tzirchiàre , vrb: tirchiare* Definizione sucutare, istidhigare abba, èssere isciustu meda de pèrdere s'abba a istídhigos / tzirchiatzírchia = isciustu colagola Sinonimi e contrari tilciulare, triciare.
tzirchinzàre , vrb Definizione istare a lamentu, fàere su chensciosu Sinonimi e contrari achesciare, lamentai Frasi sa pitzinna, comente at bisu su frade mannu intrandhe, est tzirchinzandhe po dha zúghere a sa festa Etimo srd.
tzirchinzósu , nm, agt Definizione chi o chie si chèsciat, chi istat sèmpere chesciandhosi Sinonimi e contrari achiguladu, memulosu, pibinosu, piciosu, surrungiosu, turunzosu Etimo srd.
tzircúitu , nm: circúitu* Definizione su tretu o camminu o giru chi si faet andhandho: prus che àteru su chi faet sa currente andhandho de su generadore a s'aparíciu chi dh'impreat e torrandho a su generadore etotu.
tzirculàre , agt, nf: circulare* Definizione chi est fatu a bisura de cricu; genia de lítera chi si faet girare po dha giare a connòschere a is dipendhentes, a is impiegaos de una matessi amministratzione.
tzírculu , nm: círculu* Definizione línia serrada, síngia fata a cricu, tundha; fintzes genia de tendha manna meda, a bisura de barracu tundhu, ue faent ispetàculu is gioghistos, cun logu a cicire sa gente totu a inghíriu orosoros e unu tretu tundhu in mesu.
tzírfa , nf Definizione gara, genia de abbétia inter duos o medas chi a borta a borta arrespondhent s'unu a sàteru / cantare a tzirfas = a trivas de pari, a bínchides, a chie podet rispòndhere prus cràdiu, in malas, a irmuju Frasi intesu apo a Pipia cantendhe a tzirfas cun su russignolu (P.Mereu).
tzíri , nm Definizione tziritu, cosa (abba o àteru deasi) chi calat a filighedhu pagu a bisura de càntaru Sinonimi e contrari tírulu Frasi su binu est essindho a tzirighedhu.
tziría , nf Definizione su crunculleu, puzone trinu, de turra, de palatu, puzone múrinu o murinatzu Sinonimi e contrari afuràrgiu, craculeu, crucúciu, fruferarzu, frufurinu, muntonarjari, pibischirra, trinedha Terminologia scientifica pzn, passer hispaniolensis Etimo srd.
tziribbèca tzilibbèca
tziribbecósu , agt Definizione chi bogat tziribbecos, chi totu dhi faet ischifu, mendheosu o arreghesciosu in su papare Etimo srd.
tziribbécu , nm Definizione genia de pretesa, de dificurtade chi unu agatat in su papare (coment'e faendhodhi crisu, ischifu), in su bestire, coment'est unu malu a cuntentare Sinonimi e contrari mendhea.
tziricàre , vrb: tzirigare Definizione tocare, cricare (in su sensu de giare istrobbu), forrogare, mòvere, su si mòvere Sinonimi e contrari busigare, forrogare, fritire, giaghinare, mòere, moricare, seghedhare, sinichiri, tocae, tunigare, tidhirire, tzintziricare Frasi so semper in pelea, tziricandhe sos ammentos galanos chi mi ant allutu su coro (F.Satta)◊ it'est custa chirca isprammada chi nos tzíricat su coro? ◊ baltat chi no mi tzírighes, su chi giuto in corpus at a èssere su tou ◊ no lu tzírighes, cussu, no: si li betat s'àstula de sos tios no ti faedhat prus! (G.Ruju)◊ mandhigaiat mura pro non tzirigare àteru ricatu 2. arguai chi ti tzírighes a logu perunu, mih, ca mi bisonzas! ◊ apusúdhadi cue e no ti tzírighes! ◊ e chie la tzírigat dae cue custa cosa goi pesosa?! 3. sas làcanas de su cumonale nostru tzírigant su terrinu de duas bidhas ◊ no apo ofesu s'onore tou e ne tzirigadu féminas ◊ no mi at tzirigadu mancu cun su pódhighe, no mi at fatu nudha ◊ su rellozu l'apo pagadu chentza mancu lu tzirigare dae butega ◊ cussu no lu tzírighes, ca est díligu che bua mala!
tzirichía tzichiría
tzirichínu , avb Definizione a tz. = tirchiatírchia, colagola Etimo srd.
tzíricu , nm Definizione su tziricare Sinonimi e contrari tzintziricu 1 Etimo srd.
tzíricu 1 , nm Definizione genia de male a s'istògomo, abbruxore po àrculu o àteru Terminologia scientifica mld.