A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

irbotadúra , nf Definizione su irbotare Etimo srd.

irbotàre , vrb Definizione essire deretu, lestru, andharesindhe, tzucare a cúrrere Sinonimi e contrari andhare, essire, furriai, infusilare, tocai 1 Frasi so pessandhe de m'irbotare a Frantza ◊ a ube sezis andhandhe: dae meda sezis sentza irbotare?! ◊ apenas chi proghet cherjo irbotare a ghetare labore ◊ sétiu a cabadhu, torrau so a irbotare a sartu ◊ sos zòvanos fint totu richiamaos e depiant irbotare ◊ mi ndhe so pesau reu e irboto curre curre 2. est tempus de nos segherare e de nos irbotare a su male! 3. totus aiant irbotau a rídere Etimo itl. sbottare.

irbotàu , pps Definizione de irbotare 2. Zubanne est irbotau pessandhe chi su trabballu chi fachet isse no est gai periculosu e trumentau.

irbótu , nm Definizione su irbotare / avb. de i., de un'i. = de botu, a corpu, de suncunas, totinduna Frasi carchi cosa mi at rucrau de irbotu su caminu ◊ fachet mulinadas e unu muntone de matimbródhios artziandhe e falandhe de irbotu ◊ unu corbu a trachedhu mi che ischidat de irbotu Etimo itl. sbotto.

irbotulàe , vrb Definizione fuliare, betare a terra Sinonimi e contrari frundhire, imbolare, iscavulai.

irbozàre , vrb: isbozare Definizione fàere passare sa gana, pèrdere sa bògia Sinonimi e contrari dirganare, sganiri | ctr. imbozare Etimo srd.

irbozàu , pps: irvozadu Definizione de irbozare; chi est chentza gana Sinonimi e contrari dirganau 2. intro de die istas sempre in letu, irvozadu fatu de su mànigu.

irbraghetadúra , nf Definizione su irbraghetare Etimo srd.

irbraghetàre , vrb Definizione apèrrere sa bragheta Etimo srd.

irbraghetàu , pps, agt Definizione de irbraghetare; chi est a bragheta aperta.

irbrancàre , vrb Definizione segare is naes, is cambos de una mata (fintzes comente faet su bentu, a iscosciadura) Sinonimi e contrari iscarbare.

irbratzàre , vrb: isbratzare Definizione segare is bratzos, segare is cambos o naes grussas de is matas; ma si narat de gente puru in su sensu de dha brivare o fàere bènnere mancu bratzos (chie podet trebballare) Sinonimi e contrari iscambae, iscarbare, sbratzalai, strassalai / irmanare Frasi cun fizu meu semus andhados a irbratzare sos sálighes 2. in s'ora chi ant prus bisonzu de zente sont irbratzaos, su richiamu a sa gherra lis at irfronzolau sa famíllia (P.Pireddu) Etimo srd.

irbràulu ilbràulu

irbraxài , vrb: irbrexae Definizione iscutinare sa braxa a is tzitzones Sinonimi e contrari ischicajare Etimo srd.

irbregungidúra , nf Definizione su chi si narat e su nàrrere cosa a unu a briga bogandhodhu in bregúngia Sinonimi e contrari ifachilliadura, ifachílliu Etimo srd. Traduzioni Francese honte Inglese shaming Spagnolo avergonzamiento Italiano svergognaménto Tedesco Beschämung.

irbregungíri, irbregunzíre ibregungíre

irbrentadúra , nf Definizione su irbrentare Etimo srd.

irbrentàre irbentràre

irbrenugàda , nf: irbrinucada, isbenujada Definizione cropu de benugu Sinonimi e contrari ilgrenucata Frasi si l'at cotadu suta e leadu a irbrenugadas ◊ peta de anzone arrustu… manigade, no sunt mancu irbrenugadas, no! Etimo srd. Traduzioni Francese coup de genou Inglese blow with the knee Spagnolo rodillazo Italiano ginocchiata Tedesco Kniestoß.

irbrenugàre , vrb: irgenugrae, irbrinucare, isbrenugare Definizione segare su bestimentu in is benugos, freare o pistare is benugos orruendho; giare cropos cun is benugos Frasi mi apo irbrenugadu sos pantalones faghindhe linna Etimo srd.