A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

grófu gófu

grófu 1 gólfu 1

gròga , agt, nm: grogo, grogu (grògu, grógu) grou Definitzione genia de colore, colore de limone lómpiu; colore de cara malàida, de unu malàidu / a/c. candho est agt. no est sèmpere chi cuncordat cun su númene (sa var. groga no cuncordat mai); genias de grogo: intzesu, meru, leonadu (de limone) Sinònimos e contràrios zàlinu Maneras de nàrrere csn: apustis de centu annus, berritedha groga! = augúriu pro bíviri ancora meda; grogu che limoni, che sa cera = g. meru (fintzas de maladia); scialu grogu = festa manna, cun cosa meda Frases cussu portat is pilos groga e totus in famíglia portant totu su pilu groga, no solu is pilos de conca (G.A.Cui)◊ fit grogu comente est grogu su limone ◊ portas sa faci groga che sa cera!◊ su campu est grogo de trídicu ◊ portaiat sa conca imbodhiada cun sa tiagiola grogo de s'antigu costúmene (R.Sardella) Sambenados e Provèrbios smb: Grogu Terminologia iscientìfica clr Ètimu ctl. groc, groga Tradutziones Frantzesu jaune Ingresu yellow Ispagnolu amarillo Italianu giallo Tedescu gelb.

grogàlli gragàllu 3

grogàncinu , agt Definitzione chi est de coloredhu grogo Sinònimos e contràrios grogànciu, gróghinu, groghitu, groghizolu Frases grogàncinu e úmidu atonzu, eo ti amo e ti canto ◊ fiores asulos e grogàncinos Terminologia iscientìfica clr Ètimu srd.

grogànciu, grogàngiu, grogàntzu, grogàntzulu , agt Definitzione de colore unu pagu grogo Sinònimos e contràrios cerassu, grogàncinu, groghitu, groghizolu, grogulu Frases su sennori, grogànciu de bisura, de su feli si fiat furriau birdi che su porru ◊ est peri grogànciu, parit cotu a umbra Terminologia iscientìfica clr Ètimu srd. Tradutziones Frantzesu jaunâtre Ingresu yellowish Ispagnolu amarillento Italianu giallógnolo Tedescu blaßgelb, gelblich.

grogàssu, grogàtzu , agt Sinònimos e contràrios grogàncinu, groghitu, groghizolu Terminologia iscientìfica clr Ètimu srd.

groggolàre , vrb Definitzione fàere una moida coment'e de abba budhindho, chi si pesat a búdhidu, chi orruet de artu a mesu de abba etotu Sinònimos e contràrios abbrubudhai, abbrufulai, acrocuai, aggorgotai, borbogliare, cocolae*, froculare.

gróggulu , nm: cróculu* Definitzione arrumóriu de s'abba chi orruet, essit, budhit, o si movet, fintzes in bentre; vena de abba.

groghèna gorgobèna

groghèra , nf Definitzione su èssere grogo de colore, pruschetotu po maladia o pagu salude, su istare male Sinònimos e contràrios arbiore, groghímene, grogore, grogúmene, isarbiadura Frases deo l'isco su proite de custa groghera sighida de sa cara tua! Ètimu srd. Tradutziones Frantzesu pâleur Ingresu pallor Ispagnolu palidez, amarillez Italianu pallóre Tedescu Blässe.

groghèsa , nf Definitzione su èssere grogos, in cara mala che sa tela Sinònimos e contràrios groghera, grogore, grogúmene / cdh. groghétzia Ètimu ctl. groguesa Tradutziones Frantzesu teint jaune Ingresu yellowness Ispagnolu amarillez Italianu giallóre Tedescu gelbliche Gesichtsfarbe.

groghímene, groghímine, groghímini , nm Sinònimos e contràrios groghera, groghesa, grogúmene / cdh. grughímini Ètimu srd. Tradutziones Frantzesu couleur jaune Ingresu dirty yellow Ispagnolu amarillento Italianu giallume Tedescu gelbliche Farbe.

gróghinu , agt Sinònimos e contràrios grogàncinu, grogànciu, groghitu, groghizolu Frases sos rajos de su sole sunt gróghinos Terminologia iscientìfica clr Ètimu srd.

groghítu, groghítzu , agt Sinònimos e contràrios grogàncinu, grogànciu, gróghinu, groghizolu / cdh. grughitu Frases su ranu semenadu, mortu in terra, bogat una limbita groghitza Terminologia iscientìfica clr.

groghizólu , agt Sinònimos e contràrios grogàncinu, grogànciu, groghitu / ttrs. groghitzoru Frases t'inferco a pirastru pironzinu, chi est groghizolu, bellu e coloridu! (Contene) Terminologia iscientìfica clr Ètimu srd.

grógicu , agt Definitzione nau de pedhe, chi si est intostada; nau de unu, chi no si lassat dominare deasi fàcile fàcile Tradutziones Frantzesu parcheminé Ingresu wrinkled with age Ispagnolu acartonado Italianu incartapecorito Tedescu verschrumpelt.

grògo gròga

grogòcia , nf Definitzione su nodu de s’ogroena o annou de su tzugu Sinònimos e contràrios orgumedhu Terminologia iscientìfica crn Tradutziones Frantzesu pomme d'Adam Ingresu adam's apple Ispagnolu nuez (bocado, manzana) de Adán Italianu pómo d'Adamo Tedescu Adamsapfel.

grogoníre , vrb Definitzione su cambiamentu de is oos candho cumènciat a si formare su pudhighinu o pigionedhu Sinònimos e contràrios clocire*, ingendrai, ligunire Frases sos ovedhos in su nidu sunt grogonitos.