A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ispasumàdu ispasimàdu

ispàta ispàda

ispatadúra , nf Definitzione su ispatare, segare is tupas, su matedu, illimpiandho unu terrenu; sa cosa segada ispatzandho Sinònimos e contràrios dípiu, innetiamentu, innetionzu, limpióngiu, pulidura Ètimu srd.

ispatàre , vrb: ispatzare 1 Definitzione illimpiare sa terra segandhondhe totu su matedu po dha prènnere, o fintzes segandhondhe s'erba; illimpiare, frobbire Sinònimos e contràrios ammatutzare, ilbratare, immatai, irrascare, isputzucrare, matai, scrachirai Frases su terrinu cheret ispatadu ca sa malesa no lassat crèschere àteru ◊ comintzeit a bogare coighina ispatendhe majas de chessa ◊ za mi est costadu ispatendhe rú e tetinosu pro pesare sos ozastros!…◊ tocat de ispatzare sos oros de s'irriu ◊ no mandhant un'operaju po ispatzare s'erba chi ch'est! 2. ispatare sa corte de sa linna ◊ dàemi su frebbeucu a l'ispatare su nasu a su ninnu! Tradutziones Frantzesu déboiser, dégarnir un terrain des buissons Ingresu to clean, to clear of the trees (bushes) Ispagnolu rozar Italianu sbrattare, disboscare, decespugliare Tedescu abräumen, abholzen.

ispatarrài , vrb Definitzione coment'e isparare patarros, nau in sensu de foedhare meda a sa sighia Frases dha borèst intendi ispatarrendi!…

ispatarràtu , agt Definitzione chi est ciciu (coment'e crocau) totu a longu a longu Sinònimos e contràrios sterrinau.

ispatarzàda , nf Definitzione su ispatarzare Ètimu srd.

ispatarzàre , vrb Definitzione bogare braxa de su fogu, ispràghere sa braxa Sinònimos e contràrios isbrasiare Ètimu srd.

ispatiàre , vrb Definitzione illargare unu tretu, unu logu, fàere unu pàtiu prus largu Sinònimos e contràrios illalgare.

ispatónzu , nm: ispatzóngiu Definitzione su ispatzare, illimpiamentu de una terra Sinònimos e contràrios ilmatadura, innetionzu, ispatadura, ispatzinzu, isputzucronzu, limpióngiu, matadura Frases in austu faia s'ispatzóngiu e in cabidanni su carríngiu (A.Barra) Ètimu srd. Tradutziones Frantzesu action de dégarnir un terrain des buisson Ingresu clearing of the bushes Ispagnolu desmonte Italianu decespugliaménto Tedescu Gestrüppentfernung.

ispatriài, ispatriàre , vrb Definitzione essire, andhare fora de sa pàtria, andhare a un'àteru istadu Sinònimos e contràrios emigrai.

ispàtu , nm Definitzione isterratzu, materiale de fuliare chi essit isconciandho domos, muros bècios Frases che amus dévidu bogare totu s'ispatu a motocarru.

ispàtula , nf Definitzione genia de aina a manighedha curtza, coment'e una palitedha, po frigare cosa impastada.

ispatzàre ispaciài

ispatzàre 1 ispatàre

ispatzèta , nf Definitzione genia de palitedha a màniga longa po ndhe bogare su pruine de bucos de sa mina faendhodhos Terminologia iscientìfica ans Ètimu itl. spazzetta.

ispatzínzu , nm Definitzione su ispatzare, trebballu de limpiamentu de is terrenos de prènnere a laore Sinònimos e contràrios ilmatadura, limpióngiu.

ispàtziu , nm: spàtziu Definitzione logu, nau pruschetotu de s'universu o logu de totu su chi si agatat, prenu o buidu chi potzat pàrrere; in s'iscritura, su tretighedhu buidu intremesu de is foedhos segundhu su critériu de iscríere is foedhos istacaos Sinònimos e contràrios locu 1.

ispatzóngiu ispatónzu

ispàtzu , nm: spàciu Definitzione su ispaciare, bèndhere sa cosa Sinònimos e contràrios benda 1 Frases su tzilleraju fit tentu a sonnu ca no bi aiat ispatzu ◊ Santu Antine no tenet ispatzu: no bi at comporadores chi possedant sa muneda bastante a si leare totu s'ammaju de sa festa (P.Pillonca) Ètimu srd. Tradutziones Frantzesu écoulement, vente Ingresu sale Ispagnolu venta Italianu smèrcio Tedescu Absatz.