A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

olluséu ogiuséu

ollustínci olgiustíncinu

olmína, olmínu , nf, nm: ilmina, olminu, ormina, urmina Definizione s'arrastu chi abbarrat in terra coment'e singiale chi at passau gente o animales, o fintzes cosa chi orruet a terra comente si andhat o si passat; s'arrancu chi lassat su lèpere comente passat / andhare a ormina = andendi e lassendi arrestallus, andendi e perdendi sa cosa chi si portat Sinonimi e contrari addromu, apeicu, arrasta, arrestallu, frata, iltiga, peada, peita, peuta, trata Frasi s'abe e sa mariposa ant sighidu onzuna s'olminu sou ◊ l'ant connotu a s'ormina chie fit su chi est intradu a furare Etimo srd. Traduzioni Francese trace Inglese track, trail, footprint Spagnolo huella Italiano órma Tedesco Spur.

olobràre , vrb Sinonimi e contrari acansare, arrecabai, lobrare, lograi*, otènnere Frasi potedas olobrare sa fortuna, chin fortuna logredas sos disizos! (M.Z.Funedda)◊ potas olobrare sa glória!

olocàsu , nm Definizione genia de erba linnosa e fragosa Sinonimi e contrari alacasu, bronzedhu, calacasu, cocici, locasu*, mummueu, ossassi.

oloidúra , nf Definizione su oloire, su tènnere contu, atèndhere a ccn. (o fintzes animales e cosas) Sinonimi e contrari atendéncia, contibízu, incuru, oloimentu, reminu | ctr. irbandhonu, trascura Etimo srd.

oloiméntu , nm Definizione su oloire; su papare, cosa a papare Sinonimi e contrari oloidura / addescu, musúngiu, pravendha 2. ci no fut cun oloimentu, sa mortalla de is animalis de fàmini fut sigura candu no nci fut pàsculu Etimo srd.

oloíre, oloíri , vrb Definizione contivigiare cun coidu, atèndhere cun incuru (gente, animales, cosas prantadas); arregòllere, acabidare cosa (e chistire), pònnere impare Sinonimi e contrari achistiri, contifizare / acabidae, arragolli | ctr. irbandhonare, lassai Frasi totu est onestamente tribagliadu e oloidu cun tantu suore ◊ càstia comenti oloit bèni s'ortu, Luisa! (P.Pillonca)◊ oloi su pipiu! (P.La Croce) 2. oloinne totu cussu proine de sa serra!

olomía , nf Definizione su si dha tirare de amore e de acórdiu Sinonimi e contrari cuncórdia, unione.

olòne , nm Definizione su fogolone chi faent po sa festa de sant'Antoni Frasi unu cantzu de ramasinu e de carvone de su olone allontanat su focu dae sa domo.

olòre, olòri , nm Definizione su fragu bellu chi andhat a sa cosa Sinonimi e contrari fiacu 1, nuscu Frasi intendhide s'olore de custu binu! 2. su cristianu podit donai bonu olori de virtudis cristianas Etimo spn. olor Traduzioni Francese fragrance Inglese aroma Spagnolo fragancia Italiano fragranza Tedesco Wohlgeruch, Duft.

olorósu , agt Definizione chi portat olore, chi dhi andhat fragu bellu Sinonimi e contrari fragadinu, nuscosu Frasi su bàlsamu est olorosu Etimo srd. Traduzioni Francese parfumé Inglese perfumed Spagnolo fragante Italiano fragrante Tedesco wohlriechend, duftend.

olórtzigu , agt, nm: olótzigu Sinonimi e contrari alibridu, spedhiosu / abbramidu, asuriosu Frasi mancu sos olótzigos e gulosos ndhe ant assazadu de cussos drutzis!◊ cussa est una pitzinna olórtziga ma no dhu faet a bíere.

olósti, olóstiche, olóstiu, olóstri, olóstrighe, olóstriu, olóstru , nm: bolostru, colóstiu, cóstiu, golosti* Definizione genia de linna chi faet a mata fintzes manna, corgiolu birde, fògia ispinosa in is oros (in is cambos prus bàscios o candho est a prantone piticu) e frutighedhu a pibionedhu tundhu, orrúbiu: faet in montes unu pagu artos Sinonimi e contrari arangiubburdu, banatuli, elatori, lauspinosu, oióstiri Terminologia scientifica mtr, Ilex aquifolium Traduzioni Francese houx Inglese holly Spagnolo acebo Italiano agrifòglio Tedesco Stechpalme.

olótzigu olórtzigu

oltalíscia, oltalítzia , nf: ortalícia, ortalíscia, ortalíssia, ortalítzia, ortobítzia Definizione totu is cosas chi si prantant in is ortos, is birduras, e fintzes is ortos etotu Sinonimi e contrari ebràgiu, fogimenta, ortulàmini / cdh. ultalítzia Modi di dire csn: pònnere ortalíscia = prantai cosas de ortu; ordinare sas ortalíscias = surcare sos ortos pro los prenare; furchitare, binnennare ortalíscia = arraigare, collire cosa de ortu Frasi si tzapat s'ortu e si prantat s'ortalíssia ◊ s'ortu est totu piantadu a oltalíscia ◊ issa bendhiat tota s'ortalíscia 2. sa pantuma de is ortalíssias naràt "Candu furia biu andau infatu de is errius!" Etimo ctl., spn. hortalissa Traduzioni Francese légumes, horticulture Inglese vegetables, horticulture Spagnolo hortaliza, horticultura Italiano ortàggi, verdure, orticoltura Tedesco Gemüse, Gartenbau.

oltédhu , nm: ortedhu 1 Definizione min. de oltu, ortu piticu Sinonimi e contrari ortighedhu 2, ortitu Frasi che teniat su tzapitu in s'ortedhu arrambadu in s'oru de sa zaga.

oltétzu , nm: inteltzu Definizione genia de linna chi faet a cannàile longu longu e fine e si che artzat a pitzu de is matas Sinonimi e contrari atzara, auciada, bidichinzu, bilichinzu, elighinzu, ertessu, filichinzu, inteltzu*, lutzara, medichinzu Terminologia scientifica mt, Clematis vitalba.

oltigàtzu , agt Sinonimi e contrari balzu, beltigadu, pertiatu Etimo srd.

oltígiu , nm: oltixu, orteghe, ortighe, orticu, ortigu, ortiju, ortíulu, ortrigu, ostixu, ostricu, otighe, ultígiu Definizione su de duos corgiolos de su suérgiu, lébiu e bonu po isolantes, tapos e àteru / fundhu de ostricu = mata de suérgiu; ortigu mascu = berdone Sinonimi e contrari boltígulu, boltiju, corticru*, forticru, urtiche, vrustica Modi di dire csn: bogare o. = iscroxai su suérgiu, pigaindi s'ortigu fatu; o. predosu = calidadi grai e pabedhosu asuta; èssere de o. (nadu de ccn.)= no sentire nudha, èssere chentza sentidu pro peruna cosa; èssere a cara de o. = isfacius, sentza de bregúngia nudha; asciutu che o. (nau de cosas de papai)= assutu che linna, sentza de àcua nudha Frasi Antoni fortzas de ostricu chin su nare che funtana! ◊ pasteras de ostixu ◊ sos poetas sunt mudos che suerzu, ca àteros si bendhent su ortiju…◊ tui ses corriatzu coment'e s'ortigu! ◊ bollu unu bistiri de ortigu cun s'arruscu interu Terminologia scientifica rbr Traduzioni Francese liège femelle Inglese cork Spagnolo corcho Italiano sùghero Tedesco Kork.