triciàre , vrb: atriciare Definition múrghere s'orrobba, is trastos isciustos po che dhis bogare s'abba; isciúndhere s'orrobba po dha samunare Synonyms e antonyms intortijare, tortojare / tilciulare, tirchiare Sentences est trícia trícia ca ch'est rutu a modhe colendhe in su riu.
triciatrícia , avb: atriciatrícia* Definition
isciustu meda, chentza una trama asciuta
Synonyms e antonyms
cobagoba,
tilchiatílchia,
tiritiri
Sentences
che li faleit subra un'isterzu de abba e recueit a domo triciatrícia ◊ a foltza de giogare in su nie giughia sos botes infustos triciatrícia
Translations
French
trempé,
moite
English
soaked
Spanish
empapado,
calado
Italian
fràdicio,
màdido
German
durchnäßt.
triciulòne , agt: truciuloni Definition chi est totu isciustu, colagola Synonyms e antonyms tilchiatílchia / cdh. tilchiuloni, ttrs. triciuroni Sentences fit triciulone de suore dae pes a cúcuru.
trícu , nm: trídicu,
trídigu,
trigu Definition
fortzis su prus connotu de is laores, genia de erba de tantas calidades chi faet una cannita fine arta agiummai de metro, fògia longa puntuda, e in punta bogat un'ispiga a tantas fileras de granos: su granu chi faet est su prus impreau po farra a pane e a macarrones (mescamente is calidades chi àrridant o Triticum durum): su foedhu po su granu est sèmpere unu upm, ma in su sensu de terra semenada/prena a trigu si narat pl. puru / in su fundhu de su trigu si distinghet: s'arraighina, sa canna, sa fògia, sa cabitza o ispiga; su trigu a erba podet èssere: puzonadu o afasciau, imbénnidu, lieru, metzanu, brujadu, abbruvurau, abbiveradu, anneuladu o fertu de népide, ispadonadu (bellu meda a erba ma cun s'ispiga aortitza po basca a tropu cabudàrgia); su trigu a granu podet èssere maduru, minudu, netu, brutu, suzonadu o tocau de bobbois; calidades de t.: (T. aestivum o trigu modhe) conca de mazu, cossu, majorca, mentanu; (T. turgidum ssp. durum o tostau) arrúbiu, biancale, biancu (a ispiga longa, areste bianca, a canna tuvuda), brotzu, canu, capelli (arestiniedhu, a canna tuvuda), cixiredhu (arestiniedhu, a canna prena), coa de atàlgiu, cuadhàriu (a ispiga longa e pilosa, a canna tuvuda), dandarone, longu, maresu, montrestinu, moro, moru niedhu (arestiniedhu, a canna tuvuda), murru, murru bàsciu (arestiniedhu, ispiga curtza, a canna prena), pitzu de caboru (a ispiga longa e arrubiasta), rasticanu, retore, sardaresu / àteras calidades de erba (o fintzes de laore): trigu ammustatzadu (Claviceps purpurea), trigu antigu o de frommiga (Aegilops geniculata), trigu farru (Triticum spelta), trigu grussu (Triticum turgidum), trigu órgiu (Hordeum vulgare var. distichum: serbit a fàere sa birra), trigu tabbacu (trigumortu); maladias de su trigu: Tilletia caries, Ustilago tritici
Idioms
csn:
betare (o semenare), tzapitare, iserbare, messare, carrugare, triulare t.; sos trigos = sos campos semenados a trigu (ma fintzas calidades diferentes de t.); trigu in sàngia = modhe, ingranindhe ma ancora latelate; trigu in amori = sicau, cannemebi, in sa muta zusta pro ndhe lu messare; trigu tzegu = aurtidu, chi no at fatu ispiga; trigu mortu = nadu de su t. a erba, chi est fatu a carbone, a fungu písinu, anneuladu: si est nadu de su ranu triuladu, chi est aurtidu; trigu spabau = sicu de su bentu ’e sole; trigu dent'e cani = cun ispiga metzana, cun duas rigas ebbia de ranu; trigu brenti bianca = chi zughet sa mata de su ranu tropu bianca, metzana (candho su trigu est bonu est a brenti arrúbia); trigu próssimu = apunt'a ispighire; trigu moriscu = triguíndia, moriscu; ollu de trigu = s'ozu chi bogat su trigu, bonu pro sanare sa tzerra; fai in àcua su trigu = fàghere su trigu in abba, samunare su trigu pro lu maghinare; fàghere su trigu in sorfatu = ammodhigare su trigu in abba cun sorfatu de ràmine innantis de lu semenare; èssere cantu trigu farina (nadu de duos) = cantepare de fatas, assimbillaisí meda in dónnia cosa, in su naturali, in is capacidadis e in àteru; mandhigàresi su trigu a erva = godíresi una cosa innantis de su tempus (nadu mescamente pro fémina, faedhendhe de ómine cojendhe); andai a biri is trigus = (in suspu) mòrrere
Sentences
as semenadu trigu bonu in sa terra tua ◊ ainnui no faint pani de trigu dhu portint! ◊ a erva custu trigu est bellu ◊ fiat passendu in sa campagna in mesu de is trigus ◊ in santandria e nadale si sèmenant sos trigos ◊ su trigu maghinadu si cumpartit in bàtoro partes: bilinzone, chivarzu, chiu, podha ◊ innòi fuat annada de caristia, ma innia dhu'iat trigu meda ◊ ocannu est annada mala po is fàas, po is trigus e is àterus loris
2.
