Ditzionàriu in línia
de sa limba e de sa cultura sarda

cichète, cichètu , nm: tzichete Definitzione tzicu de cosa a bufare, prus che àteru forte (licores, abbardente, e àteru deasi) Sinònimos e contràrios ticu Frases si pesant'e istògomo mi abbizo, pro ilmenare su cichete impreo (Mortello)◊ dhi pongu su cafei o preferit su cichetu? Ètimu itl. cicchetto Tradutziones Frantzesu petit verre Ingresu small glass (liqueur) Ispagnolu copita Italianu bicchierino Tedescu Gläschen.

cíci , nm Definitzione tzichi / pan'e c. = pane de fresa, carasau Frases fatu su cici, dhu ponent in is cerrigos Ètimu srd.

cicía , nf: gigia, tzitzia 2, zizia 2 Definitzione bonete cun sa visiera; genia de bonetedhu tundhu de pònnere in sa sedha de cúcuru: dhue ndh'at una calidade chi portat sa pubúntzula pendhendho Sinònimos e contràrios bonete, iscia, mitrola / cdh., ttrs. sciscia Frases si lis mustras un'àinu in cicia no distinghent sa conca de sa coa! ◊ a bortas bi amus síndhigu in cicia, a bortas síndhigu in capellu (Sassu) Terminologia iscientìfica bst Ètimu itl. cicìa Tradutziones Frantzesu bonnet, calotte Ingresu biretta Ispagnolu bonete con visera Italianu berrétta, papalina Tedescu Mütze, Barett.

cicía 1 , nf: cincia, tzitzia 1 Definitzione orrughedhu de istrégiu de terra (pratu, cíchera o àteru), de imbidru Sinònimos e contràrios ciciu 1, cínciaru, tertevillu, testile 1, tzantzi, tzíntzaru, tzíntziri, tzíntzulu, tzitzília, zínzili Ètimu srd. Tradutziones Frantzesu débris, tesson Ingresu shard Ispagnolu pedazo (m), añicos Italianu còccio, frantume Tedescu Scherbe.

cicibbàchis , nm Definitzione pane de sirbone, pane o fà de procus, patata pórchina: genia de frore chi faet a patatedha ladita, asuta Sinònimos e contràrios cacacú, cacamalune, cacasennoredha, ciciugojuadu, cucú 1, lepirisposu, lepuritanu, ortiedhu, sennoredha Terminologia iscientìfica rba Ètimu srd.

cicidài , vrb Definitzione nau de pigiones, pudhas e àteru, iscutulare is alas a giagaradura Tradutziones Frantzesu criailler Ingresu to flatter Ispagnolu aletear Italianu starnazzare Tedescu mit den Flügeln Staub aufwirbeln.

cicidèdha , nf Sinònimos e contràrios coigoibira, grichi, grígliaru, grígliu, ungrullu Frases sa coebira cun sa cicidedha non faint àteru che cantai (P.Caredda) Terminologia iscientìfica crp.

cicídha chinchídha

cicidhài , vrb: cincidhai Definitzione bogare o fàere ischintídhias Sinònimos e contràrios cincidhiri, cispai, ischentidhare, ischinchiridhare, scincidhai Frases su fogu est cincidhendi ◊ su ferru arbigau cincidhat candu su ferreri dhu mallat in s'incódina 2. is caus marinus fatuvatu cincidhant asuta de su soli, acabussendi in s'àcua po piscai Ètimu srd. Tradutziones Frantzesu étinceler, scintiller Ingresu to spark Ispagnolu chispear Italianu far scintille, scintillare Tedescu Funken sprühen.

cicidórgiu , nm Sinònimos e contràrios secidórgiu Frases chie no agatàt cicidórgiu si ciciat in terra Ètimu srd.

