A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

siscúru! , iscl Definizione foedhu chi narant lastimandho a unu: s'impreat coment'e un'agt., ma si narat fintzes s. a ccn.: nau cun arrennegu, siscurigadu Sinonimi e contrari feritzedhu!, iscedau! Frasi no l'iscriviat mai nemmos, siscuru! (S.Spiggia)◊ at patiu meda, siscuredhu! ◊ siscuru chie no si abbàidat sas buciacas suas! ◊ siscuros, sunt istracos cussos ómines, totu cussu caminu a pè! ◊ siscura, sa mama, su dannu chi at tentu! ◊ preguntant comente istant su babbu e sa mama, siscuros, solos solos a ora betza (A.Cossu)◊ siscuru a nois chi semus in manos anzenas! ◊ siscuru a issos, malevadados: za l'ant tentu su dannu! ◊ siscurigadu chi sias: za ses masedu!… Etimo srd. Traduzioni Francese le pauvre! Inglese poor thing Spagnolo ¡pobrecillo! Italiano poverino! Tedesco der Ärmste!

sisérbi, sisérbiu , nm Definizione mela de zanas, rúbia de padente o fintzes sambucu areste, genia de matighedha chi assimbígiat unu pagu a su lau Sinonimi e contrari malajana 1, sambignu Terminologia scientifica mt, Viburnum tinus Traduzioni Francese viorne-tinus Inglese laurustine Spagnolo duraznillo, durillo Italiano laurotino, lentàggine Tedesco Lorbeerschlinge.

sisía , nf: sitzia, tzintzia 2 Definizione diferentes calidades de sitzia, pudéscias puru (sitzia arrabiosa) Sinonimi e contrari concuda 1, criallei, sennoredha 1 Frasi cuntzetos suos e faedhos mios indruchint sa sisia e tataroju ◊ sas sisias in sa badhe si acherant time time ◊ no b'isparghet portzedhu in sas enas, no bi moghet sisia in sos litos ◊ ant fatu gravèglios e rosas, colovros e sisias ◊ sa sisia a mie mi faghiat a dolore de conca Cognomi e Proverbi smb: Sitzia Terminologia scientifica rba, Chamaemelum fuscatum Etimo itl. cicìa Traduzioni Francese pâquerette Inglese daisy Spagnolo maya Italiano margheritina Tedesco Färberkamille.

sisía 1 , nf: sitzia 1, tzitzia Definizione sitzia latosa e un'àtera calidade prus manna chi frorit in atóngiu Sinonimi e contrari concuda 2, sitziedha Terminologia scientifica rba, Bellis perennis, B. sylvestris.

sisía 2 , nf Definizione bentighedhu lébiu Sinonimi e contrari aeresita, bentitzolu, frina Frasi de su bentu no s'intendhet piús una sisia (N.Cucureddu)◊ sa sisia si ndhe picat sas fozas grogas e sicas, múlina múlina ◊ s'ànima nostra est sartisartis a cada móghia de sisia ◊ no si pesat ne frina e ne sisia ◊ cussa pedra de tocu no la movent sisias ne bentos! Terminologia scientifica tpm Etimo srd. Traduzioni Francese brise Inglese breeze Spagnolo brisa Italiano venticèllo Tedesco leichter Wind.

sisía 3 , nf Definizione tira fine e longa de orrobba, fintzes ispertiada de àteru colore; unu tanti de cosa pagu pagu Sinonimi e contrari bita 1, feta, filliocu, firiolu, friseta, frisu Frasi sa gardanera zuchet sas pinnas in supra in colore de tanau e biancas in suta chin sisias biancas e nighedhas.

sisibbèlla , nf Definizione genia de maladia apicigadita chi atacat prus che àteru a is piciochedhos (de ses, deghe annos), ponet callentura arta, faet ganalègia, gúturu arterau, gràndhulas o néulas ufradas, sa pedhe orrúbia in totu sa carena e a pintirighinos prus cotos (pabedhas burdas): sanandho, sa pedhe faet sa crosta chi che andhat a iscatighedhas Sinonimi e contrari dessipella*, ociada Terminologia scientifica mld Traduzioni Francese scarlatine Inglese scarlet fever Spagnolo escarlatina Italiano scarlattina Tedesco Scharlachfieber.

sisigràxa , nf: cixigraxa*, sitzigratza Sinonimi e contrari bibbigorra, cantaganta, chíchela, cicirida, cixigraxa, sitzigolla Frasi parit ca portu s’orguena tupara: una sisigraxa papat prus de mimi!

sisína seína

sísini , nm: císini* Definizione genia de pigione Frasi arremant in su stani a sísini e ninfeas e no prus a ispàdula e mangonis Cognomi e Proverbi smb: Sisini.

sisínu seína

sisirinàre , vrb rfl Definizione fàere che a su sísini, chi si giaet a bíere po sa bellesa po magnosidade Sinonimi e contrari impompare, ispazariare Frasi su púlighe si tricat, si sisirinat che persone abberu abbituada a sa tzivilidade ◊ su paone est allegru, at sos ojos lútzigos, si sisirinat, s'impompitat, est s'animale prus pazosu ◊ candho est in mesu a zente, tota si sisirinat Traduzioni Francese se pavaner Inglese to strut about Spagnolo pavonearse Italiano pavoneggiarsi Tedesco sich brüsten.

sisirínu , nm Definizione su si sisirinare, comente faent is pageris Sinonimi e contrari blaga, ispaconamentu Etimo srd.

sisíu , agt Definizione órulu s. = de sisia?

síssa! , avb: sisse!, sissi! Definizione foedhu po nàrrere chi ei ma cun prus fortza e mescamente a gente manna o de importu: abbetiandho, arrespondhendho a tzacu, síssidi! / una passada de Sisse!, nosse! = genia de fàere a sa lestra, a aggurgadura, chentza incuru Sinonimi e contrari eja, emmo | ctr. nosse Frasi - Est aberus ca tuis ses su fillu de Deus? - Sissi, tui dh'as nau! ◊ sissi, su meri! ◊ sissi, aici est, si ti praxit! ◊ sissi, mamma: cumandit! 2. - No est aici! - Síssidi, aici est! Etimo spn. Traduzioni Francese oui, Monsieur, eh bien oui, c'est comme ça Inglese yes, sir Spagnolo ¡sí señor! Italiano sissignóre! Tedesco Jawohl!

síssada! , avb Sinonimi e contrari sissa!

sísse!, síssi! síssa!

sissíglu , nm, nf: tzitzicra Sinonimi e contrari campaninu, cicillone, iscalúgia.

sissigórru sicigórru

sissirigòscia, sissirigòxa , nf Definizione genia de bobboi chi istat sèmpere cantandho, in s'istade, mescamente candho caentat sole Sinonimi e contrari bibbigorra, cantaganta, chíchela, cicirida, cicirigolla, cixigraxa, pisigorra, sitzigarra, sitzigolla, tzitarra, tzitzirigòrgia Frasi intendu una múida a conca parit prena de sissirigòscias! Terminologia scientifica crp, tibicen plebejus Etimo srd.