A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

tisicòre , nm Synonyms e antonyms tisia, tisichénsia Etymon srd.

tísicu , agt, nm: dísigu, tísigu Definition nau de ccn., chi portat su male fínicu; s'infetu etotu; chi est làngiu meda, marriu / donai in su t. = comintzare a indisighire Synonyms e antonyms tisichéntzia, tisichera / finigosu, scalarxiu, suspiu Etymon itl. tisico Translations French tuberculeux English tubercular Spanish tuberculoso Italian tubercolòtico German tuberkulos, Tuberkulosekranke.

tisicúmene, tisicúmini , nm Definition su male fínicu; fintzes personas o matas metzanas, coment'e tísicas, chi no funt creschendho Synonyms e antonyms tisichéntzia, tisichera Etymon srd.

tisidhàre , vrb Definition coment'e istirare a tesidhu, ufrare, ma nau fintzes in su sensu de arrasigare, consumare Synonyms e antonyms abbrofodhare, acasidhare, atesidhare, ufiare, ufredhare Sentences custa sorte chi iscancat tisidhat a rànchiu su corzu Etymon srd.

tisídhu tesídhu

tisídhu 1 , agt Definition nau de ccn., chi est sentiu, oféndhiu, tzacau, ufrau (nau in cobertantza), tirriosu Synonyms e antonyms crepuru, tzacau.

tisighía , nf: disighia Definition su male fínicu, genia de maladia chi guastat is prumones faendhodhos a nodighedhos; su istare male fintzes de salude po calecunu dispraxere mannu Synonyms e antonyms disigura, tisia, tisichesa, tisicore Scientific Terminology mld Etymon srd.

tísigu tísicu

tisigúra , nf: disigura Synonyms e antonyms disighia, tisia, tisichesa, tisicore Etymon srd.

tísti , bvrb Synonyms e antonyms tias Sentences ite ndhe tisti pensare de nos cojuare?

tistighíle testighíle

tistíghine , nm: tristíghine Synonyms e antonyms testainu, testúghine*.

tistivíllu tertevíllu

tistúghine testúghine

títa , nf Definition genia de gràndhula manna esócrina chi sèberat e bogat su late, isvilupada meda in sa fémina e mescamente in animales chi si pesant po su late coment'e alimentu: est a bisura de cumossu tundhu (a mola, pane de tita) chi acabbat a punta, su tzimingione o crabigu, inue essit su late, e si agatat in petorras in sa fémina (chi ndhe portat duas, a unu crabigu); is animales de late dha portant in mesu de is cambas de asegus a cara a bentre, in ímbenas, e ndhe portant una a duos o fintzes a prus de duos tzimingiones (es. brebè, craba, baca), àteros (es. màdria, gatu, cane) fintzes in totu sa bentre de longu cun tzimingiones a duas fileras; candho sa tita no est faendho late si sicat e torrat meda fintzes de mannària; in s'ómine is titas apena si parent, funt aortitzas e solu si podet bíere su marcu de is tzimingiones apena distintos / min. titedha, titichedha, titixedha; titighedha = casizolu de late berbeghinu, bàchinu; t. de monza = creze de pane russu, modhe Synonyms e antonyms pisturra Idioms csn: mola, pane de t. = sa tita etotu, bida coment'e cosa tundha, a mola, a zisa de fundhu; unu giogu de titas = sas duas titas (de sa fémina) cussideradas paris, che una sola; t. mala = malàida, chi tenet neghe; titas de fodhe = mannas meda, titimanna, tituda, titiódhina (nadu de fémina); titas de bértula = chi funti pendi pendi, frunzias; titas limonincas = minores e crispas; titas bundharosas = mannas; titas ispitias = sicas, chi no bogant prus late; dare sa tita a sa criadura = fai súiri su pipiu; èssiri in sa t. (nadu de sa criadura) = èssere ancora suindhe; rúpere in titas = ammadurare in titas, nadu de pitzoca faghindhe a fémina; betare in t. = (nau de s'animali fémina), apaneditai, atrufudhai sa tita po angiai, candu sa tita cumentzat a si preni de lati; late de t. = lati callenti coment'e candu dhu mullint; mama de t. = dida, tadàgia; fiza de t. = criadura allatada de àtera fémina; t. de baca = creze de ua a pipiones maduros meda; filu de tita = piaritu Sentences candho su pipiu pranghet meda, sa mama po dh'apaghiare dhi giaet sa tita ◊ pòbera animaledha, est crebendhe in titas ca est ora meda chentza suta ◊ sos pastores trúpiant sa tita de sas arveghes e su late falat ◊ sas berbeghes sunt betendhe in tita: lis cheret pagu pro anzare ◊ a issu dh'apu connotu pitichedhedhu ancora in sa tita 2. Caderina fit comintzandhe a rúpere in titas e si assentavat su zipone pro las fàchere víere ◊ tia Tzitza fit piús manna de mamma e li aiat fatu de mama de tita Scientific Terminology crn Etymon srd. Translations French glande mammaire, mamelle, pis English tit Spanish mama Italian ghiàndola mammària, mammèlla, tétta German Brustdrüse, Brust.

títaba, títala , nf: títua, títula 1 (sa t. = nr. sadítula) Definition sa silibba de s'aràngiu, de s'àgiu, de su mandarinu deasi comente funt ispartzios a solos; fita de calecuna cosa; genia de tumoredhu chi essit in ghinghias e chi si faet in matéria; a logos, títala est sa tzuga o tzíntzula, su bobboedhu chi punghet Synonyms e antonyms cítula, fítula, íntzua, ispixu, istígia, sibícua, síllaba 2. po fai su giuabi me is origas de is animalis, sinnendidhus, si ndi bogat una títua ◊ a sa murxa po su pisci arrustiu dhoi ponit duas títulas de allu istrecadas ◊ una títula de mundu mi brillat ananti 3. títala de malas trassas, apostà in sete pizas de muru, ses su peus irribiu! Scientific Terminology rbr Translations French quartier, gousse English segment, slice Spanish gajo (agrios), diente (ajo), raja, tajada Italian spìcchio German Schnitz.

titàle tidàle

titeàca , nf: titiaca 1 Definition calidade de àghina bianca a pibiones matucos longhitos, po papare o fàere a pabassa Synonyms e antonyms corniola Sentences su corrale fit pienu de rosas, limones, arantzos e trigas de titiaca ◊ in su corratzu tengu unu stàbui de titiaca Scientific Terminology frt Etymon srd.

titía , nf Definition farinedhu de paperi (upm), paperi orrugau a piticu Translations French confetti English confetti Spanish confeti Italian coriàndoli German was für eine Kälte!

títia , nf Definition frores e trigu chi si betant a is isposos, a s'atzivu de s'isposa (e fintzes a is mortos bagadios) Synonyms e antonyms gràtzia, sprexa.