A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

istelalzàre , vrb Definizione bogare su tessíngiu de su telàrgiu Etimo srd.

istelàre , vrb: istellare 2 Definizione andhare a istesiadura de unu logu Sinonimi e contrari allalgare, astesiai, issuzire, istegiare, istesare, istesire | ctr. acoltziare, acostai Frasi sas berbeghes si che sunt isteladas, paschindhe: ndhe cherent acurtziadas! ◊ si che ant picadu totu e si che sunt istellados ◊ sa zente saludeit e comintzeit a istelare Etimo srd.

istelebràtu , agt Definizione nau de ccn., chi est isciorbedhau, chentza cunsideru, pagu sàbiu Frasi cussos istelebratos fint chene sentessu e ne rispetu pro sos mezores.

istelesàda , nf Definizione su istelesare 2. s'àghera de su sero fit fachèndhesi intèndhere a istelesadas de friscu e de úmidu (G.Piga) Etimo srd.

istelesàre , vrb Definizione comenciare a fàere calecuna cosa, mescamente pentzau coment'e cosa chi s'isterret, chi durat Sinonimi e contrari irfocare, sciogai Frasi sos fizos, biendhe su babbu pustis de tantu tempus e intendhendhe sa mama pranghendhe, si fint istelesaos issos puru a prànghere.

istelésu , nm Definizione istérria manna, logu mannu e largu meda, nau fintzes de àteru (es. contos, chistionos) Sinonimi e contrari istérria Frasi su monte est un'istelesu de contos, de maghias e credéntzias (G.Piga) Etimo srd.

istelevràre , vrb Definizione istare pentzandho e torrandho a pentzare a sa cosa chentza arrennèscere a cumprèndhere o lòmpere a un'arresurtau Sinonimi e contrari immaginai, immelmedhare, istorronare, penciai, scimingiai Frasi no t'istelevres, tantu dai su meu no mi bogas! ◊ comintzeit a istelevrare cun atentzione subra de sa natura de cussu cristianu (M.Bua)◊ candho est ammurrionadu m'istelevro deo pro cuntentare a isse! Etimo spn. descerebrar Traduzioni Francese se creuser la cervelle Inglese to rack one's brain Spagnolo comerse el coco Italiano lambiccarsi il cervèllo Tedesco sich den Kopf zerbrechen.

istelévru , nm Sinonimi e contrari ifraschédhiu, scimíngiu Frasi sa de su catolaju est un'arte de istelevru (P.Casu)◊ comintzei a bisare sonnos dendhe bolu a chentu istelevros (M.Bua)◊ no ischiat si crere a cudhu contu o lu leare pro istelevru de unu betzu rembambidu Etimo srd. Traduzioni Francese action de se creuser la cervelle Inglese licking Spagnolo comedura de coco Italiano lambiccaménto Tedesco Kopfzerbrechen.

istéli , nm Definizione erba ’e dentis, de arrúngia, de cirras: genia de erba chi abbruxat bona fintzes po alluare, po tínghere de bleu Sinonimi e contrari arizaru, ispéliu Terminologia scientifica rba, Plumbago europaea Etimo ctl. estel.

istelistéli , avb Definizione andhare i. = irbelirbeli, chentza ischire mancu a ue Etimo srd.

istèlla , nf, agt Definizione brebè o baca (ma fintzes totu sa chedha) chi dhi ant mortu, leau o chi at pérdidu su fedu, baca aurrada, iderriada Sinonimi e contrari argasa, irdella Frasi si marcant sas istellas a tinta ruja pro las connòschere menzus candho s'immandrant a múrghere ◊ sas istellas faghent su madrigadu ◊ in sa robba istella bi est su mere, in sa laghinza su teracu Terminologia scientifica pst Etimo ltn. sterila.

istèlla 1 iltèlla

istellàda , nf Definizione su istellare Sinonimi e contrari istelladura Frasi sas berbeghes istant totu a mélios a s'istellada ca lis mancat s'anzone Etimo srd.

istelladúra , nf Definizione su istellare Sinonimi e contrari istellada Frasi carchi fiadu no si fit resinnadu a s'istelladura e fit a bélidas sighidas Etimo srd.

istellàre , vrb Definizione bochíere is angiones chi no si depent pesare e deasi múrghere totu su late de is mamas Sinonimi e contrari argasare, erriai, stagiai / sderriai, zerriai Frasi a sas baranta dies dae sa nàschida, sos crapitos benint istellaos, lassandhe bibos solu sos de pesare ◊ timiat chi sa gherra l'istellaiat s'úrtimu anzone, s'únicu fizu chi aiat ◊ daghi istellaiat totu sa robba, nonnu bendhiat peri chimbighentos anzones Terminologia scientifica pst Etimo srd.

istellàre 1 istallàre 1

istellàre 2 istelàre

istellítu , nm Definizione genia de istedhu impreau in iscritura po sinnalare calecuna cosa Etimo srd. Traduzioni Francese astérisque Inglese asterisk Spagnolo asterisco Italiano asterisco Tedesco Sternchen.

istellóntzu , nm Definizione su istellare, su leare a is brebès is angiones de pangare e su dhos pangare puru Sinonimi e contrari irderriadura Etimo srd.

isteltzàre , vrb Definizione de is pigionatzos chi torrant a essire de sa cotzina apustis segada una mata, segare totu cussos chi no si depent lassare po torrare a fàere a mata Sinonimi e contrari illascare.