A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

allimidài , vrb Definizione pònnere o marcare is límines, is làcanas Sinonimi e contrari alindare, allacanai 1, aorare, atremenai.

allimidídu , agt Definizione famiu, cascandho de su fàmene Sinonimi e contrari agganidu, famidu | ctr. atatu, mascadu, satzau Frasi totu assutos e allimididos, fint chirchendhe erbas manigantinas: meliagra, litos betzos, chima, barduminzone (E.Pes).

allimídu , agt: limidu Definizione nau de ccn., chi no giaet nudha a is àteros, arrestigu; chi bolet totu issu, chi no bolet lassare nudha a is àteros Sinonimi e contrari allambridu, allufiadori, allupidu, araganzatu, bentranu, calestiosu, illimidu, mangiufoni, pasteri, sassagoni, sgalluponi Frasi sos mios sunt allimidos e isfidant fogu e ferru pro m'iscavare fossos suta de pes Terminologia scientifica ntl Etimo srd. Traduzioni Francese glouton, goulu, avare Inglese greedy, glutton, stingy Spagnolo glotón, avaro Italiano ghiottóne, ingórdo, avaro Tedesco Feinschmecker, eßgierig, geizig.

allimiméntu , nm Sinonimi e contrari allurpidura, asuria, inguglioneria | ctr. bonugoro.

alliminídu , agt Sinonimi e contrari allimidu, pasteri.

allimitzídu , agt Sinonimi e contrari abbramidu, assuriu, asuriosu, isgurriu.

allimpiàre , vrb: limpiai* Definizione fàere netu, límpiu Sinonimi e contrari innetare, pulire.

allimúsina alemúsina

allimusinài , vrb: lemusinai Definizione pedire s'alimúsina Sinonimi e contrari mendigai, pedulianare.

allincantzíre allicantzíre

allindàre alindàre

allinídu , agt Definizione nau de dolore o sentidu, chi est airau, biu, forte Frasi addaghi ti lassas tènnere dai su disisperu, tandho sas dólimas diventant prus allinidas ◊ su fàmine de s'ódiu piús allinidu non lu tatat sa morte de s'inimigu (G.Ruju).

allinnàdu , pps, agt: allinnau Definizione de allinnare; nau de erba chi creschet, chi si est fata a linna, intostada; nau de logu, chi si est prenu de linna, de matas, de matedu Sinonimi e contrari linnosu / intostadu, sicadinu / arburidu 2. mi apu a torrai allinnada e niedha coment'e un'iscrafajoni ◊ sas ruas li sinzabant sa cara allinnada 3. su monte est allinnadu ca est dae meda chentza brusiadu Traduzioni Francese ligneux Inglese wooden Spagnolo leñoso Italiano legnóso Tedesco hölzern.

allinnadúra , nf Definizione su èssere linna, su si fàere a linna; su male chi benit a un'animale chi at papau sida meda Etimo srd.

allinnài, allinnàre , vrb rfl Definizione fàere a linna; fàere o segare linna; pònnere linna, comente faent is matas creschendho Sinonimi e contrari intostare / linnai 2. issus teniant diritu de allinnai in is arrius 3. su fenu mi allinnat apetotu - naràt su burricu - Etimo srd. Traduzioni Francese lignifier Inglese to become wood, hardening of a grass Spagnolo hacerse duro como madera Italiano farsi légna, indurirsi di un'èrba Tedesco holzig werden.

allinnàu allinnàdu

allintugliàdu , agt Definizione chi est morindho de fritu Sinonimi e contrari afritoridu, ateterighedhadu.

allintzàre , vrb Sinonimi e contrari allimbriscare Frasi s'ódiu ficatu a tziu Grodhe fit die die prus allintzatu (A.Pau).

allintzonàre , vrb Definizione allebizare, igragalare, pèrdere fortza, nau de sa fògia po farta de abba e fintzes de gente imbeciandho Sinonimi e contrari allizare, acalamai, allartzanai, allebigiare 2. a sa caldana chi est faghinne, sa bide est totu allintzonada (Z.Porcu).

allíntzu , agt Definizione nau de ccn., chi est o istat ibertandho o disigiandho calecuna cosa de àtere, chi si faet is contos coment'e de dha tènnere in manu Sinonimi e contrari apedhiosu Frasi fit allintzu ispetendhe a l'azuare ma b'est abbarradu male candho at bidu chi mi ndhe so andhadu! ◊ est allintzu ca li dao custa cosa,ma si fadhit! ◊ allintzu, tue, ca nachi ti pagaiant, ma mi paret chi depes ispetare ancora! ◊ allintzu, deo, ca nachi bi la faghia in duas oras: bàtoro bi ndh'apo postu! Etimo srd. Traduzioni Francese plein d'espoir Inglese hopeful Spagnolo esperanzado Italiano speranzóso Tedesco hoffnungsvoll.