A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

grófu gófu

grófu 1 gólfu 1

gròga , agt, nm: grogo, grogu (grògu, grógu) grou Definizione genia de colore, colore de limone lómpiu; colore de cara malàida, de unu malàidu / a/c. candho est agt. no est sèmpere chi cuncordat cun su númene (sa var. groga no cuncordat mai); genias de grogo: intzesu, meru, leonadu (de limone) Sinonimi e contrari zàlinu Modi di dire csn: apustis de centu annus, berritedha groga! = augúriu pro bíviri ancora meda; grogu che limoni, che sa cera = g. meru (fintzas de maladia); scialu grogu = festa manna, cun cosa meda Frasi cussu portat is pilos groga e totus in famíglia portant totu su pilu groga, no solu is pilos de conca (G.A.Cui)◊ fit grogu comente est grogu su limone ◊ portas sa faci groga che sa cera!◊ su campu est grogo de trídicu ◊ portaiat sa conca imbodhiada cun sa tiagiola grogo de s'antigu costúmene (R.Sardella) Cognomi e Proverbi smb: Grogu Terminologia scientifica clr Etimo ctl. groc, groga Traduzioni Francese jaune Inglese yellow Spagnolo amarillo Italiano giallo Tedesco gelb.

grogàlli gragàllu 3

grogàncinu , agt Definizione chi est de coloredhu grogo Sinonimi e contrari grogànciu, gróghinu, groghitu, groghizolu Frasi grogàncinu e úmidu atonzu, eo ti amo e ti canto ◊ fiores asulos e grogàncinos Terminologia scientifica clr Etimo srd.

grogànciu, grogàngiu, grogàntzu, grogàntzulu , agt Definizione de colore unu pagu grogo Sinonimi e contrari cerassu, grogàncinu, groghitu, groghizolu, grogulu Frasi su sennori, grogànciu de bisura, de su feli si fiat furriau birdi che su porru ◊ est peri grogànciu, parit cotu a umbra Terminologia scientifica clr Etimo srd. Traduzioni Francese jaunâtre Inglese yellowish Spagnolo amarillento Italiano giallógnolo Tedesco blaßgelb, gelblich.

grogàssu, grogàtzu , agt Sinonimi e contrari grogàncinu, groghitu, groghizolu Terminologia scientifica clr Etimo srd.

groggolàre , vrb Definizione fàere una moida coment'e de abba budhindho, chi si pesat a búdhidu, chi orruet de artu a mesu de abba etotu Sinonimi e contrari abbrubudhai, abbrufulai, acrocuai, aggorgotai, borbogliare, cocolae*, froculare.

gróggulu , nm: cróculu* Definizione arrumóriu de s'abba chi orruet, essit, budhit, o si movet, fintzes in bentre; vena de abba.

groghèna gorgobèna

groghèra , nf Definizione su èssere grogo de colore, pruschetotu po maladia o pagu salude, su istare male Sinonimi e contrari arbiore, groghímene, grogore, grogúmene, isarbiadura Frasi deo l'isco su proite de custa groghera sighida de sa cara tua! Etimo srd. Traduzioni Francese pâleur Inglese pallor Spagnolo palidez, amarillez Italiano pallóre Tedesco Blässe.

groghèsa , nf Definizione su èssere grogos, in cara mala che sa tela Sinonimi e contrari groghera, grogore, grogúmene / cdh. groghétzia Etimo ctl. groguesa Traduzioni Francese teint jaune Inglese yellowness Spagnolo amarillez Italiano giallóre Tedesco gelbliche Gesichtsfarbe.

groghímene, groghímine, groghímini , nm Sinonimi e contrari groghera, groghesa, grogúmene / cdh. grughímini Etimo srd. Traduzioni Francese couleur jaune Inglese dirty yellow Spagnolo amarillento Italiano giallume Tedesco gelbliche Farbe.

gróghinu , agt Sinonimi e contrari grogàncinu, grogànciu, groghitu, groghizolu Frasi sos rajos de su sole sunt gróghinos Terminologia scientifica clr Etimo srd.

groghítu, groghítzu , agt Sinonimi e contrari grogàncinu, grogànciu, gróghinu, groghizolu / cdh. grughitu Frasi su ranu semenadu, mortu in terra, bogat una limbita groghitza Terminologia scientifica clr.

groghizólu , agt Sinonimi e contrari grogàncinu, grogànciu, groghitu / ttrs. groghitzoru Frasi t'inferco a pirastru pironzinu, chi est groghizolu, bellu e coloridu! (Contene) Terminologia scientifica clr Etimo srd.

grógicu , agt Definizione nau de pedhe, chi si est intostada; nau de unu, chi no si lassat dominare deasi fàcile fàcile Traduzioni Francese parcheminé Inglese wrinkled with age Spagnolo acartonado Italiano incartapecorito Tedesco verschrumpelt.

grògo gròga

grogòcia , nf Definizione su nodu de s’ogroena o annou de su tzugu Sinonimi e contrari orgumedhu Terminologia scientifica crn Traduzioni Francese pomme d'Adam Inglese adam's apple Spagnolo nuez (bocado, manzana) de Adán Italiano pómo d'Adamo Tedesco Adamsapfel.

grogoníre , vrb Definizione su cambiamentu de is oos candho cumènciat a si formare su pudhighinu o pigionedhu Sinonimi e contrari clocire*, ingendrai, ligunire Frasi sos ovedhos in su nidu sunt grogonitos.