studúgu , nm Sinònimos e contràrios abbatúliu, abbolotu, baraundha, sciumbullu, trambullu / afuta, arrennegu, cardedha, gormone, stacu Ètimu srd.
stufài , vrb: istufai* Definitzione pònnere a còere in s'istufa; nau in cobertantza, orròschere, coloviare.
stufíglia , nf Definitzione fogonitu po caentare is peis Ètimu spn. estufilla.
stufonài , vrb: stuvionai Definitzione fàere a stuvioni, buidu, tuvudu, istampau; fintzes forrogare coment'e istuvonandho Sinònimos e contràrios indevucare, istuvucare, tuvucare / istampai, istuvare, istuvonare, stuviolai Frases sa pértia de su samucu est nuosa, tuvura, a muedhu modhi e grussu, fàcili a dha stuvionai 2. non stuvionis su niu de is espis! Ètimu srd.
stugiadòri , nm Definitzione chi o chie costumat a istugiare, a chistire sa cosa Ètimu srd.
stugiài , vrb: istugiai* Definitzione pònnere in calecunu istúgiu, nau in su sensu de chistire, pònnere a parte, badrare Sinònimos e contràrios abbuare, aclisare, acuae, allogae, apaltare, coltoire, cuerrai, frànghere, intuzare, istichire Frases lassa una pariga de durcis e stugiasidhus a fradi tú! ◊ custu binu mi dhu stúgiu po s'ierru ◊ Leonora, stràvia, stúgia, campadí! ◊ is piscadoris de su stani stugiànt is arretzas e is nassas in custas grutas de Tuvixedhu ◊ chi no fessit po cussa pariga de iscudus chi teniu dèu stugiaus, t'iant agatau sterrionau in su muntronaxu!
stúgiu , nm: iltuzu* Definitzione prus che àteru, istergighedhu piticu po chistire cosas piticas (ma a logos dhu narant fintzes po acorru o aprigu ue si ponet su mannale, su cane)/ genias de istúgiu: de agos, de agúgias, de pinnas, de capedhos, de cullieras, de pètenes; s. de calagasu = zenia de imbóligu cun sa cria de su seisei intro (itl. crisàlide); s. de su tostoinu = su corzu Sambenados e Provèrbios smb: Stuggiu.
stúla stúa
stuladòri , nm, nf Definitzione chie ndhe arregollet a ispiga a ispiga su laore orrutu a terra, lassau agoa in su messóngiu, apustis seidau Sinònimos e contràrios ispicadore, ispigadrixi Frases comenti faiat sa stuladori, issu acullit is fuedhus! Ètimu srd.
stulài stuài 1
stumbaciàda , nf Sinònimos e contràrios atapada, atzapulada.
stumbaciàe , vrb Sinònimos e contràrios aciapuai, atumbae istumbai.
stumbàda , nf;: istumbada*, stumbara Definitzione su stumbai, atumbada apitzu de o contras a calecuna cosa Sinònimos e contràrios atumbada, atzapulada Frases si no si movit, cussa màchina firma in su semàfuru, dhi dongu una stumbada!
stumbadúra , nf Definitzione su stumbai, atumbada apitzu de o contras a calecuna cosa Sinònimos e contràrios atumbada, atzapulada, istumbada Frases una stumbadura dhi at arrogau sa màchina ma issu no si at fatu nudha Ètimu srd.
stumbài , vrb: istumbai* Definitzione fèrrere o iscúdere a calecunu logu o apare; si narat fintzes po istorrare, cambiare idea, e fintzes po istagiare, seberare, pigare una chedha de su tàgiu, una parte de unu totu Sinònimos e contràrios atumbae, corpare, fèrrere, intumbare Frases currendi cun sa màchina est arrennésciu a no stumbai ◊ candu dhu bint cun su bastoni, totus currint stumbendusí e arruendi ◊ su piciochedhu portat su coru sartendi e stumbendi contras a su petus, timendi.
stumbaméntu , nm Definitzione su stumbai, cropu chi si giaet atumbandho forte a calecunu logu o cosa Sinònimos e contràrios atapada, atumbada, stumbada, tumbada Frases tocat a donai atentzioni ca in sa corrunada nd'istupat sempri calincun'àtera màchina, ca no bollu stumbamentus Ètimu srd.
stumbàra stumbàda
stumbiài , vrb Sinònimos e contràrios istantonai, tambulare, tontonae Frases dhi apu donau una spinta e nc'est fertu a sa fentana e stumbiendu ancora mi at castiau cun tírria, ma mi seu fuia.
stumbistúmbi , avb Sinònimos e contràrios atapatapa, feriveri, fertulavértula, veliveli Frases a tzérrius, si ponit a cúrriri stumbistumbi in mesu de su padenti Ètimu srd.
stúmbu , nm Definitzione su stumbai; cropu, su atumbare una cosa cun àtera; parte de unu tàgiu, chedha; fura de bestiàmene a fortza o cun trassa / comporai a s. = chentza fàghere a séberu, lendhe una parte ma chentza seberare 2. in su stumbu intra duus piciochedhus, unu si fut isconcau (G.Mura) 3. oi ammexinaus custu stumbu: cras totu is àteras brebeis Ètimu srd.