ammartizàre , vrb Definizione coment'e ammortigiare, fàere prus brandhu Sinonimi e contrari illenare Frasi in su sou disvagare ammartizat in parte su dolore chi sentit pro su meu ardente amore (Grolle).
ammartoriàu , agt: maltoriadu Definizione nau de ccn., chi est sufrindho o est sacrificau meda Etimo srd.
ammartufàu , agt Definizione chi est primmau, intristau.
ammarturàda , nf Definizione su ammarturare Etimo srd.
ammarturàe, ammarturài, ammarturàre , vrb: ammarturiai,
ammarturiare,
marturare Definizione
orrúere a malàidu a tempos longos, màrtire, chentza ndhe pòdere sanare; nau cun arrennegu, abbarrare a tropu in letu, istare sèmpere crocau, chentza trebballare
Sinonimi e contrari
irmalaidare
Frasi
nos diamus ammarturiare labandhe a modhe in su ribu! ◊ aite isto in su letu, a mi ammarturare peus?! ◊ no si podiat movi poita de otu annus si fut ammarturau
2.
at fatu su letu e si nc'est ammarturada!
Etimo
srd.
Traduzioni
Francese
demeurer infirme
Inglese
to fall ill for a long time
Spagnolo
enfermar de forma crónica
Italiano
ammalarsi a lungo
Tedesco
lange erkranken.
ammarturatzòne , nf: marturatzoni Definizione maladia o suferéntzia manna chi durat tempos longos, su èssere màrtires, ma nau cun afuta fintzes po mandronia Sinonimi e contrari maltóriu, malturítziu, marturéntzia.
ammarturàu , pps, agt: ammarturiadu,
marturau Definizione
de ammarturai; chi est sèmpere malàidu meda
Sinonimi e contrari
màlturu
/
isbagazadu
2.
fut ammarturau: de otu annus no si podiat movi de aundi fut crocau ◊ dhu'iat un'ómini ammarturau a is cambas de candu fut nàsciu
3.
semus totu ammarturiados de su viazu longu ◊ minadoris e minieras funt una parti manna de s'istória de sa terra nosta ammarturiada
Traduzioni
Francese
infirme
Inglese
chronic patient
Spagnolo
enfermo crónico
Italiano
malato crònico
Tedesco
chronischer Kranker.
ammarturedhàre , vrb Definizione orrúere a malàidu grave, màrtire Sinonimi e contrari ammarturare Etimo srd.
ammarturedhónzu , nm Definizione su èssere ammarturedhados; nau cun tzacu, fintzes mandronia, preitza Sinonimi e contrari marturéntzia Etimo srd.
ammarturiàdu ammarturàu
ammarturiài, ammarturiàre ammarturàe
ammartusinàre , vrb Definizione coment'e addrommentare, abbortigare, nau de un’arremu chi po comente fut postu ora meda si sentit prus pagu, est coment’e dormiu; nau cun tzacu, dormire meda Sinonimi e contrari ammoltighinare, ammortogliare, indormicare, informigai Frasi comente fit corcadu li at ammartusinadu su bratzu 2. custos, za l'ischis, a passadu mesudie si ammartusinant…
ammartziudhàre , vrb Definizione betare totu apare, ammesturare faendho unu martzudhu, unu martitzu Sinonimi e contrari ammalfudhare, ammaltitzare, ammartadhare Etimo srd.
ammarurài ammaduràe
ammarvanàre , vrb Sinonimi e contrari abbelenare, alluae, alluchetare, impestai.
ammàrzu almàriu
ammasanàe , vrb Definizione fàere masanu, fracu, unu pagu tzédidu de fortzas, de ganas o de volontade, isporadu Sinonimi e contrari allacanai, ammoltighinare / allochiai.
ammasaritziàe , vrb Definizione trebballare, manigiare calecuna cosa a manera de ndhe serbire (es. totu su chi si faet in sa cota de su pane), aconciare unu pegus fatu a petza, o fintzes fàere a petza unu pegus Sinonimi e contrari massarizare.
ammascadórgiu , nm Definizione logu inue si abbrovendhat bestiàmene Sinonimi e contrari aproendhatógliu, mandhigadolza, papadòrgia.
ammascadúra , nf Definizione abbroendhada, fintzes tanti de brovendha Sinonimi e contrari addescu Etimo srd.