scursúra schissúra
scurtài , vrb: isciurtare* Definizione giare atentzione, parare s'origa a su chi s'intendhet a bíere it'est cun precisione Sinonimi e contrari acustare, aiscultare.
scúrtu , nm: ascurtu*, iscurtu Definizione su scurtai Sinonimi e contrari ascurtamentu, auditu, iscoca Frasi sa processioni de su scurtu.
scúrtu 1 , agt Definizione chi est a brodu.
scurtzadúra , nf Definizione su scurtzai Etimo srd.
scurtzài scruciài
scurtzòni scruciòni
scúrtzu scrúciu
scúru , nm: iscuru* Definizione farta manna de lughe, su no dhue àere lughe; in cobertantza, su no ischire Sinonimi e contrari bujore, iscoriu, niedhore Cognomi e Proverbi smb: Scuru.
scurúmu , agt Definizione nau de ccn., chi est totu male postu de bestimentu, chi portat bestimentu, mancari fintzes límpiu, ma metzanu o pòberu meda Sinonimi e contrari aciarollau, isconfusu, iscumiau, zàule Frasi gei est pagu scurumu, cussu, de bestimenta!…
scúsa , nf: iscúgia*, scusi Definizione arrexones o contos chi unu cricat po no fàere su dovere, tanti po no nàrrere chi no ndhe tenet (o no ndh'at tentu) gana o fintzes tanti de giare un'arresposta mancari no a tonu Sinonimi e contrari abbétia, arraghèscia, filistocu, iscóticu, istibba, mendhea Frasi chi dhu scit chi candu fuedhais aici, inglesu dhi naras, tui, no nci scapit canc'unu fuedhu mau puru, cun sa scusa ca est inglesu?!
scusài , vrb: iscugiare* Definizione dimandhare o pedire iscusa, cricare de si fàere perdonare calecuna cosa male fata, fintzes acetare s'iscusa de s'àteru Sinonimi e contrari cumpadèssere, discusai Frasi totus iant tentu de si scusai.
scuscentziàu , agt: iscuscensciadu* Definizione
chi portat una cusciéntzia fata a sa grussera, chi faet male chentza sentire nudha in sa cusciéntzia, chi no sentit su pesu de su chi faet
Sinonimi e contrari
iscussentidu,
isogradu
/
indilichidu,
malafatore,
malu
| ctr.
onestu
Frasi
cussa est genti scuscentziada
Traduzioni
Francese
irresponsable
Inglese
irresponsible
Spagnolo
irresponsable,
insensato
Italiano
irresponsàbile
Tedesco
unverantwortlich.
scusciàda , nf Definizione su scusciai, fintzes iscrammentu, letzione de si ndhe ammentare 2. cussus pedhuris arestis de Orroli dhis iant donau una scusciada de depi pigai isprioru!
scusciài, scusciàri , vrb: iscussare*, scussai Definizione giare educatzione, fàere abbituare a calecuna cosa, fintzas giare avertimentu, ammeletzare Sinonimi e contrari annestrare / ammonestai, apretzetai Frasi su babbu dhu mandàt a su bestiàmini po dhu scussai e abbituai a sa campagna 2. dh'ant scusciau prus de una borta: acabbat chi nd'ingollit una surra! (G.Mura).
scusetài , vrb: iscusietare* Definizione foedhare a s'iscúsiu Sinonimi e contrari ascugiare, cuscujinare, frofroai, iscusiare.
scúsi scúsa
scúsi 1 , avb: iscúgia* 1 Definizione a s. = manera de foedhare a boghe bàscia de no s'intèndhere si no si foedhat in s'origa; a cua, chentza chi dhu potzat bíere e ne intèndhere àtere 2. nd'iat fuedhau a is sorris àteras bortas, a sa scusi: mai cun sa mamma.
scusórgiu scasórgiu