A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

omonimía , nf Definizione su èssere duos de númene oguale.

omónimu , agt Definizione chi portat o tenet su matessi númene de un'àteru.

omperàe , vrb: imperai*, operae, umperai Sinonimi e contrari imperai, impidare, manigiai Frasi a tréixi annos ia imparau a ispaxae cun su truputu e peri a omperae sa pala po seberae su ranu puliu (G.Comida)◊ candho no nce fut sa màchina si operàt su carru cun is orrodas de ferru.

ompríre , vrb Definizione semenare, prènnere una terra a laore.

omumía! ojamomía!

ónchinu , agt Sinonimi e contrari acancarronau, ganciudu, unchinadu | ctr. daretu, ténneru.

ònco , iscl Definizione foedhu chi tenet unu pagu su significau de ancu, po augurare o disigiare male a ccn., ma fintzes de ite mi siat…, arratza de… Sinonimi e contrari anchi Frasi onco sias!… 2. onco tribàgliu su tuo!…

oncrolàju, oncrollàriu ocrolàju

òndra , nf: onra Definizione cosa chi si faet o si narat de bonu de unu, coment'e a bàntidu Sinonimi e contrari ondramentu, onore | ctr. desonra Frasi a sos píscamos prego ondras divinas, a sos cumpagnos piús altu gradu (P.Casu)◊ custa pubblicatzione at a dare unu pagu de ondra e de valore a s'ómine chi at chérfidu bene meda a sa Sardigna ◊ mi ant nadu chi as cantadu una moda in ondra mia Etimo spn. Traduzioni Francese honneur, vanterie Inglese honour, pride Spagnolo honra Italiano onóre, vanto, orgóglio Tedesco Ehre, Verdienst, Stolz.

ondràdu , pps, agt: ondrau Definizione de ondrare / gei ses ondrau!… = za ses acontzu!, pagu istrossa ses!… 2. est totu ondrada de ortos, binzas e campos de laores Cognomi e Proverbi smb: Ondradu.

ondrài , vrb: ondrare Definizione fàere onore; pònnere oraria po bellesa, fàere bellu Sinonimi e contrari onorai / imbellire, mudai Etimo spn. honrar.

ondraméntu , nm Sinonimi e contrari ondra Frasi ondramentu ’e sa domo est su brasciolu, est un'innu sagru s'anninnia (Piras) Etimo srd. Traduzioni Francese ornementation, ornement Inglese ornament Spagnolo adorno, ornamento Italiano ornaménto Tedesco Verzierung, Ornament.

ondràre ondrài

ondràu ondràdu

onéltu , agt, nm: onestu Definizione chi o chie faet su giustu, no ofendhet, no portat ingannia, no furat, faet su bene Sinonimi e contrari bonu, létzitu | ctr. disonestu, malafatore, malu Frasi s'ómini onestu, sentza de malítzia, assimbillat a su giustu fendi a ogu puru! (Urru)◊ abbarrent artos sos òcios límpios e si peset arta sa voche onesta! ◊ làssala a mama sentza fentomada ca fit onesta, sàbia e grasciosa! (Gv.Piredda)◊ cussu est ómine zustu, de richesa rara de valores onestos 2. fàchelos allegare in sardu, vonos e malos, chin neche e chentza neche, sos onestos e sos disonestos! Traduzioni Francese honnête Inglese honest Spagnolo honesto Italiano onèsto Tedesco ehrlich, aufrichtig, anständig.

onestàde, onestàdi , nf Definizione su èssere onestos, su no portare ingannia e ne fàere male Sinonimi e contrari onestesa | ctr. disonestade, ingannia Frasi su chi de s'onestade est veru amigu, mancari chi tribàgliet, no irrichit ◊ su chi bramo a totu: onestade! ◊ fai chi bivat solu s’onestadi: Maria santa, donasí una manu! (Danese)◊ si no dhue at decoro e onestade, in sa Terra no che at felicidade! Traduzioni Francese honnêteté, droiture Inglese honesty, rectitude Spagnolo honestidad, rectitude Italiano onestà, rettitùdine Tedesco Ehrlichkeit, Anständigkeit, Rechtschaffenheit.

onestamènte, onestamènti , avb Definizione in manera onesta, chentza ingannu, chentza fàere male.

onestèsa , nf Definizione su èssere onestos Sinonimi e contrari litzitesa, onestade | ctr. ingannia Frasi làmpana virtuosa, sempre atzesa, est pro s'umanidade s'onestesa (Cubeddu)◊ sa peràula de Deus est un'iscola de sapiéntzia e onestesa Etimo srd.

onéstu onéltu

ongàzu , nm: angazu* Definizione nodu chi si faet in su filu de sa madassa, fintzes de aciunghidura Sinonimi e contrari ingalzu, nodu.