Ditzionàriu in línia
de sa limba e de sa cultura sarda

eremàgiu , nm Definitzione logu inue si ponet su laore messau po dhu treulare Sinònimos e contràrios partoxu, ponidórgiu, remealzu Frases a dedie messànt, a denote seidànt e faiant s'eremàgiu, drivessu de trigu a trigu.

eremàre , vrb: aremai, erimai Definitzione istremenare, calàreche de su terrenu, carragiare e arreprenare de terra, pedra e arena comente dha tragant is errios aundhaos o ue proet a meda (ma si narat fintzes de su fundhu de canales o àteru deasi chi si prenent de terra); fintzes distrúere, abbandhonare Sinònimos e contràrios desmuronai, istremenare, sfossonai, smuronai / destruire 2. s'orcu múricat su sambellutau de sas gherras eremandhe sos ortos in frore (A.Mura)◊ brugiade sas armas, eremade sas tanas maleitas prontas a bombitare su fogu de s'inferru! 3. orus orus de su lagu apu agatau unu pilloni erimau de is undas Ètimu srd. Tradutziones Frantzesu s’ensabler Ingresu to sand Ispagnolu enarenar Italianu insabbiare Tedescu mit Sand bedecken.

eremàtu , agt Definitzione nau de logu, chi est arreprenu de terra, arena e pedra chi ant tragau is abbas a tropu Terminologia iscientìfica slg Ètimu srd.

ereméri , nm: erimeri Definitzione genia de matighedha bona a tínghere lana: dhi giaet unu colore grogo Sinònimos e contràrios abbadedhu, atidhina, catedhina 1, durche 1, iscolabadedhas, trobiscu, truvúlciu Terminologia iscientìfica mt, Daphne gnidium Ètimu srd.

eremídu , pps, agt Definitzione de eremire; nau de su logu, chi est totu abbandhonau, lassau a su chi dhue bolet crèschere Sinònimos e contràrios arimitu, irbandhonadu 2. est unu buscu eremidu ◊ s'oriolu de si agatare solu solu in cussa bidha eremida ndhe li carreit su disisperu Tradutziones Frantzesu sauvage Ingresu wild Ispagnolu yermo Italianu selvàggio Tedescu wild.

eremígu enemícu

eremínzu , nm Definitzione erva de ràmine, genia de erba totu arraighinas nodosas, mala a ispèrdere, istrobbosa ue si prantat cosa de ortu Sinònimos e contràrios araminzu, arramanarxu, eràmine, gràmene, norodhàsile, pastudrèmini, raminzu*, trèmini Terminologia iscientìfica rba.

eremíre , vrb Definitzione arestare, nau de logu lassau in abbandhonu, chentza contivigiau, o de unu buschedu Sinònimos e contràrios abriare, aferare, agrestare, imbastardai, imburdiri Tradutziones Frantzesu rendre sauvage Ingresu to make wild Ispagnolu yermar Italianu inselvatichire Tedescu verwildern.

eremitàgiu , nm Sinònimos e contràrios eremitu, éremu.

eremitànu , nm: arimitanu, remitanu* Definitzione chie bivet abbandhau a solu in ccn. logu ispérdiu, atesu de sa gente, ma dhu narant pruschetotu po pigare a foedhos malos unu malefatore, gente mala, de aguantare aillargu Sinònimos e contràrios argamile, delincuente, pedhitzoni | ctr. balente.

eremítu , nm Definitzione logu solu, inue no dhue abbitat gente; chie si che istat abbandhau de sa gente in logu solu Sinònimos e contràrios eremitàgiu, éremu / romita Tradutziones Frantzesu ermitage, ermite Ingresu hermitage, hermit Ispagnolu ermitaño, eremita Italianu romitàggio, eremita Tedescu Einöde, Eremit, Einsiedler.

eremòsa , nf Definitzione logu eremidu, abbandhonau.

éremu , nm: érimu Definitzione logu solu, chi no dhue abbitat gente; logu abbandhonau, chentza prenu, chentza tentu contu, fintzes logu malu de orrocas, de matas; a logos, érimu est s'erba chi abbarrat a fenu, sicada, in is istulas apustis incungiau su laore Sinònimos e contràrios eremitu 2. che lompent a ibue teniat una binza e un'erimedhu ◊ est andhadu a che iscapae s'àinu in s'erimedhu Ètimu ltn. eremus.

eréncia, erénsia, eréntzia , nf: aréntzia, beréntzia Definitzione parentes, is mannos (e fintzes is minores, is úrtimos naschios), sa cosa, s'interessu de is mannos chi tocat a is minores Sinònimos e contràrios eréscia / aredeu, arrampile, arrépula, famíglia Frases sos betzos poi de su séculu intreu connoscant totu sa cuinta eréntzia! (Sozu) 2. tue ses s'isprigu de s'eréntzia ◊ est benniu a innòi po disonorai s'eréntzia nosta ◊ mannoi connoschiat totu sas eréntzias e totu sos parentados, répulas e arrampiles de chie fit bonu o malu Ètimu spn. herencia.

erénzu , nm Definitzione sa camisa o càscia de su trigu ancora in s'ispiga Sinònimos e contràrios cuguzone, scefa, scefabi Terminologia iscientìfica rbr.

ereràri eredàde

eréscia , nf: (e-ré-sci-a) aréscia, eréssia, réscia Definitzione cosa chi si connoschet de is mannos de sa famíglia, prus che àteru interessu, ma fintzes sa gente etotu / rúere in eréssia (nau de interessu, de is calidades de sa persona) = bènniri, tocai a is fillus, a is nebodis, de parte de is mannus Sinònimos e contràrios eredade, interessu / aredeu, eréncia, arràcia, arrépula, iscratza, iscrípia, istripa, istripile Frases cussa fit un'eréscia manna, unu muntone de parentes Tradutziones Frantzesu héritage Ingresu inheritance Ispagnolu herencia Italianu eredità Tedescu Erbschaft, Erbe.

eresía , nf Sinònimos e contràrios eregia.

eréssia eréscia

eretàre eredài