A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

limbicàe, limbicài, limbicàre lambicài

limbicàta limbicàda

limbichèche , agt, nm: limbichiche, limbichichi, limbighichi, limmicici, limmitzitzi Definizione chi o chie achichat foedhandho Sinonimi e contrari achichiadore, chéchinu, limbichéchinu, limbicóchinu, limbidentu, limbilentu / cdh. intaltadhatu Etimo srd. Traduzioni Francese bègue Inglese stammering, stammerer Spagnolo tartamudo Italiano balbuziènte Tedesco stotternd, Stotterer.

limbichéchinu , agt: limbichíchinu Sinonimi e contrari limbicheche Etimo srd.

limbichéri , nm Definizione persona pràtiga de limbicos, mescamente chie faet abbardente Sinonimi e contrari abbardenteri Etimo srd.

limbichíche, limbichíchi limbichèche

limbichíchinu limbichéchinu

limbichícu , nm Sinonimi e contrari limbicheche.

limbichístu , nm Definizione persona pràtiga de limbicos, mescamente chie faet abbardente Sinonimi e contrari abbardenteri, limbicheri.

limbicóchinu , agt Sinonimi e contrari limbicheche, limbichéchinu Frasi imbreacu, est in chirca de faedhare ma che unu limbicóchinu ◊ pario limbicóchina faedhandhe! Etimo srd.

limbícu lambícu

límbide líbide

limbidéntu , agt, nm Definizione chi o chie portat sa limba coment'e tenta, acapiada, limbibresu, no che podet bogare su foedhu, foedhat cun dificurtade Sinonimi e contrari achichiadore, limbicheche, limbitróchinu, trabecu / cdh. linghitentu Frasi est limbidentu e faedhendhe s'imbrabbúlliat Etimo srd.

limbidúlche, limbidúrche , agt, nm: linguauci Definizione chi o chie tenet una genia de difetu de su foedhóngiu, mescamente chie pronúnciat sa /s/ coment'e a frúschiu, faet unu sonu po un'àteru Etimo srd. Traduzioni Francese blèse Inglese lisping Spagnolo ceceante Italiano blèso Tedesco lispelnd.

limbighíchi limbichèche

limbiléntu , agt, nm Definizione chi o chie achicat foedhandho Sinonimi e contrari achichiadore, limbichéchinu, limbicóchinu, limbidentu Etimo srd.

limbilóngu , agt, nm Definizione chi o chie acostumat a foedhare meda e pruschetotu male, chentza de arrespetu, fintzes candho est méngius a citire Sinonimi e contrari bauladori, bucaleri, buchimórdiu, limbacutzu, limbimannu, limbudu / cdh. linghilongu Terminologia scientifica ntl Etimo srd. Traduzioni Francese bavard, potinier Inglese chatty Spagnolo lengüilargo Italiano linguacciuto Tedesco klatschhaft, Klatschbase.

limbimàlu , agt, nm: linguamala Definizione limba mala, chi o chi foedhat male de is àteros naendho cosas chi no funt Sinonimi e contrari abbruxaderi, afusadore, afuseri, arrebbocadu, buchimórdiu, mintapare, missimpari / cdh. lingamala Frasi menzus chi istes mudu, limbimalu! Terminologia scientifica ntl Etimo srd. Traduzioni Francese mauvaise langue Inglese slanderer Spagnolo mala lengua Italiano linguàccia Tedesco Lästermaul, Lästerzunge.

limbimànnu , agt Sinonimi e contrari bauladori, limbacutzu, limbilongu, limbudu Etimo srd.

limbipíca, limbipícu , agt, nm Definizione chi o chie achicat Sinonimi e contrari achichiadore, limbicheche, limbidentu, limbitróchinu Frasi tiu Giuanne fit limbipicu dai un'assuconu leadu in gherra Etimo srd.