A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

arrestigàre 1 , vrb Definizione arresparmiare, ispèndhere prus pagu de su necessàriu, a míndhigu, fàere s'arrestigau / a. in sa chisina e isperditzare in sa farina = unu fàghere chi no tenet sétiu a risparmiare in sa cosa de pagu contu e perdimentare sa cosa de valore Sinonimi e contrari aorrai, arresparmiai, collire, istraviare 1 | ctr. aperdimentare, disperdissiare, ispeldisciare, istravuciare Frasi arrestigandhe sèmpere ses, tue! ◊ gasi tenzas arrestigandhe, tue, chi no tenes mancu unu fizu po dhi lassare sos benes! Etimo srd.

arrestigàu , agt Definizione chi est de manu istrinta, chi giaet pagu Sinonimi e contrari arrestigosu, limidu, restigaju, susuncu | ctr. bundhosu Frasi dhue at annadas bundhosas e àteras arrestigadas Etimo srd.

arrestigòre , nm Sinonimi e contrari asurímini, ingurdoneria, istrintúmene, limiore, susuncúmini Etimo srd.

arrestigósu , agt Definizione nau de ccn., chi est limidu, de manu istrinta, malu a giare Sinonimi e contrari assuriu, cringone, ingurdone, ispiceche, restigaju, susuncu | ctr. dadivosu, manibrenu Etimo srd.

arrestígu , agt, nm: restigu Definizione chi o chie est susuncu, de manu istrinta Sinonimi e contrari acaniu, assuriu, cringone, ingurdone, pistricu, susuncu | ctr. dadivosu, manibrenu Frasi arrestigu malu, tanti zai mi passaias sa paga!…◊ ses irricu e arrestigu puru ◊ pobidhu meu est un'arrestigu malu, biet solu s'interessu suu! Etimo srd.

arrestónzu , nm Definizione su arrestare Sinonimi e contrari arrestu 1 Frasi a logos, a carrasegare faghent s'arrestonzu, a befe: sas màscaras arrestant a totu cudhos birgonzosos chi agatant in sas carrelas chentza mascarados Etimo srd.

arrestrànga arratrànca

arrestríca , nf: restiga* 1 Sinonimi e contrari cannabitu, cordedha, cordigliola, filadissa, giúnchina.

arrestricadúra , nf Definizione su arrestricare, sa cosa (pàgia o àteru) filada chi si ponet a bestire un'istrégiu, a fàere fundhos de cadiras e àteru Sinonimi e contrari impagliadura Etimo srd. Traduzioni Francese empaillage Inglese chairmending Spagnolo empajado Italiano impagliatura Tedesco Strogeflecht.

arrestricàre arrestigàre

arréstu , nm: restu, urrestu Definizione cosa abbarrada, unu tanti chi abbarrat, coígiu; faendho is divisiones, parte decimale in prus de su cuotziente Sinonimi e contrari resídiu, sobra Frasi in su fundu de sa tassa dhoi at un'arrestu de binu Traduzioni Francese reste Inglese remainder Spagnolo sobras Italiano rèsto Tedesco Rest.

arréstu 1 , nm Definizione su arrestare, su aciapare, su pònnere is ferros a unu po che dhu pònnere in presone Sinonimi e contrari tentura 1 Traduzioni Francese arrêt Inglese arrest Spagnolo arresto, detención Italiano arrèsto Tedesco Verhaftung.

arrestúgu , nm: restrugu* Definizione de su laore (trigu, órgiu, avena) sa canna chi abbarrat in su terrenu apustis chi che dh’ant messau Sinonimi e contrari restíciu.

arrésu , agt Definizione chi est chentza fortzas, cédiu Sinonimi e contrari arréndhidu / isente, malàdiu Etimo srd.

arrésu 1 arrèsa

arresultàda , nf: resurtada* Definizione su arresurtare; sa cosa o chistione deasi comente arrennescet, comente che finit o acabbat Sinonimi e contrari resida, revéntida Frasi fillora mia, ita trista arresurtada de cudhu bellu isposóriu!

arresúmi , vrb: resúmere* Definizione nàrrere in pagos foedhos s'argumentu o chistione Sinonimi e contrari arresuminai, cumpendiai.

arresuminài , vrb: resuminai Definizione nàrrere sa matessi cosa cun prus pagos foedhos Sinonimi e contrari arresumi 2. is fuedhus nous, batallendidhus e manixendidhus a bonu proi, arresúminant comenti su trigu modhi Etimo srd. Traduzioni Francese résumer Inglese to reassume Spagnolo resumir Italiano riassùmere Tedesco zusammenfassen.

arresurtài, arresurtàre , vrb: arrisultai, erresultare, resultai* Definizione àere un’arresurtau, su chi essit o chi si ndhe bogat de calecuna cosa chi si faet, de su chi si cricat de ischire; diventare calecuna cosa; bínchere una dificurtade e lòmpere a un'iscopu Sinonimi e contrari essire, resèssere Frasi tiu Perantoni si bistiat de màscara e ndi arresurtàt ca fiat arriri prus de is àtaras màscaras ◊ de s'iscritura sagrada arresurtat chi Elias fiat unu campioni po su nòmini de su Segnori 2. Deus bollat chi s'inciascu arresurtit beridadi! 3. Pitanu iat apretau s'arretore po che arresurtare a dhi lassare su cuadhu ◊ nemos ch'est arresurtau a calare a fundhu Traduzioni Francese résulter Inglese to result Spagnolo resultar Italiano risultare Tedesco sich ergeben.

arresúscidu , nm Definizione su torrare a bios, ma nau giai solu de Gesugristu Frasi candu celebraus s'arresúscidu de Gesugristu est Pascamanna (G.Tzuncheddu) Traduzioni Francese résurrection Inglese resurrection Spagnolo resurrección Italiano resurrezióne Tedesco Auferstehung.