A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cicionàda , nf Sinònimos e contràrios macarronada.

ciciòne , nm: cigioni, cijone, ciucione, tzitzone Definitzione macarrone tundhu, fatu istrecandho cun sa matza de su pódhighe mannu un'orrughedhu de pasta / ciciones de rugu = malloredhos fatos cun iscete (podhe) e pódhine (frúfere) Sinònimos e contràrios ciciolau, istrangulau, malladedhu, mutzitu, pitzoti Frases como andho a maghinare e apustis bos fato sos ciciones ◊ a manigare bi tenimus cicionedhos a pódhighe Terminologia iscientìfica mng Tradutziones Frantzesu "gnocchi" (quenelles de purée de pommes de terre et farine) Ingresu gnocchi Ispagnolu gnocchi Italianu gnòcco Tedescu Kloß.

ciciòne 1 , nm: sissoni, titone*, tzitzone 1 Sinònimos e contràrios chicone, muncioni Frases seo a conca a giminera, in su fogu a ciciones mannos.

ciciòne 2, ciciòni , nm Definitzione essidura, fruschedha chi dolet in sa pedhe candho no at fatu ancora matéria Sinònimos e contràrios brúgula, lanturra, popoti, sangiolu, tzoedhu Terminologia iscientìfica mld Ètimu itl. ciccione.

cicíre cecíre

cíciri , nm Definitzione móvia lestra meda, fintzes de manu, de conca, de àteru; pigione puru? / fàghere a su c. = fàghere che bentu, in lestresa meda, pigaisidha po nudha Frases gesocannu, arrabbiados chi sezis: bois faghides a su cíciri! ◊ issos faghent a su cíciri: arguai de los tocare! ◊ at fatu a su cíciri: no mi at lassadu mancu abbèrrere buca! ◊ andhe naturale su chi as: faghes a su cíciri! 2. sos pisedhos, apenas postu pè in terra, comintzant a iscurrizare de un'àrvure a s'àtera, allegros che cíciri.

cicirída , nf: circirida, circida Definitzione genia de bobboi chi in is istades, mescamente a oras de basca, istat sèmpere cantandho Sinònimos e contràrios angesa, bibbigorra, cantaganta, chíchela, cicirigolla, ciriciri, cixa, cixigraxa, cixiredha, coibira, grígliu, pisigorra, sissirigòscia, sitzigarra, sitzigolla, tzítara, tzitarra Terminologia iscientìfica crp, tibicen plebejus Ètimu srd. Tradutziones Frantzesu cigale Ingresu balm-cricket Ispagnolu cigarra Italianu cicala Tedescu Zikade.

cicirigòlla , nf: sitzirigolla* Sinònimos e contràrios bibbigorra, chíchela, sissirigòscia, sitzigolla, tzitzirigòrgia.

cicirillói , nm Definitzione genia de erba chi faet asseliare is nérbios e batit sonnu Sinònimos e contràrios cabbumilla, caboníglia, cambamilla, sicia Terminologia iscientìfica rbc.

ciciriópis , nf: tzitziriopis Definitzione feruledha de àinu, de casu, una calidade de feurra Sinònimos e contràrios ferulagasari, feruledhagàsina, feurrabburda, feurredha, fraudha Terminologia iscientìfica rba, Thapsia garganica Tradutziones Frantzesu thapsia Ingresu thapsia Ispagnolu tapsia Italianu tàpsia Tedescu Art von Steckenkraut.

cicisbèa , nf Definitzione fémina chi andhat tropu cun is ómines.

cicisbeài, cicisbeàre , vrb Definitzione istare aifatu de is féminas (o de is ómines) Sinònimos e contràrios sbagassai Frases su segnor feudatàriu a sas úndhighi si pesat: dae su letu a sa mesa e dae sa mesa a giogu e poi po disaogu andhat a cicisbeare (F.I.Mannu).

cicisbéu , nm Definitzione chie istat aifatu de is féminas Sinònimos e contràrios galanseto.

cicitzulíu , nm Definitzione foedhandho cun pipios, pigionedhu Sinònimos e contràrios ciciu, ciu 1 Ètimu srd.

cicíu , nm Definitzione foedhandho cun pipios, pigionedhu / c. de domo = su fillu de sa pudha bianca, su fizighedhu prus bene chérfidu Sinònimos e contràrios cicitzuliu, ciu 1, ciuciu Ètimu srd. Tradutziones Frantzesu chouchou Ingresu favourite, pet Ispagnolu benjamín Italianu beniamino Tedescu Liebling.

cicíu 1, cíciu , nm: tzitziu, zinziu Definitzione genia de erba e frore (ciciu de porcu = atandha, pabaoi); orrugu de istrégiu de terra Sinònimos e contràrios cicia 1, zínzili 2. is nannais giogànt a cicios bècios, candho furint pipias Ètimu srd.

ciciugojuàdu , nm Definitzione pane de sirbone, pane o fà de procus, patata pórchina, fior'e padedha, genia de frore chi faet a patatedha ladita, asuta Sinònimos e contràrios cacacú, cacamalune, cacasennoredha, cucú 1, cucubberrita, lepirisposu, lepuritanu, ortiedhu, sennoredha / cdh. ciciucujuatu Terminologia iscientìfica rba, Cyclamen repandum Tradutziones Frantzesu cyclamen Ingresu sowbread Ispagnolu ciclamino, pamporcino Italianu ciclamino Tedescu Saubrot.

ciciulía , nf: sitzulia, tzutzulia Definitzione genia de pigione mannu chi papat petza Sinònimos e contràrios astorolia, cirolia, tziodhia Terminologia iscientìfica pzn Ètimu srd.

ciciuniàli , agt Definitzione nau de ccn., chi si ndhe istat sèmpere apartau in d-unu cugigone Sinònimos e contràrios arrenconau Ètimu srd.

cicògna , nf: cicónnia Definitzione genia de pigione mannu Tradutziones Frantzesu cigogne Ingresu stork Ispagnolu cigüeña Italianu cicógna Tedescu Storch.