Ditzionàriu in línia
de sa limba e de sa cultura sarda

annóu , nm: annuu, nú Definizione lobu istrintu de calecuna cosa (longa) cun is càbudos intraos a s’imbesse chi faet a acapiare; tretu prus grussu de calecuna cosa, coment'e chi siat fata a nodu Sinonimi e contrari nodu* Modi di dire csn: annou de su tzugu = is nuxis, sa nuge de su gúturu, grogòcia; annou de mata = zenia de nodu chi bi resurtat in sos truncos de àrbure comente sas naes che daent in mesu incarnadas; annou currente = zenia de prendhidura chi isorbet cun fatzilidade; erba de cent'annoos = erba istérria, una creze de erba totu nodos Frasi capassu ses a fai s'annuu a sa corbata? Traduzioni Francese nœud Inglese knot Spagnolo nudo, nuez de Adán Italiano nòdo, pómo d'Adamo Tedesco Knoten, Adamsapfel.

fiócu , nm: flocu, frocu Definizione prus che àteru tirighedha de orrobba chi si ponet po bellesa; pubusadedha o màtula de lana, de pilu, e fintzes de erba o pàgia, fintzes de nie; nau in cobertantza, chistione chi si cricat prus che àteru bogandho iscusas / min. fiochedhu 1, flochitu, frochedhu (custu si narat fintzes de su càgiu imbodhigau in istràciu po cagiare su late), frochixedhu Sinonimi e contrari chirriolu, filliocu, tira / cherrione / arraghèscia, iscóticu, istibbu 1, mendhea Modi di dire csn: bogai frocus = bogare mendheas, bogai arreghèscias; bòmberenche su frocu de s'ànima = catzàrendhe sos ogros, bombitare meda 2. est andhau a sa fentana po bíere chi dhue aiat gente ma si bidiant ebbia frocos de nie calandho de su chelu Terminologia scientifica ts Etimo ltn. floccus Traduzioni Francese nœud, flocon Inglese lock Spagnolo borla (f), moño Italiano fiòcco, biòccolo, batùffolo Tedesco Schleife, Flocke, Bausch.

giòbe , nm: ciopu 1, giobu, lobu Definizione giru, lobu de cosa (es., filu, fune, codriola) coment'e acapiandho a nodu istrintu o fintzes lenu chi potzat iscúrrere po cassare mescamente animales (ma si narat fintzes in cobertantza po gente); orrugu de sartitzu cun is cabos acapiaos impare; lóriga de cadena Sinonimi e contrari isciocu, lantu Modi di dire csn: giobu de càriga = filleri de càriga; parare su giobu = parai su latzu; giobitu de criadura = cosa chi si apicat in trugu a sa criadura pro no àere male Frasi upas caratzadas de pídigu parant sos giobes a sa libbertade ◊ a giobu mi l'ant tenta sa crabola (G.Fiori)◊ si che torresit a binza gàrrigu de giobos e comintzesit sa catza de sas puzones ◊ retzas, trobeas, giobos fuo, cantos ndhe preparas tue, trassista! 2. at mandhigadu unu giobu de saltitza ◊ est una cadenita totu a giobitedhos ◊ sa cadena est fata a tantos giobos intrados apare Etimo ltn. cop(u)lum Traduzioni Francese nœud coulant, lacet, anneau de chaîne Inglese skipknot, lace, link Spagnolo lazo, eslabón Italiano càppio, làccio, anèllo di catena Tedesco Schlinge, Kettenglied.

