A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

isfrisciàre , vrb Definizione apèrrere a crae Sinonimi e contrari screari | ctr. ifriscare 1 Frasi at isfrisciadu sa gianna cun sa giae ◊ isfriscesit sa gianna e passesit a intro ◊ isfríscio un'apusentu Etimo srd.

isfrisciuradúra , nf Definizione su s'isfrisciurai, nau de sa manera Sinonimi e contrari smeru Etimo srd.

isfrisciurài irfrissuràre

isfrissuràre irfrissuràre

isfritàre ifridàre

isfritíre , vrb Definizione ifridare, pèrdere o fàere pèrdere su caentu, su calore Sinonimi e contrari ifridare, isfriorzare, isfriturire | ctr. caglientai, imbudhighinare 2. su focu in su cuzone cajentavat sa carena isfritia dae s'avrore Etimo srd.

isfritónzu , nm Sinonimi e contrari ifritadura, scidramentu, sfridamentu Etimo srd.

isfrituríre , vrb Definizione pèrdere calore, essire fridu, pigare fritu Sinonimi e contrari ifridare, isfritire | ctr. caglientai, imbudhighinare Etimo srd.

isfrochedhài , vrb Definizione menguare e cessare de frochedhai, de frocare Frasi est isfrochedhendi.

isfródhiu , nm Definizione su isfodhiare, su pèrdere sulu, bentu Sinonimi e contrari | ctr. suladura Etimo srd. Traduzioni Francese perte, échappement Inglese venting Spagnolo resuello Italiano sfiataménto Tedesco Auströmen.

isfronciàre , vrb Definizione its, pretènnere?, papare?, godire? Frasi a unu furone chi preteniat sa parte de su bitellu mortu li at rispostu: Tue t'isfròncias su chi no t'ispetat!

isfrongiàre , vrb: sfrongiai Definizione segare is puntas, is cambos prus fines de is matas, de sa linna Sinonimi e contrari irgomare, iscarvare, ischimare, ischimizonare Traduzioni Francese élaguer Inglese to strip of leaves Spagnolo escamondar Italiano sfrondare Tedesco entlauben.

isfrontàdu , agt Definizione chi no tenet o no sentit bregúngia / a s'isfrontada = a fatza manna Sinonimi e contrari sfaciu Frasi frúnciat a s'isfrontada prata e oro.

isfrorài , vrb Definizione segare is frores, fàere dannu a is frores; nau de pàsculu, papare Frasi de gravellinedhos no ndi posso segai ca m’isfrorat su giardinu! (E.Coda) 2. a is primus dhe maju su logu fut isfrorau e su bestiàmini teniat bisóngiu de su càmbiu.

isfrorígiu , nm Definizione brulla mala, leada in giru, a befa Sinonimi e contrari ciàschidu, ghelea.

isfroscàre ifroscàre

isfròta , nf Sinonimi e contrari camarada, fiotu Frasi a isfrota manna, a zisa de profiscione, benint dae atesu a la mirare (C.Meridda).

isfrugulàre , vrb Definizione fàere una genia de moidedha Sinonimi e contrari fruscidare, frusiai, frusitai Frasi lébios in sa rena isfrugulaiant passos (G.Angeli) Etimo crsn. sfrugulu.

isfrunídu , agt Definizione chi no portat o no dhi ant postu nudha po dhu cuncordare de èssere bellu o mudau Sinonimi e contrari mudadu Frasi non poto cantare cun sa rughe in custa domo frita e isfrunida (Zr.Piga) Traduzioni Francese dépouillé, sévère Inglese unadorned Spagnolo desadornado Italiano disadórno Tedesco schmucklos.

isfruníre , vrb: isfurnire Definizione pigare totu, consumare, ispaciare, finire su frunimentu, sa cosa chi si tenet, lassare chentza nudha / i. s'ortu = istrúere s'ortu, collírendhe totu, sciortuai; isfrunire s'ispiga = scravigai Sinonimi e contrari burrusciare, consumai, spaciai Frasi in mesu de su piúere de sa vida sos valores umanos che imbolamus, tzegos e surdos sos falsos chircamus isfrunendhe sa tanca fiorida (A.Porcheddu)◊ su tempus, che abba in sos fiores, sutzat sa vida, isfrunit sas pretesas! Traduzioni Francese dénuer, consommer Inglese to deprive Spagnolo desabastecer, desproveer Italiano sfornire Tedesco entblößen.