A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cicionàda , nf Sinonimi e contrari macarronada.

ciciòne , nm: cigioni, cijone, ciucione, tzitzone Definizione macarrone tundhu, fatu istrecandho cun sa matza de su pódhighe mannu un'orrughedhu de pasta / ciciones de rugu = malloredhos fatos cun iscete (podhe) e pódhine (frúfere) Sinonimi e contrari ciciolau, istrangulau, malladedhu, mutzitu, pitzoti Frasi como andho a maghinare e apustis bos fato sos ciciones ◊ a manigare bi tenimus cicionedhos a pódhighe Terminologia scientifica mng Traduzioni Francese "gnocchi" (quenelles de purée de pommes de terre et farine) Inglese gnocchi Spagnolo gnocchi Italiano gnòcco Tedesco Kloß.

ciciòne 1 , nm: sissoni, titone*, tzitzone 1 Sinonimi e contrari chicone, muncioni Frasi seo a conca a giminera, in su fogu a ciciones mannos.

ciciòne 2, ciciòni , nm Definizione essidura, fruschedha chi dolet in sa pedhe candho no at fatu ancora matéria Sinonimi e contrari brúgula, lanturra, popoti, sangiolu, tzoedhu Terminologia scientifica mld Etimo itl. ciccione.

cicíre cecíre

cíciri , nm Definizione móvia lestra meda, fintzes de manu, de conca, de àteru; pigione puru? / fàghere a su c. = fàghere che bentu, in lestresa meda, pigaisidha po nudha Frasi gesocannu, arrabbiados chi sezis: bois faghides a su cíciri! ◊ issos faghent a su cíciri: arguai de los tocare! ◊ at fatu a su cíciri: no mi at lassadu mancu abbèrrere buca! ◊ andhe naturale su chi as: faghes a su cíciri! 2. sos pisedhos, apenas postu pè in terra, comintzant a iscurrizare de un'àrvure a s'àtera, allegros che cíciri.

cicirída , nf: circirida, circida Definizione genia de bobboi chi in is istades, mescamente a oras de basca, istat sèmpere cantandho Sinonimi e contrari angesa, bibbigorra, cantaganta, chíchela, cicirigolla, ciriciri, cixa, cixigraxa, cixiredha, coibira, grígliu, pisigorra, sissirigòscia, sitzigarra, sitzigolla, tzítara, tzitarra Terminologia scientifica crp, tibicen plebejus Etimo srd. Traduzioni Francese cigale Inglese balm-cricket Spagnolo cigarra Italiano cicala Tedesco Zikade.

cicirigòlla , nf: sitzirigolla* Sinonimi e contrari bibbigorra, chíchela, sissirigòscia, sitzigolla, tzitzirigòrgia.

cicirillói , nm Definizione genia de erba chi faet asseliare is nérbios e batit sonnu Sinonimi e contrari cabbumilla, caboníglia, cambamilla, sicia Terminologia scientifica rbc.

ciciriópis , nf: tzitziriopis Definizione feruledha de àinu, de casu, una calidade de feurra Sinonimi e contrari ferulagasari, feruledhagàsina, feurrabburda, feurredha, fraudha Terminologia scientifica rba, Thapsia garganica Traduzioni Francese thapsia Inglese thapsia Spagnolo tapsia Italiano tàpsia Tedesco Art von Steckenkraut.

cicisbèa , nf Definizione fémina chi andhat tropu cun is ómines.

cicisbeài, cicisbeàre , vrb Definizione istare aifatu de is féminas (o de is ómines) Sinonimi e contrari sbagassai Frasi su segnor feudatàriu a sas úndhighi si pesat: dae su letu a sa mesa e dae sa mesa a giogu e poi po disaogu andhat a cicisbeare (F.I.Mannu).

cicisbéu , nm Definizione chie istat aifatu de is féminas Sinonimi e contrari galanseto.

cicitzulíu , nm Definizione foedhandho cun pipios, pigionedhu Sinonimi e contrari ciciu, ciu 1 Etimo srd.

cicíu , nm Definizione foedhandho cun pipios, pigionedhu / c. de domo = su fillu de sa pudha bianca, su fizighedhu prus bene chérfidu Sinonimi e contrari cicitzuliu, ciu 1, ciuciu Etimo srd. Traduzioni Francese chouchou Inglese favourite, pet Spagnolo benjamín Italiano beniamino Tedesco Liebling.

cicíu 1, cíciu , nm: tzitziu, zinziu Definizione genia de erba e frore (ciciu de porcu = atandha, pabaoi); orrugu de istrégiu de terra Sinonimi e contrari cicia 1, zínzili 2. is nannais giogànt a cicios bècios, candho furint pipias Etimo srd.

ciciugojuàdu , nm Definizione pane de sirbone, pane o fà de procus, patata pórchina, fior'e padedha, genia de frore chi faet a patatedha ladita, asuta Sinonimi e contrari cacacú, cacamalune, cacasennoredha, cucú 1, cucubberrita, lepirisposu, lepuritanu, ortiedhu, sennoredha / cdh. ciciucujuatu Terminologia scientifica rba, Cyclamen repandum Traduzioni Francese cyclamen Inglese sowbread Spagnolo ciclamino, pamporcino Italiano ciclamino Tedesco Saubrot.

ciciulía , nf: sitzulia, tzutzulia Definizione genia de pigione mannu chi papat petza Sinonimi e contrari astorolia, cirolia, tziodhia Terminologia scientifica pzn Etimo srd.

ciciuniàli , agt Definizione nau de ccn., chi si ndhe istat sèmpere apartau in d-unu cugigone Sinonimi e contrari arrenconau Etimo srd.

cicògna , nf: cicónnia Definizione genia de pigione mannu Traduzioni Francese cigogne Inglese stork Spagnolo cigüeña Italiano cicógna Tedesco Storch.