A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

eretàte eredàde

eréticu, erétigu , agt, nm: aréticu Sinonimi e contrari erege Etimo itl. eretico.

erétu , nm Definizione logu, unu logu bastat chi siat, ma chi no si narat, chentza nàrrere cale Sinonimi e contrari oru, tretu Frasi l’aiat chérfida costoire in d-unu eretu (S.Saba)◊ che l'ant agatadu in cussu eretu.

eréu , nm Definizione arei, chedhita de animales Sinonimi e contrari arede, assorte, cedha, fiotu, grústiu, pasa, retolu, tropa, tropedhu Frasi est pasculendhe s'ereu in su monte ◊ tenet un'ereu de crabas Etimo ctl. hereu.

eréu 1 eredéu

erèxi , nm: arrese, resa 1 Sinonimi e contrari animabi, babbautzu, cerpiu Frasi mergiani ses de nòmini e de trassas, forti solu in su tallu abbandonau: aundi ponis coa fragu lassas, coment'e dogna erexi ses signau!

erèze erège

ergàllu , nm: agrallu Definizione fedighedhu, pegus minore de craba candho tenet calecunu annu.

ergàstalu , nm: argàstulas, ergàstulu, irgàstulu Definizione genia de cundenna, presone a totu vida.

ergastulànu , nm Definizione su cundennau a presone a totu vida.

ergàstulu ergàstalu

erghidhài , vrb: berchidai Sinonimi e contrari abbochinare, atzerriai.

erghisòne , nm: irghisone Definizione su corgiolu totu ispina de sa castàngia Sinonimi e contrari ischissone*, raga.

ergiài , vrb: aergiai Definizione connòschere a sa bisura, assimbigiare a ccn. a is àteros de s'aréntzia Sinonimi e contrari aerae, ammelmare, atipizare.

érgiu , nm: aerzu*, eru, erxu, exu Definizione totugantu su chi distinghet, in sa persona, unu de una famíglia de unu de un'àtera po comente paret, mescamente sa cara, sa bisura, ma fintzes sa carena Sinonimi e contrari aerada, aeramentu, bisura, chígia, crilta Frasi cussu at betadu érgiu a su babbu ◊ su fizu betat unu eru a su babbu.

ergói , avb Sinonimi e contrari gosi Cognomi e Proverbi smb: Ergoi.

ergòsa , nf Definizione pígiu de terra in logu de monte.

erguài , iscl, nm: agguai* Frasi erguai de tui, lah: si ti acuntessit cussu ti fatzu pagai totu su chi mi as fatu passai! 2. cussa no connoscit dí sentza de erguai.

ergunzàre , vrb: bergungiae* Definizione tènnere o sentire bregúngia Sinonimi e contrari imbregungiai Frasi issu, istratzulau e brutu, s'est ergunzau in dienanti de cudha pipia bene mudada (S.Carta).

ergunzósu , agt: bilgonzosu* Definizione chi o chie tenet bregúngia; chi faet o est a bregúngia o de ndhe dèpere tènnere bregúngia Sinonimi e contrari chixinedhu, cocode, frigonzosu, gosilànimu, timiditu.