studúgu , nm Sinonimi e contrari abbatúliu, abbolotu, baraundha, sciumbullu, trambullu / afuta, arrennegu, cardedha, gormone, stacu Etimo srd.
stufài , vrb: istufai* Definizione pònnere a còere in s'istufa; nau in cobertantza, orròschere, coloviare.
stufíglia , nf Definizione fogonitu po caentare is peis Etimo spn. estufilla.
stufonài , vrb: stuvionai Definizione fàere a stuvioni, buidu, tuvudu, istampau; fintzes forrogare coment'e istuvonandho Sinonimi e contrari indevucare, istuvucare, tuvucare / istampai, istuvare, istuvonare, stuviolai Frasi sa pértia de su samucu est nuosa, tuvura, a muedhu modhi e grussu, fàcili a dha stuvionai 2. non stuvionis su niu de is espis! Etimo srd.
stugiadòri , nm Definizione chi o chie costumat a istugiare, a chistire sa cosa Etimo srd.
stugiài , vrb: istugiai* Definizione pònnere in calecunu istúgiu, nau in su sensu de chistire, pònnere a parte, badrare Sinonimi e contrari abbuare, aclisare, acuae, allogae, apaltare, coltoire, cuerrai, frànghere, intuzare, istichire Frasi lassa una pariga de durcis e stugiasidhus a fradi tú! ◊ custu binu mi dhu stúgiu po s'ierru ◊ Leonora, stràvia, stúgia, campadí! ◊ is piscadoris de su stani stugiànt is arretzas e is nassas in custas grutas de Tuvixedhu ◊ chi no fessit po cussa pariga de iscudus chi teniu dèu stugiaus, t'iant agatau sterrionau in su muntronaxu!
stúgiu , nm: iltuzu* Definizione prus che àteru, istergighedhu piticu po chistire cosas piticas (ma a logos dhu narant fintzes po acorru o aprigu ue si ponet su mannale, su cane)/ genias de istúgiu: de agos, de agúgias, de pinnas, de capedhos, de cullieras, de pètenes; s. de calagasu = zenia de imbóligu cun sa cria de su seisei intro (itl. crisàlide); s. de su tostoinu = su corzu Cognomi e Proverbi smb: Stuggiu.
stúla stúa
stuladòri , nm, nf Definizione chie ndhe arregollet a ispiga a ispiga su laore orrutu a terra, lassau agoa in su messóngiu, apustis seidau Sinonimi e contrari ispicadore, ispigadrixi Frasi comenti faiat sa stuladori, issu acullit is fuedhus! Etimo srd.
stulài stuài 1
stumbaciàda , nf Sinonimi e contrari atapada, atzapulada.
stumbaciàe , vrb Sinonimi e contrari aciapuai, atumbae istumbai.
stumbàda , nf;: istumbada*, stumbara Definizione su stumbai, atumbada apitzu de o contras a calecuna cosa Sinonimi e contrari atumbada, atzapulada Frasi si no si movit, cussa màchina firma in su semàfuru, dhi dongu una stumbada!
stumbadúra , nf Definizione su stumbai, atumbada apitzu de o contras a calecuna cosa Sinonimi e contrari atumbada, atzapulada, istumbada Frasi una stumbadura dhi at arrogau sa màchina ma issu no si at fatu nudha Etimo srd.
stumbài , vrb: istumbai* Definizione fèrrere o iscúdere a calecunu logu o apare; si narat fintzes po istorrare, cambiare idea, e fintzes po istagiare, seberare, pigare una chedha de su tàgiu, una parte de unu totu Sinonimi e contrari atumbae, corpare, fèrrere, intumbare Frasi currendi cun sa màchina est arrennésciu a no stumbai ◊ candu dhu bint cun su bastoni, totus currint stumbendusí e arruendi ◊ su piciochedhu portat su coru sartendi e stumbendi contras a su petus, timendi.
stumbaméntu , nm Definizione su stumbai, cropu chi si giaet atumbandho forte a calecunu logu o cosa Sinonimi e contrari atapada, atumbada, stumbada, tumbada Frasi tocat a donai atentzioni ca in sa corrunada nd'istupat sempri calincun'àtera màchina, ca no bollu stumbamentus Etimo srd.
stumbàra stumbàda
stumbiài , vrb Sinonimi e contrari istantonai, tambulare, tontonae Frasi dhi apu donau una spinta e nc'est fertu a sa fentana e stumbiendu ancora mi at castiau cun tírria, ma mi seu fuia.
stumbistúmbi , avb Sinonimi e contrari atapatapa, feriveri, fertulavértula, veliveli Frasi a tzérrius, si ponit a cúrriri stumbistumbi in mesu de su padenti Etimo srd.
stúmbu , nm Definizione su stumbai; cropu, su atumbare una cosa cun àtera; parte de unu tàgiu, chedha; fura de bestiàmene a fortza o cun trassa / comporai a s. = chentza fàghere a séberu, lendhe una parte ma chentza seberare 2. in su stumbu intra duus piciochedhus, unu si fut isconcau (G.Mura) 3. oi ammexinaus custu stumbu: cras totu is àteras brebeis Etimo srd.