Ditzionàriu in línia
de sa limba e de sa cultura sarda

pascentziósu , agt: passentziosu, passientosu, passientziosu, patzentziosu Definition chi ischit tènnere passiéntzia, candho tocat, chi dhu tenet de naturale a no pèrdere sa passiéntzia Synonyms e antonyms ispaborzile, pascenscile | ctr. latranghigultzu, spassentziau Sentences issos furint prus pascentziosos ◊ sas feminedhas de oje no sont passentziosas ◊ est passientziosu chini abbarrat abetendi Scientific Terminology ntl Etymon srd. Translations French patient English forbearing Spanish paciente Italian paziènte German geduldig.

pàscere , vrb: pàschere, paschi, pasci, pàsciri, pàssere Definition papare s'erba, nau de bestiàmene (si narat de su mere puru de su bestiàmene in su sensu de fàere pàschere, de tènnere pastura, una terra a pastura), e si narat fintzes de su pische, de bobbois, de gremes chi si papant àteru / pps. pàschidu, pàsciu (pà-sci-u); pàschere a fura = in pàsculu allenu Synonyms e antonyms manicare, paschinzare, papai Sentences su bestiàmine meu paschet in sas tancas de montes ◊ sos pastores paschiant su bestiàmine in su comunale (F.Masala)◊ cussas terras ti las ses paschindhe tue e tue mi pagas! ◊ cussu cunzadu lu paschimus nois ◊ vae e passe sa crava! ◊ is brebès fiant pascenno ◊ logu po pàscere ne dhu’at? 2. sos trastes los est paschindhe su babbautzu Etymon ltn. pascere Translations French paître English to graze Spanish pacer, pastar Italian pàscere, pascolare German weiden.

pascéscia pascénscia

pascescíle pascenscíle

paschèra , nf Definition su pàschere Synonyms e antonyms paschidorja, paschimenta, paschinzu Sentences sas bamas sunt in paschera Etymon srd.

pàschere, pàschi pàscere

pàschida , nf Definition su pàschere, su papare Sentences brinchendhe sanu fatu apo sa pàschida fintzas a oe ◊ cufromma a sa nàschida sa pàschida Etymon srd.

paschidórgiu , nm, agt: paschidorzu, pascidórgiu, pascidroxu Definition su terrenu o logu tentu a pàsculu, ue paschet bestiàmene / pegus pascidroxu = chi paschet, paschendho Synonyms e antonyms cunsolza, mindha, pastura Sentences est bestiàmene a passiu, in paschidórgiu, e candho dhi paret torrat a cuile ◊ làngius pascidroxus abbillaus de brentuxus ◊ teneus is cuadhus iscapus in su pascidroxu ◊ medas pastoris poniant fogu po cresci sa filada a pascidroxu ca no teniant terras Etymon srd.

paschidòrja, paschidòrza , nf Definition su istare paschendho; fune longa chi poderat acapiau un'animale paschendho; su ferru (sonàgias) chi si ponet a su bestiàmene po dhu pòdere intèndhere paschendho / prèndhere un'animale a p. = chi dhi andit bèni a pàsciri, acapiau a funi longa Synonyms e antonyms paschera Sentences sa chedha est in paschidorza ◊ su tazu in paschidorza, belendhe, paschet isprabinadu (R.Marras) 2. sa fune mi at presu a paschidorza a una lóriga Etymon srd.

paschidórzu paschidórgiu

paschidózu , nm Definition marratzu, sonàgia manna chi si ponet a is mascos.

pàschidu , pps, agt: pàsciu (pà-sci-u) Definition de pàschere, pasci, pàsciri; chi at pàschiu, chi est a bentre prena Synonyms e antonyms papau / mascadu, satzau 2. su madrigadu est recuidu pàschidu ◊ sa lana est totu pàschida ◊ candho s'ànima est pàschida dae milli oriolos, bellu est a pensare a tie! (C.Meridda)◊ incui ammeriada s'arei orromighendu sa pastura pàscia ◊ custa tanca est pàschida e tocat a trubbare ◊ is crabas nostas furiant prus pàscias e bogànt prus lati Translations French bien nourri English nourished Spanish saciado, harto Italian pascolato, pasciuto German wohlgenährt.

Paschighèdha , nf: Paschisedha, Paschixedha Definition sa die de Pasca de nadale, candho si arregodat sa naschia de Cristos; sa die apustis de Pascamanna Sentences est unu locu chi connosco ca bi andhamus a Paschisedha ◊ is festas de Paschixedha e de Annunou nci funt passadas Etymon srd. Translations French Noël English christmas Spanish Navidad Italian Natale German Weihnachten.

paschimènta, paschiméntu , nf, nm: pascimenta, pascimentu Definition su pàschere, su istare paschendho, fintzes s'erba de pàsculu; sa paga chi si giaet a su pastore (pruschetotu de pegos mannalitzos po dhos portare a pàschere) Synonyms e antonyms paschera, paschinzu Sentences su pastore fit cun su tazu in paschimenta ◊ su cadhu fit in paschimenta in sa tanca ◊ s'abe est in paschimenta ◊ su bestiàmini nostu fut a duas bortas de cussu de su cumpàngiu e su pascimentu torràt duas a una Etymon srd. Translations French pâturage English grazing Spanish pasto Italian pàscolo German Weide.

paschinúnti , nf Definition pasca de Is tres Gurrèis Etymon ltn.e Pascha nuntii Translations French epiphanie English epiphany Spanish epifanía, día de Reyes Italian epifanìa German Epiphanias, Dreikönigsfest.

paschinzàre , vrb Synonyms e antonyms pàscere Sentences sas pudhas paschinzant in sa carrela Etymon srd.

paschínzu , nm Definition su pàschere; su logu ue paschet su bestiàmene, fintzes su pàsculu, s'erba / èssere in p. = paschendho Synonyms e antonyms paschera, paschimenta / pàsculu, pastura Sentences cue bi at púlighe in paschinzu! ◊ sas arveghes a masone sa mandra dassant umpare pro su paschinzu beranile ◊ sa gama est andhèndheche a su paschinzu nou ◊ non bi at paschinzu in sas pasturas Etymon srd. Translations French pâturage English pasture Spanish pasto Italian pàscolo German Weide.

Paschisèdha Paschighèdha

pàschiu pàschidu

Paschixèdha Paschighèdha