A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

siscúru! , iscl Definition foedhu chi narant lastimandho a unu: s'impreat coment'e un'agt., ma si narat fintzes s. a ccn.: nau cun arrennegu, siscurigadu Synonyms e antonyms feritzedhu!, iscedau! Sentences no l'iscriviat mai nemmos, siscuru! (S.Spiggia)◊ at patiu meda, siscuredhu! ◊ siscuru chie no si abbàidat sas buciacas suas! ◊ siscuros, sunt istracos cussos ómines, totu cussu caminu a pè! ◊ siscura, sa mama, su dannu chi at tentu! ◊ preguntant comente istant su babbu e sa mama, siscuros, solos solos a ora betza (A.Cossu)◊ siscuru a nois chi semus in manos anzenas! ◊ siscuru a issos, malevadados: za l'ant tentu su dannu! ◊ siscurigadu chi sias: za ses masedu!… Etymon srd. Translations French le pauvre! English poor thing Spanish ¡pobrecillo! Italian poverino! German der Ärmste!

sisérbi, sisérbiu , nm Definition mela de zanas, rúbia de padente o fintzes sambucu areste, genia de matighedha chi assimbígiat unu pagu a su lau Synonyms e antonyms malajana 1, sambignu Scientific Terminology mt, Viburnum tinus Translations French viorne-tinus English laurustine Spanish duraznillo, durillo Italian laurotino, lentàggine German Lorbeerschlinge.

sisía , nf: sitzia, tzintzia 2 Definition diferentes calidades de sitzia, pudéscias puru (sitzia arrabiosa) Synonyms e antonyms concuda 1, criallei, sennoredha 1 Sentences cuntzetos suos e faedhos mios indruchint sa sisia e tataroju ◊ sas sisias in sa badhe si acherant time time ◊ no b'isparghet portzedhu in sas enas, no bi moghet sisia in sos litos ◊ ant fatu gravèglios e rosas, colovros e sisias ◊ sa sisia a mie mi faghiat a dolore de conca Surnames and Proverbs smb: Sitzia Scientific Terminology rba, Chamaemelum fuscatum Etymon itl. cicìa Translations French pâquerette English daisy Spanish maya Italian margheritina German Färberkamille.

sisía 1 , nf: sitzia 1, tzitzia Definition sitzia latosa e un'àtera calidade prus manna chi frorit in atóngiu Synonyms e antonyms concuda 2, sitziedha Scientific Terminology rba, Bellis perennis, B. sylvestris.

sisía 2 , nf Definition bentighedhu lébiu Synonyms e antonyms aeresita, bentitzolu, frina Sentences de su bentu no s'intendhet piús una sisia (N.Cucureddu)◊ sa sisia si ndhe picat sas fozas grogas e sicas, múlina múlina ◊ s'ànima nostra est sartisartis a cada móghia de sisia ◊ no si pesat ne frina e ne sisia ◊ cussa pedra de tocu no la movent sisias ne bentos! Scientific Terminology tpm Etymon srd. Translations French brise English breeze Spanish brisa Italian venticèllo German leichter Wind.

sisía 3 , nf Definition tira fine e longa de orrobba, fintzes ispertiada de àteru colore; unu tanti de cosa pagu pagu Synonyms e antonyms bita 1, feta, filliocu, firiolu, friseta, frisu Sentences sa gardanera zuchet sas pinnas in supra in colore de tanau e biancas in suta chin sisias biancas e nighedhas.

sisibbèlla , nf Definition genia de maladia apicigadita chi atacat prus che àteru a is piciochedhos (de ses, deghe annos), ponet callentura arta, faet ganalègia, gúturu arterau, gràndhulas o néulas ufradas, sa pedhe orrúbia in totu sa carena e a pintirighinos prus cotos (pabedhas burdas): sanandho, sa pedhe faet sa crosta chi che andhat a iscatighedhas Synonyms e antonyms dessipella*, ociada Scientific Terminology mld Translations French scarlatine English scarlet fever Spanish escarlatina Italian scarlattina German Scharlachfieber.

sisigràxa , nf: cixigraxa*, sitzigratza Synonyms e antonyms bibbigorra, cantaganta, chíchela, cicirida, cixigraxa, sitzigolla Sentences parit ca portu s’orguena tupara: una sisigraxa papat prus de mimi!

sisína seína

sísini , nm: císini* Definition genia de pigione Sentences arremant in su stani a sísini e ninfeas e no prus a ispàdula e mangonis Surnames and Proverbs smb: Sisini.

sisínu seína

sisirinàre , vrb rfl Definition fàere che a su sísini, chi si giaet a bíere po sa bellesa po magnosidade Synonyms e antonyms impompare, ispazariare Sentences su púlighe si tricat, si sisirinat che persone abberu abbituada a sa tzivilidade ◊ su paone est allegru, at sos ojos lútzigos, si sisirinat, s'impompitat, est s'animale prus pazosu ◊ candho est in mesu a zente, tota si sisirinat Translations French se pavaner English to strut about Spanish pavonearse Italian pavoneggiarsi German sich brüsten.

sisirínu , nm Definition su si sisirinare, comente faent is pageris Synonyms e antonyms blaga, ispaconamentu Etymon srd.

sisíu , agt Definition órulu s. = de sisia?

síssa! , avb: sisse!, sissi! Definition foedhu po nàrrere chi ei ma cun prus fortza e mescamente a gente manna o de importu: abbetiandho, arrespondhendho a tzacu, síssidi! / una passada de Sisse!, nosse! = genia de fàere a sa lestra, a aggurgadura, chentza incuru Synonyms e antonyms eja, emmo | ctr. nosse Sentences - Est aberus ca tuis ses su fillu de Deus? - Sissi, tui dh'as nau! ◊ sissi, su meri! ◊ sissi, aici est, si ti praxit! ◊ sissi, mamma: cumandit! 2. - No est aici! - Síssidi, aici est! Etymon spn. Translations French oui, Monsieur, eh bien oui, c'est comme ça English yes, sir Spanish ¡sí señor! Italian sissignóre! German Jawohl!

síssada! , avb Synonyms e antonyms sissa!

sísse!, síssi! síssa!

sissíglu , nm, nf: tzitzicra Synonyms e antonyms campaninu, cicillone, iscalúgia.

sissigórru sicigórru

sissirigòscia, sissirigòxa , nf Definition genia de bobboi chi istat sèmpere cantandho, in s'istade, mescamente candho caentat sole Synonyms e antonyms bibbigorra, cantaganta, chíchela, cicirida, cicirigolla, cixigraxa, pisigorra, sitzigarra, sitzigolla, tzitarra, tzitzirigòrgia Sentences intendu una múida a conca parit prena de sissirigòscias! Scientific Terminology crp, tibicen plebejus Etymon srd.