A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cicóina , nf: cicória, gicória, tzicória* Definizione genia de erba unu pagu marigosa, de tantas calidades arestes e prantadas apostadamente, bona a insalada crua e cota Terminologia scientifica rbz, rbzc Traduzioni Francese chicorée Inglese chicory Spagnolo achicoria Italiano cicòria Tedesco wilde Zichorie.

cicolàta , nf: ciculata Definizione cacau cun tzúcuru e late, prus che àteru de fàere a bufadura Terminologia scientifica mng Etimo itl. Traduzioni Francese chocolat (boisson) Inglese chocolate Spagnolo chocolate Italiano cioccolata Tedesco Schokolade.

cicónnia cicògna

cicória cicóina

cicoriabbúrda , nf: gicoriabburda, tzicoriabburda Definizione unas cantu calidades de cicória tenent custu númene.

cicrínu , nm Definizione una genia de istore Terminologia scientifica pzn.

cícu , nm: atzicu, ticu*, tzicu Definizione apenas, pagu pagu, un'ingúrtia de cosa de bufare; fintzes criadura, pipiedhu Sinonimi e contrari atzichedhu, atzítzigu, bucada, súrbia Frasi assumancu vàtimi unu cicu de abba pro m'ifúndhere sas labras!◊ custus mallaredhus cundius cun cussu casu arechedint su cichedhu! Cognomi e Proverbi smb: Cicu, Ciccu.

ciculàta cicolàta

ciculàte, ciculàtu , nm: cioculate, cioculati, ciuculati, tziculate Definizione cacau cun tzúcuru e late; druche fatu cun cacau, tostau e imbodhigau a usu de caramella Frasi mentinas e ciuculati non mi depit ammancai! ◊ sa befana portat sempri gioghitedhus po pipius e piciochedhus, amaretus, bianchedhus, regalítzia, pirichitus e ciuculati ◊ sa mata de Paschixedha est arrellichinada de ominedhus de cioculati ◊ vos so aprontandhe unu bellu gútziu de vinu chi vos at a pàrrere ciculate! Terminologia scientifica drc Etimo spn. Traduzioni Francese chocolat Inglese chocolate Spagnolo chocolate Italiano cioccolato, cioccolatino Tedesco Schokolade, Praline.

ciculída, ciculíta cianculíta

cícuri , nf: círcuri, círcula Definizione genia de pigione; aina chi faet unu sonu chi assimbígiat a sa boghe de sa círcuri Sinonimi e contrari bebbereche 1, cancarau 1, pasparau, trepodrè Frasi pagu atesu, mesu cuada de s’erba giai arta, una círcuri est cantendu Terminologia scientifica pzn, coturnix coturnix Traduzioni Francese caille Inglese quail Spagnolo codorniz Italiano quàglia Tedesco Wachtel.

cicúta , nf: tzicuta Definizione cicuta feurredha, genia de erba chi assimbígiat unu pagu a s'àpiu areste, ma prus manna e toscosa e po cussu dhi narant puru erba de cogas, imbriaga molentis o feurra pudéscia Sinonimi e contrari bidhuri, búdharu, budhúrigu, gudhútulu, lauguadhinu 1, pisciaforru, pudimanu, údhuru Frasi inue bi est su mele bi at cicuta! (Sozu) Terminologia scientifica rba.

cída chída

cidachèste , avb Sinonimi e contrari candeghinò, sinoncas, sinono Frasi lassa sa pipia, cidacheste t'isparo!

cidàda chidàda

cídhi , nm: tzidhí Definizione pilloni de beranu o chirisi de perca, genia de pigione pitichedhedhu Sinonimi e contrari buginu, cherre, ciórighe, colacolamuru, ingannasórighe, isperramatedhu, muschita, oghibboi, pisciagulu, pisinache, pisirica, suntzuinedhu, tziritziri Frasi su cidhi a móvida de coa si est fatendhe su nidu in su cubone ◊ sos cidhis de su mudeju, canarinos, filumenas pesant su teju inue est ruta issa ◊ unu cidhitu li fit brinchitendhe serente Terminologia scientifica pzn, troglodytes troglodytes Etimo srd. Traduzioni Francese roitelet Inglese wren Spagnolo carrizo Italiano scrìcciolo Tedesco Zaunkönig.

cidhíca, cidhíchia , nf: sidhica, tzidhica Definizione malesa bianca chi bogat s'ogu, mescamente si est malàidu, e chi abbarrat in su cugigone de s'ogu o apicigada a prabaristas Sinonimi e contrari apitzidha, gherda 1, pibisu, scrapa 1, simiga, tzerchidha, tzíghima Frasi portat ancora sa cidhica in is ogus, no si at mancu isciacuau sa faci!

cidhicósu , agt: tzichedhosu* Definizione chi portat is ogos sèmpere brutos de cidhica; nau a disprétziu, mugosu, lorontzu Sinonimi e contrari gherdiosu, tzeghimosu.

cídhu , nm Definizione pigione piticu chi faet su niu in su cannisone: est una de is arratzas chi emigrant e in d-unos cantu logos dhi narant turdu. In Sardigna funt de passada siguramente su acrocephalus arundinaceus = itl. cannareccióne e su a. schoenobaenus = itl. forapàglie Sinonimi e contrari turdu Terminologia scientifica pzn, acrocephalus scirpaceus Traduzioni Francese rousserolle effarvatte Inglese reedwarbler Spagnolo carricero común Italiano cannaiòla Tedesco Teichrohrsänger.

cidràxi, cidràxu , nm: sedarzu* Definizione linna, sida assentada apresu a ue serbit Sinonimi e contrari babizone, balluardu, biga 1, linnàgliu, tidarzu.