A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

silíbba , nf: silimba, silimbra, tilibba, tzilimba Definizione genia de mata manna chi faet una tega longa, bona a papare candho si faet in colore de castàngia, cun granighedhos piticos (a logos est fintzes sa giolva, Anagyris foetida); isprigu o títula de àgiu, de aràngiu Sinonimi e contrari carrubba 1, silícua / cítula, sibícua* Frasi sa gente si seet in s'umbra de sa silimba ◊ si bit caleguna domu in mesu de matas de silibba ◊ no ti as a mantènnere cun d-unu pisu de silimba, no?! Terminologia scientifica mtm, Ceratonia siliqua Traduzioni Francese caroubier Inglese carob Spagnolo algarrobo Italiano carrubo Tedesco Johannisbrotbaum.

silíciu , nm Definizione elementu chímicu chi si agatat mescamente in sa pedra: símbulu Si, númeru atómicu 14, pesu atómicu 28,06 Terminologia scientifica mnr.

silicósi , nf Definizione genia de male a prumones, candho is buidedhos ue s'iscàmbiant ossígenu e anidride carbónica si prenent de pruine de silíciu, comente acontesset mescamente a is minadores, impedindho meda de arrespirare comente tocat Frasi su pobidhu si fiat mortu de silicosi ◊ sa terra portat arrichesa e silicosi: s'arrichesa ndi dha pigant a terras istràngias, sa silicosi si papat is prummonis de is minadoris Terminologia scientifica mld.

sílicu , nm, agt: sírigu, síricu Definizione su grème o bobboi chi faet sa seda; nau de ccn. po su carenale, chi est làngiu, fine fine Sinonimi e contrari fermesílicu / finigosu, iltrízile Cognomi e Proverbi smb: Sirigu Terminologia scientifica crp, crp, bombyx mori Etimo ltn. siricus Traduzioni Francese ver à soie Inglese silkworm Spagnolo gusano de seda Italiano filugèllo Tedesco Seidenraupe.

silícua , nf Definizione genia de mata manna chi faet una tega longa e lada meda, bona a papare; títula o silibba de àgiu, de aràngiu / s. cràbina = fazorba, giolva Sinonimi e contrari carrubba 1, silibba*, tilibba Terminologia scientifica mtm, Ceratonia siliqua, mt, Anagyris foetida.

siliéltu, siliéstu , nm Sinonimi e contrari burdellu, carralzu, chimentu Frasi chito chito intendho un'allegru siliestu in su pinnetu: andho e los agato sétzidos manighendhe! ◊ in totue s'isparghet e s'intendhet bélidas, siliestu, unu chimentu! (Grolle)◊ in domo mia no che at allegria e ne siliestu de minores.

silièta seglièta

sílighe , nf: sílixi Sinonimi e contrari sitzillu.

silímba, silímbra silíbba

silínga , nf Definizione genia de tubbu, de siringa, po imbuidare o samunare is istentinas, o fintzes, de àtera genia, de intrare in istentinas po averguare calecunu male Traduzioni Francese cathéter, sonde rectale Inglese twig, rectal probe, catheter Spagnolo sonda, catéter Italiano fuscèllo, catetère, sónda rettale Tedesco Katheter, Sonde, Darmrohr.

silingàda , nf Definizione pompada de cosa a siringa Sinonimi e contrari cdh. scilingata Frasi una silingada de intelizéntzia cheriat, cussu, tontu coment'est! Etimo srd.

silíngra scerínga

silingròne , nm: serringoni, siringoni 1, tilingione*, tzerringoni Sinonimi e contrari atalingone, atulíngia, mamaderra, sitziringoni, tzilingu, tzuluncone.

silipírche , nm: tilibilche*, tzilibíche Sinonimi e contrari mammagràida, pibiciri, pirigòlgia, telaporca, tziabróssima, tzilibrínchidi.

silíriu selíre

silíssiu, silítziu , nm: sillíssiu Definizione genia de fasca de orrobba arrasposa e tostada de pònnere in fiancos po fàere peniténtzia / za lu picas su sillíssiu!… = za lu tenes s'ispravorzu!…, andhe pelea!… Etimo spn. Traduzioni Francese cilice Inglese sackcloth Spagnolo cilicio Italiano cilìcio Tedesco Bußgürtel.

sílixi sílighe

sílla , nf Definizione prus che àteru, istidhighedhu de ógiu chi abbarrat in pitzu (in su brodu o àteru) Sinonimi e contrari luneta, stídhia, tidha.

síllaba , nf Definizione silibba de àgiu Sinonimi e contrari cítula, fítula, íntzua, ispixu, istígia, títaba Frasi in d-una cassarola si ponet unu pagu de ozu e duas síllabas de azu e apenas leant colore si ndhe bogant.

síllabba , nf Definizione parte mínima de unu foedhu de si pòdere pronunciare / papa síllabbas = chie no pronúnciat bene distintoas, craros, is foedhos Traduzioni Francese syllabe Inglese syllable Spagnolo sílaba Italiano sìllaba Tedesco Silbe.