A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ermídu , agt Definizione chi giughet greme Sinonimi e contrari bermigosu, berminigosu, fermicosu, sóldidu.

érmiga , nf Definizione upm, gremes, nau fintzes de gente a disprétziu Frasi deo fígius no nd'apu: e poite depo mantènnere in su fronte sa érmiga agena? (G.C.Mameli)

ermíniu , nm: armignu* Definizione armussa de pedhe de elmellinu chi costumaiant a pònnere is canónigos.

erminzòne , nm Sinonimi e contrari bermisone, chimisone, ilmisone, misone.

ermizólu elmizólu

ermósu elmósu

ermosúra , nf: ermusura Definizione su èssere bellos de bisura Sinonimi e contrari bellesa, dechidesa, donosidade, galania | ctr. legesa Frasi imprimida est in me sa tua rara ermosura (P.Mossa)◊ bi at pisedhas ricas d'ermosura ch'incantant a sa mirada (B.Pira)◊ cantu su mare at richesa tue tenes ermosura ◊ po sa bella ermusura paris unu buchetu Etimo spn. Traduzioni Francese beauté Inglese beauty Spagnolo hermosura Italiano bellézza Tedesco Schönheit.

ermosuràre , vrb Definizione giare bellesa, fàere bellu.

ermulàntza, ermulàtza , nf Sinonimi e contrari aburlanta, ambrullansa, ambrutatza, ammuratza, irimulata Terminologia scientifica rbz.

ermusúra ermosúra

érnia , nf: érria Definizione matza calada, genia de illargadura de is músculos, prus che àteru in bentre, chi ndhe lassat essire unu pagu su matzàmene, su chi est a parte de aintru / genias de érnia: de s'istògumu, de sa coza, de sa budha, de su bídhiu, e àteru Sinonimi e contrari rupida Terminologia scientifica mld.

èro , cng: però Sinonimi e contrari ma Frasi unu lèpere ndhe istupat e che parat in sa calchera: ero no ischit cale deretu leare ◊ si tue no mi aias betadu s'ala no che fia paradu: ero una chènscia cherzo fàghere Etimo ltn. vero.

eròe, eròi , nm Definizione ómine chi faet, o at fatu, po àtere, calecuna balentia manna, bene, chentza fàere contu de su sacrifíciu, o de su perígulu o de su dannu chi ndhe dhi podet o podiat bènnere Sinonimi e contrari adalide Frasi cantos eroes de Barbàgia apo bidu morzendhe pro difèndhere custa terra!…(F.Mura)◊ corazu no est solu èssere eroe, siat sordadu rasu o zenerale: corazu est a cumbater s'ingiusta giustítzia chi a sos pópulos at postu su zuale (L.Marteddu)◊ s’eroe natzionale sardu est s’eroe de totu sa Terra, istat in sos coros de chie l’istimat (A.M.Carta) Traduzioni Francese héros Inglese hero Spagnolo héroe Italiano eròe Tedesco Held.

eróicu , agt Definizione de is eroes, chi est cosa de eroes.

eroína , nf Definizione fémina chi faet, o at fatu, po àtere, calecuna balentia manna, bene, chentza fàere contu de su sacrifíciu, o de su perígulu o de su dannu chi ndhe dhi podet o podiat bènnere Frasi fit Eleonora una sarda eroina de fama digna chi at libberadu tota sa Sardigna (A.Piredda).

eroísmu , nm Definizione su fàere bene, balentia manna, po àtere, chentza fàere contu de su sacrifíciu, o de su perígulu o de su dannu chi ndhe podet àere chie dhu faet.

eròne , nm Definizione istrégiu fatu cun tiras de canna isperrada Etimo ltn. ero, eronis.

eronèdha , nf Sinonimi e contrari sitziringoni, tiligna, tilingione Frasi arendhe as bogadu eronedhas Terminologia scientifica crp.

érpice, érpici , nm: érpitze Definizione genia de tragu de ferru totu a punciones grussos po mòvere sa terra a is laores candho funt ancora a erba, minudos, po dhis fàere de marríngiu Sinonimi e contrari stragu 2.

erpiciàre , vrb: erpitzare Definizione mòvere sa terra cun s'érpice a is laores, passare s'érpice Sinonimi e contrari empriciare.