A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

improssimadúra , nf Definizione su improssimare Sinonimi e contrari impringiadura, imprinzonzu | ctr. iglioronzu, illieramentu Terminologia scientifica ssl Etimo srd.

improssimàre , vrb Definizione bènnere príngia, prena de unu fedu nou, nau de sa fémina o de s'animale fémina; nau de s'ómine o de s'animale mascu, fàere impringiare; imprènnere de ccn. cosa, fintzes fàere sa terra bona a prodúere; nau de is frores, ingendrare po efetu de su podhibodhi de su frore mascu Sinonimi e contrari aprossimare, imprignare, ingrabidare | ctr. iglierare, iscendiai Frasi cuss'animale no bi at improssimadu mancari li apant betadu su mascru 3. su chinisu de su fogu de Sant'Antoni impróssimat sa terra Terminologia scientifica ssl Etimo srd. Traduzioni Francese engrosser Inglese to make pregnant Spagnolo quedar embarazada, preñar Italiano ingravidare Tedesco schwängern.

imprósu , nm Definizione su improsare; cosa chi narant o chi faent po improsare sa gente, po si dha fàere a favore Sinonimi e contrari fedaza, frandhigu, improsadura, losinga / ingànniu 2. dha fiat alloriendi de lusingas e improsus po dha cumbinci a comporai Etimo srd.

improvélzu impropérju

improveràre impoberàre 1

impróveru , nm Definizione ingiúliu, foedhu chi narant coment’e unu númene a unu, e a su postu de su númene suo, po erríere, po dhu pigare a befa po cosa chi at fatu o piessignu chi dhu distinghet Sinonimi e contrari allomíngiu, annomíngiu, aproégliu, improperju, istevíngiu, paradíciu, paranòmini, zistru Frasi bi l'at betadu a impróveru ◊ a minore li naraiant goi e goi, e gai bi che l'ant pesadu, a impróveru! ◊ no lu crames gai ca cussu est s'impróveru! ◊ a impróveru a unu li narant Trubbasuentu, a un'àteru Trampasusole Traduzioni Francese sobriquet Inglese nickname Spagnolo apodo, mote Italiano nomìgnolo Tedesco Spitzname.

improverzàdu , agt Definizione chi tenet improverzu, ingiúliu Frasi Bodale fit improverzadu "S'arvegarzu" Etimo srd.

improvérzu impropérju

improvisàda , nf: imprubisada Definizione cosa, ma pruschetotu lómpia, benia, chi si faet de un'improntu, candho unu no si dhu ibertat Sinonimi e contrari aprontada Frasi no lis nias nudha, in domo tua, chi so ghiradu, ca lis fato un'improvisada! Traduzioni Francese surprise Inglese surprise Spagnolo sorpresa Italiano improvvisata Tedesco Überraschung.

improvisadòre, improvisadòri , nm Definizione poeta de parcu, chi si pentzat de un'improntu su chi depet cantare Sinonimi e contrari disputatore / cdh. impruisadori.

improvisài, improvisàre , vrb Definizione fàere is cosas de un'improntu, totinduna, fintzes cantare a poesia de un'improntu comente faent is poetas de parcu.

improvísu , agt Definizione chi si faet, chi acontesset o est acontéssiu de un'improntu, a s'ingrundha / avb. a s'i. = de un'improntu Sinonimi e contrari arrepenti, subbitanu / cdh. impruisu.

imprubisàda improvisàda

imprudiàre , vrb Definizione guastare, nau de cosa orgànica (erba, linna e àteru) Sinonimi e contrari apudrigare, pordiai Etimo srd.

impruenàu , agt Sinonimi e contrari imbruinadu, impruerinatu, peuerosu, preunosu Frasi sunt arribbaos sueraos e impruenaos (G.Sanna) Etimo srd.

imprueràda , nf Definizione su impruerare.

imprueràe, impruerài implueràre

impruerinàre , vrb Definizione imbrutare de pruine Sinonimi e contrari imbruinare, imprugherare | ctr. irbruerare, isprugherare Etimo srd.

impruerinàtu , pps, agt Definizione de impruerinare; chi est totu pruine, brutu de pruine Sinonimi e contrari bruerosu, imbruinadu, peuerosu, preunosu / ttrs. impiubaradu | ctr. límpidu, netu Frasi fit arrabbiatu ca sos gambales si li fint impruerinatos 2. ómines e féminas, vene impruerinatos, sichiant volanne sa coa de su ballu (G.Albergoni) Traduzioni Francese couvert de poussière Inglese dusty Spagnolo polvoriento Italiano impolverato Tedesco verstaubt.

imprugheradúra , nf Definizione su imprugherare, su imbrutare de pruine Sinonimi e contrari imprugheramentu, impruinadura Etimo srd. Traduzioni Francese poudrage Inglese dusting Spagnolo empolvoramiento Italiano impolveraménto Tedesco mit Staub bedecken.