A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

óperu , nm Definizione su operare Sinonimi e contrari operassione Etimo srd.

opía , nf Definizione istrégiu piticu de ortigu po umprire abba a bufare in is funtanas, fintzes ortigu mannu cofudu po pònnere cosa a papare po medas, in su sartu Sinonimi e contrari conchedha 1, gupu, obria, trobia, upada, umpridorzu, upu / bagione 2. sa petza arrustia, tirada de su schidoni, dha poniant in is opias de ortigu po is tundidoris Terminologia scientifica stz Etimo srd. Traduzioni Francese puisette Inglese pail Spagnolo recipiente para beber en las fuentes Italiano attingitóio Tedesco Schöpfgefäß.

opiài, opiàre , vrb Definizione giare su drommitiolu (òpus) Sinonimi e contrari addrommentare, addromitiolare.

opiàre 1 obiài

ópica, ópiche, ópicu óbiga

opighédhu obighédhu

opiladúra , nf Definizione su opilare, su tupare unu cundhutu cun sa cosa etotu chi dhue colat Sinonimi e contrari arribbidura, opilonzu, tupamentu Etimo srd.

opilàre , vrb Sinonimi e contrari arribbiri, intusciai, tapai | ctr. istupare.

opilónzu , nm Definizione tupadura de cundhutu o cosas deasi, fintzes de istentinas Sinonimi e contrari arribbimentu, intusciadura, opiladura, tupadura Etimo srd.

opiniòne, opiniòni , nf Definizione su chi unu pentzat de calecuna cosa o chistione Sinonimi e contrari idea, pàrrere.

opinniòni apiniòni

opínu obínu

opiólu , nm: upiolu* Definizione istregighedhu de ortigu de unos duos litros.

opitàre , vrb Sinonimi e contrari imperai, impitare, impleai, omperae Frasi at acatatu bàtoro lamas de cudhas chi opitant sos pastores pro su late Etimo srd.

opítu , nm Definizione min. de ópiu.

ópiu , nm Definizione umpedhu piticu / min. opitu Sinonimi e contrari opiolu Terminologia scientifica stz.

oponiméntu , nm Definizione su si apònnere, su andhare contras a calecuna cosa o a ccn. Sinonimi e contrari opositzione Etimo srd.

opòniri, opònnere , vrb: apònnere* Definizione pònnere o andhare contras a calecuna cosa, contr'a ccn. Frasi si oponiant e no ndi boliant nimmancu s'inténdida.

oportúnu , agt Definizione chi bi bolet, chi dhue andhat bene.

opositziòne, opositziòni , nf Definizione su si apònnere, su andhare contras a calecuna cosa o a ccn.; nau de partios, is chi funt de ideas, propostas o programmas contràrios a (o diversos de) cussos de su guvernu o de chie est amministrandho Sinonimi e contrari oponimentu.