ispazeradòre , agt Definizione chi si credet meda, chi si bantat Sinonimi e contrari bantaditu, brafanteri, bragheri, ispazosu, pageri, vantagiosu Terminologia scientifica ntl Etimo srd.
ispazeràre ispallerài
ispazetàre , vrb Definizione segare a orrugos; perdimentare sa cosa Sinonimi e contrari isbaire, ispèldere, ispeldisciare, istravuciare Frasi at ispazetadu unu truncu, unu fiadu 2. ispazetare su binu, su dinari, sos benes ◊ ant fatu male a che ispazetare sas tancas de su Comunu!
ispazósu , agt, nm Definizione chi o chie si giaet bàntidos chentza ndhe meritare, pageri Sinonimi e contrari bantaditu, bantageri, blagheri, bragosu, creitosu, pagiosu, ventulanu Frasi su chi est solu unu montiju sos bidharesos cadarosos e ispazosos lu giamant monte Etimo srd.
ispeadúra , nf Definizione su ispeare, su mòvere trastu o cosa grae a trantzidura, a pagu a pagu a tragu in is peis (o parte chi ponet in terra) Etimo srd.
ispeagnàre , vrb Definizione fàere in paris, aparigiare unu terrenu de prènnere o de prantare Sinonimi e contrari aglianai, apalisare, apianare, arrepranai, ispianare, splanai.
ispeài, ispeàre , vrb: ispedare, speai Definizione segare su pei, is peis, nau prus che àteru de calecunu trastu (es. mesa, cadira) o de pegos pangaos; istesiare unu pagu, mòvere a trantzidura, a tragu, a ispintas, unu trastu grae (cun o chentza peis) e fintzes incrubare a un'ala; ispartzire su frutu de unu cumone, pigare o giare su batorunu; rfl. immarrire a peis a fortza de camminare / èssere che polcu ispeadu = che porcu pei segadu, istare tropu bene, aténdhiu de totu Sinonimi e contrari ispeazare / ispeigonare / ispagatzai Frasi cussa cadrea betza est ispeada, ne fundhu e ne palas! 2. ispea sa mesa ca ndh'est tropu inoghe! ◊ custa preda cheret ispeada pro l'assentare paris cun s'àtera ◊ si atulat sa terra arada de rujales ispeendhe sos sulcos a manera chi s'abba si aviet in s'abbarzu Etimo srd.
ispeàre 1 , vrb: ispedare Definizione cuntratare e pigare o giare pegos a ispeu (prus che àteru porcos).
ispeatzàda , nf Definizione su ispeatzare; camminada manna, longa, fata a pei Sinonimi e contrari caminada.
ispeatzàre , vrb Definizione camminare meda a pei, fàere camminada longa a pei.
ispeazaméntu , nm Definizione su èssere immarrios a fortza de camminare Sinonimi e contrari istrachidúdine, pelea, speamentu Etimo srd.
ispeazàre , vrb Definizione immarrire a peis Sinonimi e contrari ispeai Etimo srd.
ispeàzu , nm: ispedazu Definizione su ispeazare, ma nau in sensu meda prus largu / trobeire a i. = trobeire in afissu, cun sos pes acurtziados meda a manera chi s'animale potat fàghere pagu tretu (ctr.: trobeire a andhantalinu) Sinonimi e contrari dificurtade, impeleu, ispeazamentu, istragu, pelea Frasi ispeazu at a àere e fastizu ◊ ispeazos e tragos est destinu chi proes ◊ des preguntare cantos ispeazos ancora des sustènnere e viazos ◊ a sa reina t'invoca, narendhe sos ispeazos chi ses afrontendhe Etimo srd.
ispecíficu , agt Definizione chi pertocat cun precisione calecuna cosa o a ccn. (es. pesu i. = su pesu de un'elementu meru, averguau po unu decímetru cubbu de cantidade, chi dhu distinghet de dónnia àteru elementu).
ispecítos , nm pl: ispichitos,
ispijitos Definizione
is ochiales
Sinonimi e contrari
atzales,
oceras,
ogheras
Frasi
no ndhe sebestades etotu, mancari giutedas sos ispixitos! ◊ si ndhe bogat sos ispixitos e los frobbit frighèndhelos in d-unu bículu de pedhe
Etimo
itl.l
speggetti
Traduzioni
Francese
lunettes
Inglese
spectacles
Spagnolo
gafas (f)
Italiano
occhiali
Tedesco
Brille.
ispécula , nf: spécula Definizione sa parte prus arta de unu fràigu de ue si podet bíere e castiare logu e cosa meda Sinonimi e contrari isperiadolzu.
ispecúliu , nm: isprecúlliu Definizione su speculitai, imbistigare, cricare de ischire dimandhandho Sinonimi e contrari spricullitu ispréculu Etimo srd.
ispeculizadòre , nm: speculizadori Definizione chie càstiat, cricat, istúdiat o ispeculizat is cosas Etimo srd.
ispeculizài, ispeculizàre , vrb: speculizai Definizione istudiare bene cun atentzione is cosas, is chistiones Sinonimi e contrari speculai, speculitai Frasi is cosas si podint ispeculizai a microscópiu Etimo spn. especular.
ispeculizassiòne , nf: speculizatzioni Definizione su ispeculizare.