A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

impronitzàre , vrb: imprunitzare Definizione incresurare, serrare a cresura de prunischedha o àtera sida ispinosa Sinonimi e contrari impizare, infrasconare 2. sa mindha est tota impronitzada Etimo srd.

improntàda , nf Definizione su pigare a unu a face manna, comente faent is prontudus, is isfacios / fàghere un'i. a unu = pigare a unu a face manna, cun atza Sinonimi e contrari aprontada Etimo srd.

improntitúidu , agt Definizione chi faet de un'improntu, totinduna Frasi "Passéntzia!" - abboghineit Pepedhu improntitúidu ◊ a s'aparessida improntitúida de su pupularzu, totucantos si caglieint a sa muda (G.Addis)

improntíu , agt Definizione nau de ccn., chi tenet prontu, chi portat face, atza meda, atrivimentu Sinonimi e contrari facianu, faciudu, ifaciadu, ifaciu | ctr. bergungiosu, gavardu.

impróntu , avb Definizione de un'i. = induninduna, a s'ingrundha Sinonimi e contrari aprontu 1, improntuitu, induninduna, totinduna Frasi faghet otavas de improntu ◊ a s'improntu est rutu mortu ca l'ant isparadu! ◊ sas féminas, de un'improntu, si ponent a irgrighillare che disatinadas Traduzioni Francese soudainement Inglese suddenly Spagnolo de repente Italiano improvvisaménte Tedesco plötzlich.

improntuítu , avb Definizione de un'i. = totinduna Sinonimi e contrari improntitúidu, improntu Frasi addaghi acurtzu a terra deo che acudo de un'improntuitu m'irvertudo (G.Ruju)◊ mi leades gai, de un'improntuitu!

improperiàre , vrb Definizione rimproverare, betare in face una cosa a unu, nàrrere cosa a briga naendho fintzes foedhos malos po calecuna cosa chi at fatu Frasi dae tempus mi ses improperiendhe: no poto pònnere unu passu chi no mi lu betes in cara!

impropériu , nm Definizione cosa chi si narat a s'àteru po dh'ofèndhere Sinonimi e contrari afrenta, afrontu, aggràbiu, aggrau, innóriu, inzenza Etimo itl. Traduzioni Francese injure Inglese insult Spagnolo injuria Italiano ingiùria, impropèrio Tedesco Schimpfwort.

impropérju , nm: improvelzu, improverzu Definizione ingiúliu, àteru númene o númene istrupiau chi si ponet a unu, prus che àteru a befa Sinonimi e contrari allomíngiu, annomíngiu, aproégliu, impróveru, paradíciu, paranòmini, zistru Frasi a niunu fit permissu de istare in sa bidha chena un’improverzu: unu paralúmene benacontzu sighiat pro tota vida un’eréntzia Etimo itl. rimproverio Traduzioni Francese sobriquet Inglese nickname Spagnolo apodo Italiano soprannóme, nomìgnolo Tedesco Spitzname.

impropóriu imporpóru

impropriedàde, impropriedàdi , nf Definizione foedhu no tanti giustu, chi no est própriu cussu adatu.

improsadòre , agt, nm: improsarori Definizione chi o chie improsat sa gente Sinonimi e contrari bantzigadore, imbainajolu, imbolicosu, improseri Frasi cussu est un'improsarori chi iscít impiocai sa genti, balla! ◊ unu sonnu improsadore mi anninniat Etimo srd.

improsadúra , nf Definizione su improsai Frasi est isceti una grandu improsadura su si fai itzerriai "Maistu" de sa genti Etimo srd.

improsàe, improsài, improsàre , vrb Definizione pigare in giru, cullonare, fàere a crèdere una cosa po un'àtera, cricare de si fàere s'àteru a sa manu cun bellos foedhos, bàntidos, cricandho de dhi fàere praxere Sinonimi e contrari abbovai, coglionai, coluvronare, imbaucare, imbusterai, imbuvonare, ingrangugliare, istusciare, scafai / allisai, allosingai, frandhigare, insabonai, lígnere Frasi narat tantis bellus fuedhus po impiocai sa genti, ca est unu grandu imbrollioni e improsat a totus ◊ duas bortas mi at improsau, cussu remitanu!◊ cussu matzabbruta est improsendi sa genti cun promissas! Traduzioni Francese illusionner, leurrer, tromper Inglese to deceive Spagnolo ilusionar, engatusar Italiano illúdere, imbonire Tedesco täuschen.

improsaròri improsadòre

improsàu , pps, agt Definizione de improsare; chi dh'ant o si est cumbintu de calecuna cosa a ingannu, a crèdere in chimeras Sinonimi e contrari collonau, imbovau, ingannadu Traduzioni Francese berné, naïf Inglese tricked, deceived Spagnolo embaucado Italiano circuito, illuso Tedesco getäuscht.

impróscimu , nm Definizione nau de laore chi bogat s'ispiga, ingrussare in punta faendho s'ispiga.

improséri , agt, nm Definizione chi o chie costumat a improsare, chi cricat de si fàere s'àteru a sa manu cun bellos foedhos, improsus, bàntidos, cricandho de dhi fàere praxere, ma a ingannu, a trassa Sinonimi e contrari bantzigadore, imbainajolu, imbolicosu, improsadore Frasi innòi nc'est un'improseri chi si est mascarau finas a assimbillai a mimi! ◊ ti cumbincint is boxis improseras ◊ si presentant cun fuedhus improseris po si bendi is cosas insoru Etimo srd. Traduzioni Francese enjôleur, cajoleur Inglese winning Spagnolo cautivador Italiano accattivante, suadènte Tedesco gewinnend.

improsòri , agt Sinonimi e contrari improsadore, improseri Frasi seu trantzendu miradas improsoras e buconis luxentis in su gamu (Gp.Carta).

improssimadòre , agt Definizione chi impróssimat, faet ingendrare s'elementu fémina / bentu i. = su bentighedhu chi ispainat su podhibodhi de is froris.