A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ermídu , agt Definitzione chi giughet greme Sinònimos e contràrios bermigosu, berminigosu, fermicosu, sóldidu.

érmiga , nf Definitzione upm, gremes, nau fintzes de gente a disprétziu Frases deo fígius no nd'apu: e poite depo mantènnere in su fronte sa érmiga agena? (G.C.Mameli)

ermíniu , nm: armignu* Definitzione armussa de pedhe de elmellinu chi costumaiant a pònnere is canónigos.

erminzòne , nm Sinònimos e contràrios bermisone, chimisone, ilmisone, misone.

ermizólu elmizólu

ermósu elmósu

ermosúra , nf: ermusura Definitzione su èssere bellos de bisura Sinònimos e contràrios bellesa, dechidesa, donosidade, galania | ctr. legesa Frases imprimida est in me sa tua rara ermosura (P.Mossa)◊ bi at pisedhas ricas d'ermosura ch'incantant a sa mirada (B.Pira)◊ cantu su mare at richesa tue tenes ermosura ◊ po sa bella ermusura paris unu buchetu Ètimu spn. Tradutziones Frantzesu beauté Ingresu beauty Ispagnolu hermosura Italianu bellézza Tedescu Schönheit.

ermosuràre , vrb Definitzione giare bellesa, fàere bellu.

ermulàntza, ermulàtza , nf Sinònimos e contràrios aburlanta, ambrullansa, ambrutatza, ammuratza, irimulata Terminologia iscientìfica rbz.

ermusúra ermosúra

érnia , nf: érria Definitzione matza calada, genia de illargadura de is músculos, prus che àteru in bentre, chi ndhe lassat essire unu pagu su matzàmene, su chi est a parte de aintru / genias de érnia: de s'istògumu, de sa coza, de sa budha, de su bídhiu, e àteru Sinònimos e contràrios rupida Terminologia iscientìfica mld.

èro , cng: però Sinònimos e contràrios ma Frases unu lèpere ndhe istupat e che parat in sa calchera: ero no ischit cale deretu leare ◊ si tue no mi aias betadu s'ala no che fia paradu: ero una chènscia cherzo fàghere Ètimu ltn. vero.

eròe, eròi , nm Definitzione ómine chi faet, o at fatu, po àtere, calecuna balentia manna, bene, chentza fàere contu de su sacrifíciu, o de su perígulu o de su dannu chi ndhe dhi podet o podiat bènnere Sinònimos e contràrios adalide Frases cantos eroes de Barbàgia apo bidu morzendhe pro difèndhere custa terra!…(F.Mura)◊ corazu no est solu èssere eroe, siat sordadu rasu o zenerale: corazu est a cumbater s'ingiusta giustítzia chi a sos pópulos at postu su zuale (L.Marteddu)◊ s’eroe natzionale sardu est s’eroe de totu sa Terra, istat in sos coros de chie l’istimat (A.M.Carta) Tradutziones Frantzesu héros Ingresu hero Ispagnolu héroe Italianu eròe Tedescu Held.

eróicu , agt Definitzione de is eroes, chi est cosa de eroes.

eroína , nf Definitzione fémina chi faet, o at fatu, po àtere, calecuna balentia manna, bene, chentza fàere contu de su sacrifíciu, o de su perígulu o de su dannu chi ndhe dhi podet o podiat bènnere Frases fit Eleonora una sarda eroina de fama digna chi at libberadu tota sa Sardigna (A.Piredda).

eroísmu , nm Definitzione su fàere bene, balentia manna, po àtere, chentza fàere contu de su sacrifíciu, o de su perígulu o de su dannu chi ndhe podet àere chie dhu faet.

eròne , nm Definitzione istrégiu fatu cun tiras de canna isperrada Ètimu ltn. ero, eronis.

eronèdha , nf Sinònimos e contràrios sitziringoni, tiligna, tilingione Frases arendhe as bogadu eronedhas Terminologia iscientìfica crp.

érpice, érpici , nm: érpitze Definitzione genia de tragu de ferru totu a punciones grussos po mòvere sa terra a is laores candho funt ancora a erba, minudos, po dhis fàere de marríngiu Sinònimos e contràrios stragu 2.

erpiciàre , vrb: erpitzare Definitzione mòvere sa terra cun s'érpice a is laores, passare s'érpice Sinònimos e contràrios empriciare.