A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ispasumàdu ispasimàdu

ispàta ispàda

ispatadúra , nf Definizione su ispatare, segare is tupas, su matedu, illimpiandho unu terrenu; sa cosa segada ispatzandho Sinonimi e contrari dípiu, innetiamentu, innetionzu, limpióngiu, pulidura Etimo srd.

ispatàre , vrb: ispatzare 1 Definizione illimpiare sa terra segandhondhe totu su matedu po dha prènnere, o fintzes segandhondhe s'erba; illimpiare, frobbire Sinonimi e contrari ammatutzare, ilbratare, immatai, irrascare, isputzucrare, matai, scrachirai Frasi su terrinu cheret ispatadu ca sa malesa no lassat crèschere àteru ◊ comintzeit a bogare coighina ispatendhe majas de chessa ◊ za mi est costadu ispatendhe rú e tetinosu pro pesare sos ozastros!…◊ tocat de ispatzare sos oros de s'irriu ◊ no mandhant un'operaju po ispatzare s'erba chi ch'est! 2. ispatare sa corte de sa linna ◊ dàemi su frebbeucu a l'ispatare su nasu a su ninnu! Traduzioni Francese déboiser, dégarnir un terrain des buissons Inglese to clean, to clear of the trees (bushes) Spagnolo rozar Italiano sbrattare, disboscare, decespugliare Tedesco abräumen, abholzen.

ispatarrài , vrb Definizione coment'e isparare patarros, nau in sensu de foedhare meda a sa sighia Frasi dha borèst intendi ispatarrendi!…

ispatarràtu , agt Definizione chi est ciciu (coment'e crocau) totu a longu a longu Sinonimi e contrari sterrinau.

ispatarzàda , nf Definizione su ispatarzare Etimo srd.

ispatarzàre , vrb Definizione bogare braxa de su fogu, ispràghere sa braxa Sinonimi e contrari isbrasiare Etimo srd.

ispatiàre , vrb Definizione illargare unu tretu, unu logu, fàere unu pàtiu prus largu Sinonimi e contrari illalgare.

ispatónzu , nm: ispatzóngiu Definizione su ispatzare, illimpiamentu de una terra Sinonimi e contrari ilmatadura, innetionzu, ispatadura, ispatzinzu, isputzucronzu, limpióngiu, matadura Frasi in austu faia s'ispatzóngiu e in cabidanni su carríngiu (A.Barra) Etimo srd. Traduzioni Francese action de dégarnir un terrain des buisson Inglese clearing of the bushes Spagnolo desmonte Italiano decespugliaménto Tedesco Gestrüppentfernung.

ispatriài, ispatriàre , vrb Definizione essire, andhare fora de sa pàtria, andhare a un'àteru istadu Sinonimi e contrari emigrai.

ispàtu , nm Definizione isterratzu, materiale de fuliare chi essit isconciandho domos, muros bècios Frasi che amus dévidu bogare totu s'ispatu a motocarru.

ispàtula , nf Definizione genia de aina a manighedha curtza, coment'e una palitedha, po frigare cosa impastada.

ispatzàre ispaciài

ispatzàre 1 ispatàre

ispatzèta , nf Definizione genia de palitedha a màniga longa po ndhe bogare su pruine de bucos de sa mina faendhodhos Terminologia scientifica ans Etimo itl. spazzetta.

ispatzínzu , nm Definizione su ispatzare, trebballu de limpiamentu de is terrenos de prènnere a laore Sinonimi e contrari ilmatadura, limpióngiu.

ispàtziu , nm: spàtziu Definizione logu, nau pruschetotu de s'universu o logu de totu su chi si agatat, prenu o buidu chi potzat pàrrere; in s'iscritura, su tretighedhu buidu intremesu de is foedhos segundhu su critériu de iscríere is foedhos istacaos Sinonimi e contrari locu 1.

ispatzóngiu ispatónzu

ispàtzu , nm: spàciu Definizione su ispaciare, bèndhere sa cosa Sinonimi e contrari benda 1 Frasi su tzilleraju fit tentu a sonnu ca no bi aiat ispatzu ◊ Santu Antine no tenet ispatzu: no bi at comporadores chi possedant sa muneda bastante a si leare totu s'ammaju de sa festa (P.Pillonca) Etimo srd. Traduzioni Francese écoulement, vente Inglese sale Spagnolo venta Italiano smèrcio Tedesco Absatz.