A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

eritàju , nm Definitzione una de is màscaras de carrasegare (manígiat sa pedhe de s'iritu, totu ispinas) Frases s'eritaju zuchet una collana de tupones.

eritàre , vrb Definitzione andhare a cassa de iritos; andhare a furare Sinònimos e contràrios afufai, arpiai, arrapagnare, aungrare, furai, inghitai, runtzinare Ètimu srd.

eritàre 1 , vrb Definitzione arregòllere s'eritu, is pagamentos, su chi faet s'eritadore.

eritínu , agt Definitzione de arritzone, de iritu, chi est totu ispinas che a s'iritu.

erítu , nm: aritu, eritzu, iritu, oritu, ritu 1 Definitzione genia de animale cun sa pedhe totu ispinas (arritzone de mata); genia de animale de mare, tundhu e deasi etotu a ispinas longas a dónnia parte (arritzone de mare); su primu corgiolu de sa castàngia / fàghere che a s'eritu a sa colora = púnghere, irbrunchiare a chie si leat tropu cunfiàntzia Sinònimos e contràrios arrescioni, ischissone Frases si allórumat coment'e unu eritu Sambenados e Provèrbios smb: Erittu Terminologia iscientìfica anra, erinaceus aeuropeus italicus Ètimu ltn. ericius Tradutziones Frantzesu hérisson Ingresu urchin Ispagnolu erizo Italianu rìccio 1 Tedescu Igel, Seeigel.

erítu 1 , nm Definitzione genia de pagamentu (po su binu) chi si faiat a is feudatàrios Sinònimos e contràrios afochizu, pagamenta.

eritzàmene , nm Definitzione frore de lidone Sinònimos e contràrios aissu Frases annu vonu de mele, ocannu, ca est meta s'eritzàmene chi si acatat Terminologia iscientìfica rbr.

eritzàre , vrb Definitzione anedhare is pilos Sinònimos e contràrios allorichitare, anedhai, arrullai, eritzinare, frisai.

eritzinàre , vrb Definitzione anedhare is pilos / eritzinatu = pili anedhadu Sinònimos e contràrios allorichitare, anedhai, arrullai, eritzare, frisai.

erítzu erítu

èrma , nf Definitzione pratu de sèmene cracu intzeurriu Sinònimos e contràrios nènnari Ètimu srdn.

ermanítu , nm Definitzione fradile de cuartu gradu.

ermànu , nm: armanu Definitzione genia de para; fintzes ogiuermanu, de olia Sinònimos e contràrios gremanu 2. in cussa domo si picat su nuscu de su ermanu, ca tenent olivàriu Ètimu spn. hermano.

ermanubrimàrzu , nm Definitzione germanu primàrgiu, fradile de segundhu gradu.

ermanuéru, ermanuvéru , nm Definitzione fradile de tertzu gradu Terminologia iscientìfica ptl.

ermèdha , nf, nm: ermedhu Definitzione greme longu e grussu (ma fintzes una genia de gremighedhu grogo lúghidu de duos o tres centímetros) chi faet in terra (a logos, ermedhu est su sírigu) Sinònimos e contràrios alimedha, aterringone, atulíngia, ramedha, sitziringoni, tilingione, tzilingu, tzirinoni, tzuluncone Terminologia iscientìfica crp.

ermedhànte , nm Definitzione chie pesat e contivígiat su sírigu po fàere sa seda Tradutziones Frantzesu sériciculteur Ingresu sericulturist Ispagnolu sericultor Italianu bachicoltóre Tedescu Seidenraupenzüchter.

ermédhu ermèdha

èrmene èlmene

erméticu , agt Definitzione nau de istrégiu o àteru, chi serrat a sidhidura tupandho de no lassare passare ària nudha Sinònimos e contràrios sizillau.