no sunt unu menzus de s'àteru: sunt totos duos cantu trigu farina! (G.Ruju)◊ si ti cheriat bene no si aiat mandhigadu su trigu a erva!
Surnames and Proverbs
prb:
su trigu si ndi segat po sa conca e no po sa canna
Scientific Terminology
lrs, Triticum aestivum, Triticum turgidum ssp. durum
Etymon
ltn.
tridicum
Translations
French
blé,
froment
English
wheat
Spanish
trigo
Italian
grano,
fruménto
German
Weizen.
tridhía , nf Synonyms e antonyms cacódua, ladhia, pedra / ttrs. tridhia Sentences dae sos rios carreit tridhia, granitu dae su monte.
trídhu , nm Definition in su telàrgiu, donniunu de is duos bancos grussos chi cun is peis poderant totu.
tridichédhu , nm Definition min. de trídicu: trigu minudu, metzanu.
trídicu trícu
tridicumoríscu , nm: trigumoriscu Definition
trídicu moriscu, genia de laore chi faet un'ispiga a cannone (corru, trútiri) ammontada de granu de colore grogo a tantas fileras / còghere t. a rosa = cun pagu pagu de ógiu in sartàina, agiummai coment'e a orrostu, candho essit totu apertu
Synonyms e antonyms
cicilianu,
moriscu,
tremmuriscu,
trigaíndiri,
trighéndia,
trigulianu,
trigumoria
Sentences
los acisaiant sos fundhos gàrrigos che pileri de frúture, sas iscras pazosas de corras de trigumoriscu
Scientific Terminology
lrs, Zea mays
Etymon
srd.
Translations
French
maïs
English
maize
Spanish
maíz
Italian
granoturco
German
Welschkorn.
trídigu trícu
tridússa , nf Definition brebè túndhia tres bortas, chi tenet bàtoro annos.
trièdha , nf Definition genia de sonàgia; a logos, candhela de mucu, su mucu cala cala, pendhe pendhe Synonyms e antonyms itriedha, trobedha* 1 Sentences prantaritas de lughe a sa manu mi beniant e vibrait a su càntigu issoro sa triedha de s'incantu.
triedhàrzu , nm Definition sonadore de triedhas.
triedhínu , agt, nm Definition chi o chie est de Triei.
triedhúdu , agt Definition chi est totu mucu, cun su mucu calandho Synonyms e antonyms mucanosu.
triéllu , nm Definition its (S'Ischíglia 9,92,260) Sentences mi gighiat a manu tenta, sa luna, in triellos de lughe e de mele (M.Sechi).
triennàle, triennàli , agt Definition chi durat tres annos, chi benit dónnia tres annos.
triénniu , nm Definition tempus de tres annos.
trifiàdu , pps, agt Definition de trifiare; chi s'est gherrandho 2. pro ispannare s'iscuru de gatos in amore trifiados sont froridos sos istedhos.
trifiàre , vrb Definition betare manu apitzu s'unu a s'àteru, brigandho e atripandhosi Synonyms e antonyms acanciofai, atzuntzudhare, crazugai, tipiliare, tipilire Sentences si sont trifiados che gatos, che canes.