cícidu , nm Definitzione iscutulamentu de alas a giagaradura, comente faent pudhas e pigiones Frases cun totu cussu trumbullu, is macitedhus si furint fuius e is pudhas pesadas a cícidus Tradutziones Frantzesu criaillement Ingresu flatter Ispagnolu aleteo Italianu starnazzìo Tedescu Flügelschlag.

cicíe cecíre

cicigórru , nm: sicigorru*, tzintzigorra Sinònimos e contràrios babbacorra, cocoi, croca, gioga, pissigorru 1, suntzorra Frases immoi cicigorrus no ndi agatas prus Terminologia iscientìfica crp.

ciciliànu , nm: cigilianu, cixilianu, cixilirianu, cixiniau, cixirianu, cixirilianu, gigilianu, sitzilianu Definitzione trigu de Índia (benit de is Américas), genia de laore chi faet, in tempus de istade, a canna grussa, prena, arta fintzes metro e mesu o prus, a fògias mannas longas e ladas e bogat una genia de ispigas a túturu grussu (cau, ossu) e longas de prammu, ue faet su granu totu a inghíriu, imbodhigadas in sa terga a tantos pígios istrintos / partes de s'ispiga o pipia (cozorotu, cucuta o pannucra) de su c.: s'ossu o cau (trútiri o tutuàciu), su granu (totu a fileras a inghíriu de s'ossu), sa terga o capa Sinònimos e contràrios moriscu, tridicumoriscu, trigaíndiri, trighéndia, trigulianu, trigumoria Frases po limósina pediant unu granu de cixirilianu ◊ fiat unu colori grogu giai símili a su de su túturu de su cixirilianu ◊ sa pulenta si fait de cixilianu Terminologia iscientìfica lrs, Zea mays Ètimu itl. ciciliano Tradutziones Frantzesu maïs Ingresu maize Ispagnolu maíz Italianu granoturco Tedescu Welschkorn.

cicilibéntu , nm Definitzione unu chi no tenet firmesa Sinònimos e contràrios bendhebbandhelas, cagabbandhelas, girabbandhelas Ètimu srd.

cicílliu , nm: cicillu, titillu Definitzione orrughedhu de istrégiu de terra (pratu, cíchera o àteru), de imbídru Sinònimos e contràrios cicia 1, ciciu, cínciaru, tertevillu, testile 1, tzantzi, tzíntziri, tzíntzulu, tzitzília, zínzaru 1, zínzili Frases passàt su serghestanu cun su bòtu: sa genti nci betàt butonis, dóminas e atrus cicillus ◊ si chinnit una tassa, una cíchera e dónnia cicílliu ndi aciocas a domu! Ètimu srd. Tradutziones Frantzesu débris, tesson Ingresu postherd Ispagnolu pedazo, añicos Italianu còccio, frantume Tedescu Scherbe.

cicillòne, cicillòni , nm: sciscilloni Definitzione gurdone de àghina pitichedhu, de cudhos chi sa bide bogat prus che àteru a trigadiu Sinònimos e contràrios campaninu, carràmbalu, iscalúgia, pimpillia, popurustu, pripixone, scalonina, scrichilloni, sprimpilloni, tzitzicra Sambenados e Provèrbios smb: Cicilloni Terminologia iscientìfica rbr Ètimu srd. Tradutziones Frantzesu grappillon Ingresu small bunch of grapes Ispagnolu cencerrón Italianu racìmolo Tedescu Träubchen.

cicíllu cicílliu

ciciolàu , nm Definitzione genia de malloredhu (fintzes de fríere) Sinònimos e contràrios cicione, malladedhu Frases dhi apu donau unu pratu de ciciolaus ◊ is ciciolaus cun bagna funt pro ajaju. Terminologia iscientìfica mng

ciciólu , nm: (ci-ci-o-lu) Definitzione genia de bonete, de cicia; unu frore de campu (de sa genia Ranunculus), a bisura de cicia, de colore grogo Frases fit in ciciolu e a capotinu ◊ su Vicàriu si ndhe at leadu su ciciolu e mi at saludadu Terminologia iscientìfica bst.