A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

silíbba , nf: silimba, silimbra, tilibba, tzilimba Definition genia de mata manna chi faet una tega longa, bona a papare candho si faet in colore de castàngia, cun granighedhos piticos (a logos est fintzes sa giolva, Anagyris foetida); isprigu o títula de àgiu, de aràngiu Synonyms e antonyms carrubba 1, silícua / cítula, sibícua* Sentences sa gente si seet in s'umbra de sa silimba ◊ si bit caleguna domu in mesu de matas de silibba ◊ no ti as a mantènnere cun d-unu pisu de silimba, no?! Scientific Terminology mtm, Ceratonia siliqua Translations French caroubier English carob Spanish algarrobo Italian carrubo German Johannisbrotbaum.

silíciu , nm Definition elementu chímicu chi si agatat mescamente in sa pedra: símbulu Si, númeru atómicu 14, pesu atómicu 28,06 Scientific Terminology mnr.

silicósi , nf Definition genia de male a prumones, candho is buidedhos ue s'iscàmbiant ossígenu e anidride carbónica si prenent de pruine de silíciu, comente acontesset mescamente a is minadores, impedindho meda de arrespirare comente tocat Sentences su pobidhu si fiat mortu de silicosi ◊ sa terra portat arrichesa e silicosi: s'arrichesa ndi dha pigant a terras istràngias, sa silicosi si papat is prummonis de is minadoris Scientific Terminology mld.

sílicu , nm, agt: sírigu, síricu Definition su grème o bobboi chi faet sa seda; nau de ccn. po su carenale, chi est làngiu, fine fine Synonyms e antonyms fermesílicu / finigosu, iltrízile Surnames and Proverbs smb: Sirigu Scientific Terminology crp, crp, bombyx mori Etymon ltn. siricus Translations French ver à soie English silkworm Spanish gusano de seda Italian filugèllo German Seidenraupe.

silícua , nf Definition genia de mata manna chi faet una tega longa e lada meda, bona a papare; títula o silibba de àgiu, de aràngiu / s. cràbina = fazorba, giolva Synonyms e antonyms carrubba 1, silibba*, tilibba Scientific Terminology mtm, Ceratonia siliqua, mt, Anagyris foetida.

siliéltu, siliéstu , nm Synonyms e antonyms burdellu, carralzu, chimentu Sentences chito chito intendho un'allegru siliestu in su pinnetu: andho e los agato sétzidos manighendhe! ◊ in totue s'isparghet e s'intendhet bélidas, siliestu, unu chimentu! (Grolle)◊ in domo mia no che at allegria e ne siliestu de minores.

silièta seglièta

sílighe , nf: sílixi Synonyms e antonyms sitzillu.

silímba, silímbra silíbba

silínga , nf Definition genia de tubbu, de siringa, po imbuidare o samunare is istentinas, o fintzes, de àtera genia, de intrare in istentinas po averguare calecunu male Translations French cathéter, sonde rectale English twig, rectal probe, catheter Spanish sonda, catéter Italian fuscèllo, catetère, sónda rettale German Katheter, Sonde, Darmrohr.

silingàda , nf Definition pompada de cosa a siringa Synonyms e antonyms cdh. scilingata Sentences una silingada de intelizéntzia cheriat, cussu, tontu coment'est! Etymon srd.

silíngra scerínga

silingròne , nm: serringoni, siringoni 1, tilingione*, tzerringoni Synonyms e antonyms atalingone, atulíngia, mamaderra, sitziringoni, tzilingu, tzuluncone.

silipírche , nm: tilibilche*, tzilibíche Synonyms e antonyms mammagràida, pibiciri, pirigòlgia, telaporca, tziabróssima, tzilibrínchidi.

silíriu selíre

silíssiu, silítziu , nm: sillíssiu Definition genia de fasca de orrobba arrasposa e tostada de pònnere in fiancos po fàere peniténtzia / za lu picas su sillíssiu!… = za lu tenes s'ispravorzu!…, andhe pelea!… Etymon spn. Translations French cilice English sackcloth Spanish cilicio Italian cilìcio German Bußgürtel.

sílixi sílighe

sílla , nf Definition prus che àteru, istidhighedhu de ógiu chi abbarrat in pitzu (in su brodu o àteru) Synonyms e antonyms luneta, stídhia, tidha.

síllaba , nf Definition silibba de àgiu Synonyms e antonyms cítula, fítula, íntzua, ispixu, istígia, títaba Sentences in d-una cassarola si ponet unu pagu de ozu e duas síllabas de azu e apenas leant colore si ndhe bogant.

síllabba , nf Definition parte mínima de unu foedhu de si pòdere pronunciare / papa síllabbas = chie no pronúnciat bene distintoas, craros, is foedhos Translations French syllabe English syllable Spanish sílaba Italian sìllaba German Silbe.