nódu , nm: nou, nudu Definizione incropada o lobu istrintu de cosa chi faet a acapiare (codriola, ligatzu, fune o àteru) fatu a manera de poderare impare cosas diferentes o medas; foedhandho de sa carena, genia de gurone, de cosighedha tundha chi si faet, coment'e unu giúmburu, o fintzes ingrussadura de is annoigadòrgios o in àteru css. tretu de sa carena (es. in s'ischina) o fintzes de erbas e linnas ue bogant àteru cambu; foedhandho de linnas segadas, mescamente sa linna de su cambu o nae chi ch'est arresurtada in mesu de su truncu o nae prus grussa comente at sighiu a ingrussare: arresurtat a istúturu, faet un'àngulu cun su truncu, e segundhu comente benit segada si paret unu tretu tundhu diferente / erba de chentu nodos = erbastérria (Polygonum aviculare), erba de centus nuus = survache (Equisetum palustre) Sinonimi e contrari annou, nú / nodule Modi di dire csn: zenias de nodu: afissu, sizidu o istrintu, lascu, mortu o acugurrau (chi no s'isorbet o malu a isòrbere), curréntile o currente (chi sucurret), biu (de si pòdere isòrbere comente si tirat unu cabu); èssere allorigadu che unu nodu moltu = fatu a unu gantzu, própiu a lóriga; n. in bula = maladia de no ingullire, dispiaghere mannu chi paret de zúghere cosa in bula, fintzas carchi cosa in contràriu chi no si cheret baliare, no si atzetat; su n. o figu de sa bula = itl. pómo di Adamo; n. de s'ischina = vèrtebra; nodos de sa manu, de sos pódhighes, us nudus de us didus = annugradorzos, nògias Frasi torro gràssias a Deu chi apo atzapau sos nodos isortos ◊ sa lana si est imbojada e fata a nodu ◊ prendhe a nodu mortu chi no s'isorbat!◊ unu marzane tentu a lobu cricaiat de si fuire, ma prus si moviat e prus su nou istringhiat ◊ si m'at fatu unu nudu in buca de s'istòcomo 2. s’istrinta de manu sua fachiat tracare sos nudos de pódhiches de chie lu saludait 4. su nodu mortu chi aimus fatu in abbratzos si est pro sempre isortu ◊ su nodu de su piantu ti astringhiat sa bula ◊ s'istògomo lu zuto a nodu mortu e in buca no m'intrat alimentu Etimo ltn. nodus Traduzioni Francese nœud, broussin Inglese knot Spagnolo nudo Italiano nòdo, nòcchio Tedesco Knoten.

nògia , nf: noja, núcia, nuja, núgia Definizione genia de nodu comente benint apare duos arremos de ossu, su tretu ue faent giogu, fintzes aciuntura de àteru (es. istrégiu) Sinonimi e contrari agiuntadura, annaghidura, annantura, annuadórgiu, innoigadórgiu, nigradoxu Frasi che li mintiat sa manu dae sa nuja in susu, tochendhe sa fémina ◊ si assuabbaiat sa farina e cun sos punzos, cun sas nujas, si abbatigaiat e si ammisciaiat ◊ li dolent sas nujas de sos benugros 2. sa cuba s'est tzocada in sas nojas Terminologia scientifica crn Etimo srd. Traduzioni Francese jointure, nœud Inglese knuckle, jiont Spagnolo articulación, juntura Italiano giuntura, nòcca Tedesco Gelenk, Knöchel.

ofédhu , nm Definizione min. de ofu: nodighedhu chi si faet in sa lana filada (mescamente candho no est bona) Sinonimi e contrari budhuca, burroni 1, murutuledhu, nodichedhu, tzurunga Cognomi e Proverbi smb: Offeddu Traduzioni Francese petit nœud Inglese small knot Spagnolo nudo pequeño Italiano nodétto Tedesco Knötchen.

trótzu 1 , nm Definizione genia de nodu, cosa fata coment'e a nodu Sinonimi e contrari arrogu, bículu, mudruxone, murudhu, nodu, trónciu Modi di dire csn: unu t. de salia = carràschiu, ispudu; unu t. de merda = istruntzu, itl. scibala 2. si betaiat su trotzu in sa manu alliscendhe sa màniga de su picu!… Etimo srd. Traduzioni Francese nœud Inglese knot Spagnolo nudo Italiano gróppo Tedesco Knoten.