozorotu, cucuta, tulatzu, tutuàciu / càmula / pibirinu, piga, pintirina Sentences su trigumoriscu est cumentzendi a fai sa pannuga 2. prannucas de chessa, prudones de tandha ◊ sa chessa, mama de listíncanu, ponet prannuca ◊ cussa chessa giuchiat prannuca de listincu coment'e prudones de coradhu maduru 3. sa pipia portat sa facixedha prena prena de pannugas Scientific Terminology rbr Etymon ltn. panuc(u)la Translations French épi, inflorescence English maize cob, spike Spanish panoja, panícula Italian pannòcchia, infiorescènza German Rispe, Maiskolben.

pannuenànte panneanànti

pannúga, pannúglu pannúcra

pannulénci , nm Definition genia de orrobba fine (de lana, ma no fata a tessidura), de colore orrúbiu, chi faet sa parte de mesu de su mucadore (o colore), segundhu su costúmene, totu inghiriau cun feta e arrasu de àteru colore Scientific Terminology ts.

pannutzédhu , nm Definition min. de pannutzu: orrugu de orrobba de portare in busciaca a limpiare su nasu, is murros, e àteru Synonyms e antonyms mucadoredhu, pannigioledhu.

pannútzu , nm Definition pannu a frobbire papandho o, prus mannu, a frobbire in manos e in cara candho unu si sàmunat; de seda, mucadore de pònnere in conca, in costúmenes de fémina / min. pannutzedhu = mucadoredhu Synonyms e antonyms frebbeucu, telzibbucu / abbamanu Sentences sa fémina est aparitzendhe sa banca cun piatos, tatzas e pannutzos 2. si fit assutatu chin su pannutzu Scientific Terminology ts Etymon srd.

panoràma , nm Definition su logu totu comente si podet bíere de artu, unu pagu de atesu, mescamente cunsiderau po sa bellesa chi podet àere Synonyms e antonyms vista.

panósu , agt Definition nau de su lardu, chi est de su súmene, de sa bentre de su procu (e pruschetotu de sa màdria), prus bellu a papare ca portat gràndhulas e pígiu fine de petza 2. s'isposa zuchet su sinu ispintu dae su cosso e si ndhe biet una parte, velau dae su ricamu de sa camisa, biancu e panosu, unu paradisu! Translations French glanduleux English glandulous Spanish panoso Italian ghiandolóso German drüsig.

panotèra panatèra

pansíri , vrb: pantziri Definition pèrdere s'abba, su si calare, igragalare, nau de erbas e frutuàrios Synonyms e antonyms acalamai, addormicare, allacanae, allebigiare, allizare, apirchizonare, calighinare, illizare Sentences sa mela est pansida 2. amparai fillus iscinigaus de prepoténtzias, pantzius de promissas furadas Etymon ctl. pansir.

pantalònes, pantalònis , nm pl: prantalonis Definition bestimentu a duas camberas de bestire in cambas e fintzes a chintzu: si narat fintzes sing., e su pl. po su prus est acumpangiau cun su foedhu paja, pariga / partes de is p.: camberas, chítula, passantes, busacas, bragheta, cadhu, órulu; fàghere pesu fintzas sos p. = no bòllere ingòllere o portare nudha, àere a pesu e ifadu totu totu; pantalones a chintorza = de poderare cun su chintórgiu Synonyms e antonyms caltzones Sentences no mi benint piús sos pantalones e giuto istrintu bentone e giancheta ◊ mi apo comporadu una paja de pantalones ◊ ti che sunt falendhe sos pantalones: chínghedi! Scientific Terminology bst Translations French pantalon English trousers Spanish pantalón Italian calzóni German Hose.

pàntama , nf Definition su primu pígiu de sa terra totu arraighinas de s'erba a bisura de pedhe Etymon srd. Translations French gazon English grass mantle Spanish capa superior del suelo Italian cótica (erbosa) German Grasnarbe.

pantàma, pantàmma , nm, nf: pantarma, pantàsima, pantàsimu, pantasma, pantàsuma, pantúsima Definition un'èssere pentzau coment'e cosa chi faet a tímere, un'upa, un'umbra chi no si distinghet bene Synonyms e antonyms fantàsima, malmuntone, mantama, mantuma, pantasi, pantuma, pupurru Sentences pro fàghere a tímere pònedi bistire de pantama! ◊ si lis fit parada in dainantis sa pupa de unu carru, che pantarma ◊ unu pantàsima no giughet carre e ossos che a nois ◊ fint faedhendhe de traigolzos e pantàsumas ◊ at bidu una pantama e ndhe at leadu ispreu ◊ si contaiant contos de pantàsimos Etymon spn. pantasma Translations French fantôme English ghost Spanish fantasma Italian fantasma German Gespenst.

pantamósu , agt Definition nau de logu, chi est totu a unu pantamu, sèmpere a madrina, totu abba Sentences in sa note de mares pantamosos nadant frades cun s'ànima ferida (G.Branca) Etymon srd. Translations French marécageux English muddy Spanish pantanoso Italian pantanóso German voller Lachen, verschlammt.

pantàmu, pàntamu , nm Definition terra, terrenu o tretu ammontau de abba firma, ludu, o fintzes ue dhue sumit abba meda Synonyms e antonyms foghina, lacuina, ladrau, lotzina, putziaghe Sentences proeit a intrare in mesu de su pantamu: su terrinu fit gai ludrosu chi dogni tantu bi illiscigaiat ◊ in cudha coghinedha bi proiat comente a fora e in su pamentu fit totu unu pantamu Translations French marécage English morass Spanish pantano, ciénaga Italian pantano, insòglio German Lache.