isbrotàre ibbrotàre
isbruncàre , vrb Definizione imbruconare, atumbare su pei a calecuna cosa, camminandho; ischicajare sa braxa, atzitzare su fogu po chi alluat e fatzat fràmula Sinonimi e contrari isbrunconare, trabbucai 1 / irbraxai Frasi su cadhu at isbruncadu e rutu est Etimo srd.
isbrunciàda , nf Definizione su isbrunciare; fintzes dannu capitau o, in cobertantza, badàngiu, fortuna Sinonimi e contrari imbrúnchinu, isbrúnciu, trambucada / atapada, atzapulada Frasi at dadu un'isbrunciada e si at pistu su benuxu 2. za l'at tenta s'isbrunciada totu su dinari chi li ant dadu!… Etimo srd.
isbrunciadúra , nf Sinonimi e contrari isbrunciada Etimo srd.
isbrunciàre , vrb Definizione atumbare su pei a calecuna cosa, camminandho / andhare isbruncisbrúncia = a su trambuca trambuca (fintzas pro sa paga atentzione o àtera farta) Sinonimi e contrari imbronconai, intuviae, trabbucai 1.
isbrúnciu , nm Definizione su isbrunciare Sinonimi e contrari atzupada, imbrúnchinu, imbrunchioni, trabbucu / isbrunciada Etimo srd.
isbrunconàre , vrb Definizione imbruconare, atumbare su pei camminandho Sinonimi e contrari imbruncai 1, isbruncare, trabbucai 1 Etimo srd.
isbrunúsciu ibbrunúsciu
isbuatàre , vrb Definizione bogare o istacare sa buata (fògia) a s'ispiga de su moriscu Sinonimi e contrari istergare, scrocitari Etimo srd.
isbucàdu , agt: sbucau Definizione nau de ccn., chi foedhat chentza frenu perunu, comente dhi acucat Sinonimi e contrari ibbucaciau Frasi est fogaresu e isbucadu chi no si ndh'at bidu mai Etimo srd.
isbucatzadúra , nf Sinonimi e contrari bassinada, bassineria, porcaria Etimo srd.
isbuchiàda , nf Definizione genia de càschidu, móvia de sa buca fintzes morindhosi / fai is i. Sinonimi e contrari abbuchiada Etimo srd.
isbudhàre irvudhàre
isbudusciàre , vrb Definizione isperditziare, ispèndhere chentza régula, perdimentandho sa cosa, faendho a budúsciu / bi at dinari a i. = a ispèndhere a budúsciu Sinonimi e contrari aperdimentare, spedritziai Frasi de tempus no ndhe frundhiat ne gioghendhe a cartas e ne isbuduscendhe dinaris fatu de sos butighinos ◊ medas síndhigos isbudúsciant sos dinaris púbblicos comente menzus lis aggradat.
isbulàre ilbulàre
isbullisciàre , vrb Definizione budhire, pònnere a budhire a ora meda.
isbumburronàdu , agt Definizione chi est a bisura de ispòngia e po cussu tocandhodhu faet sonu coment'e de cosa buida Sinonimi e contrari isponzatzu, pugnatu | ctr. matosu / tipiu Frasi su tzichi russu pesadu, fintzas crú, paret prus lébiu, a su tocu est isbumburronadu.
isbundhuàdu , agt Definizione its, chentza bundhu? Frasi iseto s'ocasu de un'andhera sufrida de un'atraessare isbundhuadu.
isburbàre , vrb: isburvare Definizione
segare o bogare sa burba (segundhina), nau de ómine in su sensu de si betare a prepoténtzia a una fémina; fàere su fedu, naschire su pipiu
Sinonimi e contrari
isbuzarrare
Etimo
srd.
Traduzioni
Francese
violer
Inglese
to rape
Spagnolo
estuprar,
violar
Italiano
stuprare
Tedesco
vergewaltigen.
isburdídu , agt Definizione chi no sonat bene, chi no faet sonu sintzillu, de cosa segada (es. campana i.), sonu surdu Sinonimi e contrari iscannidu.