A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

tribbulétu , agt, nm Definition piciochedhu malu chi istat sèmpere faendho e tocandho, giaendho istrobbu Synonyms e antonyms bagiariotu, brisca, petziotu, pigliete, serpellucu.

tribbulía , nf, nm: tribbuliu, trivulia Definition su patire, sacrificare meda Synonyms e antonyms patimentu, tormentu, tribbata, tribbúgliu, tríbbulu / ttrs. tribburia | ctr. gosa Sentences sos abbocaos candho nanchi si pesant nant: Bivat sa discórdia, crescant sas tribbulias! ◊ sos desizos sunt boltados in fastizos, tribbulia e amargura (G.Contieri)◊ su fuste fit una tribbulia pro sos dischentes de cust'iscola ◊ no ponzat custa fiza in tribbulia, ca sos cojos los faghet su Segnore! ◊ misérias e tribbulia cantu ndh'as bistu in treghentos annos! ◊ is tribbulias de su tempus de sa gherra fiant foras de contu Etymon srd. Translations French tribulation English tribulation Spanish tribulación Italian tribolazióne German Quälerei.

tribbuliadúra , nf Definition su tribbuliare Synonyms e antonyms tribbulia Etymon srd.

tribbuliàe, tribbuliài, tribbuliàre tribbulài

tribbuliàu tribbulàdu

tribbuliósu , agt: tribbulosu Synonyms e antonyms matanosu, trabagiosu Sentences su suu fiat unu andai tribbuliosu avatu a disígius chi no iant a èssiri istétius mai soddisfaus (R.Spissu)◊ cun babbu fintzas sas fainas piús tribbulosas las faghiamus riendhe e cantendhe Etymon srd.

tribbulíu tribbulía

tribbulósu tribbuliósu

tríbbulu , nm Definition su tribbulare, su istare patindho, sufrindho Synonyms e antonyms patimentu, tribbúgliu, tribbulia | ctr. gosa Sentences sunt fozas mortas a tríbbulu in su bentu ◊ poi de tantu tríbbulu e suore sos massajos fint totu a disisperu ◊ pustis de tantu tríbbulu mi leo pagos meses de pasu ◊ abarrai firmus, chi seis fendi unu tríbbulu batúliu! Translations French tribulation English affliction Spanish tribulación Italian tribolazióne German Quälerei.

tribbúna , nf Definition logu in artu fatu apostadamente po foedhare; genia de cicidórgiu po cicire gente meda a castiare ispetàculu.

tribbunàle, tribbunàli , nm Definition logu, fràigu inue dhue funt totu is ufícios de sa giustítzia e si faent is dibbatimentos; is giúdices chi faent unu dibbatimentu de primu o de segundhu gradu Surnames and Proverbs prb: s'onori pérdiu no si circat tribbunali Translations French tribunal English law court Spanish tribunal Italian tribunale German Gericht.

tribbútu , nm Synonyms e antonyms afochizu, pagamenta.

tríbida trébi

tribidàlzu, tribidàrzu trebidàlgiu

tríbide trébi

tribisàre , vrb Definition mòvere, avolotare, istare in o fàere movimentu; fintzes fàere divertire Synonyms e antonyms afateriai, agiolotare, tranchinare.

tribísu trempísu Sentences

tribítu , nm: tripitu Definition moida, pistamentu chi si faet a peis Synonyms e antonyms apetigu, atrípidu, istrepitzu*, istrípidu Sentences in mesu a sa paza intendheit unu tribitu de passos.

tribizòne , nm: triminzone, trimizone, trimizoni, tripicione Definition nue forte de bentu, mescamente a molinadura; truma de gente, muntone o apicone de frutuàriu / trimizoni de pampas = pampada manna Synonyms e antonyms bruxajolu, bulione, mommurzolu, momonissa, torvellinu, tramúghine, tremuine, trumujone / cdh. trimignoni / crimizone Sentences si sont torradas a pesare sas tiliocas inchisinadas in trimizones de prúghere ◊ a sa torrada si mi pesant de imbotu sos trimizones de sas tiliocas a fríghidas e frúscios ◊ tres boltas sa die s'undha bi faghet unu trimizone ispumosu 2. sa superba la bogat a trimizones ◊ manos sàbias tàpulant tripiciones de bogada ◊ bi at unu trimizone de sonazas apicadu Translations French tourbillon English whirl Spanish remolino, torbellino Italian vòrtice, tùrbine German Wirbel.

tribòni , nm Synonyms e antonyms pocrabu, sibroni*.