A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ispassillài ispassigiàe

ispassíllu , nm Definitzione su ispassillai Frases lassai is ispassillus!

ispassiósu , agt: ispassosu, spassiosu Definitzione nau de ccn., chi est de naturale bonu, alligru, chi praghet, faet divertire, chi est alligru, divertindho Sinònimos e contràrios allegramante, allegru, caratuleri, divertidu, gustívile, ispassile, ispàsticu Frases est unu piciochedhu ispassiosu, fait arriri cun is brullas suas ◊ sa fémina fit dechida, richizola, ispassiosa e de manos bonas ◊ est un'ómine ispassosu, cussu! Terminologia iscientìfica ntl Ètimu itl. Tradutziones Frantzesu jovial, amusant Ingresu jolly, amusing Ispagnolu divertido, gracioso Italianu gioviale, spassóso Tedescu heiter, unterhaltend.

ispassiotàda , nf Definitzione passu longu, istirau Sinònimos e contràrios incambionada, sperruncada Frases a ispassiotadas longas Adone tucheit a domo de Mariantónia (A.Buluggiu) Ètimu srd.

ispassiotàre , vrb Definitzione caminare a passos longos, istiraos, a incambionadas Frases si ndhe peseit e incumintzeit a ispassiotare isse puru (A.Buluggiu).

ispàssiu , nm: ispassu, spàssiu Definitzione cosa chi si faet a giogu, po divertire, istare alligros; fintzes camminada chi si faet deasi, tanti po pònnere passos, pigare ària / is ispassos = a logos, sa Viacrucis Sinònimos e contràrios arrecreu, desogu, dirvagu, diveltimentu, gradazu, ibéliu, irbelegu / giogu, ispidientu / ispassizada Frases cada sero fit un'ispàssiu: nabamus contos de trabballos e de zente ◊ ite ispassu, ite risu e ite giogu! ◊ subra su palcu cun su risu in laras fit de totu sos pópulos s'ispassu (Mura) 2. sos mastros che ant bogadu sos pisedhos de iscola a ispassu Sambenados e Provèrbios prb: ispassu de giannile diàulu de foghile Ètimu itl. Tradutziones Frantzesu divertissement Ingresu amusement Ispagnolu distracción (f), diversión (f) Italianu spasso, divertiménto Tedescu Spaß.

ispassizàda , nf Definitzione su ispassizare; andhada a ccn. logu deasi tanti po nch'essire, sentza bisóngiu; logu inue si costumat a passigiare Sinònimos e contràrios passigiada* Frases che istupant totus pro s'ispassizada ◊ apendhe postu a parte calchi sodhighedhu, aiat detzisu de andhare, isse e sa muzere, pro pagas dies a si fàghere una bella ispassizada in Germània.

ispassizàre ispassigiàe

ispassíziu, ispassízu , nm Definitzione tretu in artu, postu fora de su muru maistu de sa domo, inue essit ccn. apertura po s'incarare, abbarrare a càstiu; su passigiare, su abbarrare andhandho e torrandho po s'istentare, po si mòvere Sinònimos e contràrios passizera, passitzu* Frases mi achero a s'ispassizu de domo ◊ s'ispassizu gighet sa barandíglia ruinzada ◊ sas ventanas, sas zannas, sos ispassizos, sos terratzos sunt prenos de zente Terminologia iscientìfica dmo Tradutziones Frantzesu balcon Ingresu balcony Ispagnolu balcón Italianu poggiòlo Tedescu Balkon.

ispassósu ispassiósu

ispàssu ispàssiu

ispasteràda , nf Definitzione su ispasterare, papada manna Sinònimos e contràrios abbentrada, abbuzada, atrimpanada, sassada Frases arratza de ispasteradas de figu chi eus fatu! Ètimu srd.

ispasteràdu , pps, agt: ispasterau Definitzione de ispasterare; chi papat meda, a tropu, chi faet su pasteri Sinònimos e contràrios impasteradu / bentranu, sassagoni Frases chie màndhigat dae órriu anzenu est ispasteradu.

ispasteràre , vrb Definitzione papare meda, fàere papadas de pasteri Sinònimos e contràrios impasterai, mascare, satzai Ètimu srd.

ispasteràu ispasteràdu

ispàsticu , agt, nm: ispàstigu Definitzione nau de ccn., chi est de unu fàere alligru, chi praghet, o fintzes chi faet e foedhat chentza bregúngia, chi pronúnciat is foedhos bene, in manera crara; disaogu / èssere o lassare a s'ispàstigu = desesi, a comenti bolit andai, a s'afaiu, in abbandonu Sinònimos e contràrios allegru, caratuleri, geniosu, ispassiosu / cdh. spàsticu | ctr. dilzeniau, ganamalosu Frases tandho sonat, allegra, una chiterra su mutu prus ispàstigu e galanu ◊ isse no est ispàstigu nudha ◊ est zente ispàstiga, acasazajola, alligra, lítzita ◊ chin sos ómines aviat imparau a chistionare ispàstica Terminologia iscientìfica ntl Tradutziones Frantzesu sympathique, expansible, jovial Ingresu nice, espansive, jolly Ispagnolu simpático, jovial Italianu simpàtico, espansivo, gioviale Tedescu sympatisch, heiter.

ispastigàre , vrb Definitzione fàere ispàstigu, alligru, trancuillu, acunnortau; pronunciare is foedhos bene, craros Frases sa mariposa, afoglietada, ispàstigat su bolu, a ciascu postu, nendhe "Semus in beranu"◊ s'ispàstigat cuntentu e ponet fatu a su sonnu Ètimu srd.

ispàstigu ispàsticu

ispàstinu , nm Definitzione ispàstigu etotu in su sensu de andhare a s'afaiu Frases fint baranta cristianos chi campugliaiant cun sos pagos fiados a s'ispàstinu e cun s'incunza de su punzu de laore chi betaiant.

ispastoricàre, ispastorigàre , vrb Definitzione bogare, essire o isconciare de pastore, acabbare de fàere su pastore Sinònimos e contràrios | ctr. pastoricare Frases ocannu mi che ispastórigo! ◊ sa chida innantis tiu Pedrumicheli aiat ispastorigadu Ètimu srd.