A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

pedalàda , nf: apedalada Definition su pedalare, móvia o giru de is pedales Sentences incrico sa pedalada, mi l'afianco e li naro a boghe ispalatada:- Ajó, pone fatu! ◊ cun duas pedaladas mi l'apo lassadu in dausegus Etymon srd.

pedalài, pedalàre , vrb: apedalai* Definition mòvere is pedales, fàere fortza in is pedales; tzacai istradoni, andharesindhe Sentences leo sa bicicleta e comintzo a pedalare a passu istracu ◊ cudhu pedalat a conca gruxada.

pedàle 1 peàle

pedàle, pedàli , nm Definition parte de una màchina ue faet a pònnere is peis po fàere fortza a dha mòvere, a dha fàere andhare, trebballare o àteru; in s'òrganu po sonare, aparíciu (leva de fodhe) chi si faet mòvere cun is peis po giare ària Translations French pédale English pedal Spanish pedal Italian pedale German Pedal.

pedalièra , nf Definition filera de pedales, is pedales de s'òrganu po sonare.

pedàrju , nm Definition chie in d-una cumonia est sótziu a pei o parte de frutu, su sótziu minore Etymon srd.

pedàrzu , nm Definition traessile ue si ponet su pei, in iscalas de muradore Synonyms e antonyms travedha Etymon srd.

pedàssu, pedàtzu , nm Definition orrugu de terrenu, de calecun'àtera cosa; fintzes orrughedhu de cosa chi si ponet asuta de calecunu trastu o àteru po acotzu, po cicire méngius, a bisura de pei (e deosi est fintzes su truncu o cambu ue si ponet s'istica, si faet s'iferta, e fintzes traessile de un'iscala) Synonyms e antonyms acantu 1, arrogu, bículu Sentences si ndhe podiant fintzas brigonzare a murruzare a nois unu pedassedhu de terra pro narbone! ◊ pedassos de peta 2. a donzi puntedhu li cheret su pedatzu suo Etymon spn. pedazo Translations French pièce de terre English plot of land Spanish parcela Italian appezzaménto German Grundstück.

pède pè

pedechínu , nm: pedichinu, peighinu Definition pei piticu, pei etotu, su tretu de sa camba inue s'istampat sa pedhe e si sulat unu pegus bochitu innanti de dh'iscorgiare: peighinu est fintzes angione orrostiu Synonyms e antonyms peinchedhu Idioms csn: fàchere un'animale in pedechinos, a peighinu = acontzare un'animale, fàgherelu a peta, abbruschiare, iscorzare sos pes, fintzas fàghere sos pes a beladinas; zenia de frastimu: ancu lu facant a pedichinos!; zúchere a ccn. a pedichinu = andhàreli ifatu a bídere ite faghet o a ue andhat, pro l'oretare Sentences pro su peighinu tou, no cumprendho proite nos semus agatadas inoghe in su matessi zassu 2. ant mutiu a frades Mannones pro fàchere s'àinu in pedechinos (T.Ziranu)◊ de suta de duos crecos castanzinos intendho una corroga tzirrianne chi paret chi dha siant iscorzanne o ancora faghinne in peighinos (S.Are)◊ como chi ti ant postu a pes in susu e fatu in peighinos che anzone no che torras a Tàtari piús a mi torrare a pònnere in presone! (Mortello) Surnames and Proverbs smb: Peighinu, Peighino Etymon srd.

pedédhu , nm Definition pei piticu Synonyms e antonyms peinchedhu.

pedelítu , nm Definition antarile de giminera Sentences sos pedelitos e su petzu de fronte de sa ziminera, totu de perda picada, zughent una forma de retàngulu (R.Arca) Scientific Terminology dmo.

pèdene , nm Definition atóbiu de binti chimbe filos, in su tessíngiu, po dhi fàere is fròngias Scientific Terminology ts Etymon itl. pèdano.

pedeprànu , nm Definition parte de sa domo a paris de terra Sentences s'est corcau in sa càmera a pedepranu ◊ ajaju teniat s’ofítziu a pedepranu de s'iscola Etymon srd. Translations French rez-de- chaussée English ground floor Spanish planta baja Italian pianterréno German Erdgeschoß.

pedestàgiu , nm Definition sedile, muredha, acotzu po cicire is carradas Synonyms e antonyms achedhadolzu Etymon spn., ctl. pedestal + parastatge.

pedhàgiu, pedhàju , nm Definition comporadore de pedhes e fintzes conciadore Synonyms e antonyms pedhinaju Etymon srd.

pedhàmene, pedhàmine, pedhàmini , nm Definition is pedhes, cantidade de pedhes, totu sa pedhe Etymon srd. Translations French peaux English hides Spanish piel Italian pellame German Lederwaren.

pedhànciga, pedhàntziga , nf Definition coment'e pígiu de pedhe, pedhutu tostau Synonyms e antonyms pedhutu, pedhíciula Sentences a unu famidedhu dat sa tita, ma li mordet cun fele sos cabixos che pedhànciga sicos (P.Casu)◊ e chie bi la faghet a mastigare custa pedhànciga?!… Translations French structure fibreuse par laquelle un muscle s'insère sur un os English dry skin Spanish piel dura y seca Italian pellètica German Feuerschwamm.

pedhàrju, pedhàrzu , nm Definition logu ue s'isterrent (apicadas) is pedhes po asciutare Etymon srd.

pedhàrzu 1, pedhàsu padhàrzu