afaltàdu , pps, agt: afaltatu, afaltau, afartadu, afartau, afratadu, afratau Definizione de afaltare; unu est afaltau candho, si dh'ant brigau o nau cosa (o ischit de àere fatu cosa chi no andhat bene), cumprendhet e ammitit de tènnere crupa mancai chentza dhu nàrrere, citiu, a ogos a terra, sériu, si sapit in farta; fintzes chi sentit coment'e bregúngia, duritu; a logos, bisongiosu, chi tenet bisóngiu, dhi faet farta calecuna cosa Sinonimi e contrari afusau, ammurtinau, assudhidu, fartadu, frajau, ilfartadu, mancantzosu / suxetzionosu Frasi comenti dh'apu castiau est abarrau afartau, ca gei dhu scit cussu puru chi no andat bèni su chi at fatu! ◊ est afartau che cani in crésia! ◊ si mi agatu afartau mi cunfundu Traduzioni Francese troublé, contrit Inglese troubled Spagnolo con mala conciencia, sucia Italiano turbato, che si sa in cólpa, compunto Tedesco betroffen, sich schuldig fühlend.

agiolotaméntu , nm Definizione su agiolotare Sinonimi e contrari avolotamentu, bolluzadura, buliadura Etimo srd. Traduzioni Francese trouble Inglese muddiness Spagnolo enturbiamiento Italiano intorbidaménto Tedesco Trübung.

ammoroscàdu , pps, agt Definizione de ammoroscare; chi est avolotau, nau de abba o àteru deasi Sinonimi e contrari abbuluzadu, tróbulu Traduzioni Francese trouble Inglese turbid Spagnolo turbio Italiano tórbido Tedesco trüb.

salarzàda , nf: assalarzada Definizione su salarzare, móvia a cropu, totinduna, coment'e po assíchidu Sinonimi e contrari inchirriada, suguzada, sulurjada, supuzada, trúminu, zagarada / istratallada Etimo srd. Traduzioni Francese agitation, grand trouble Inglese big agitation Spagnolo alboroto Italiano vistósa agitazióne Tedesco Aufregung, Beunruhigung.

súdha 2 , nf, nm: assudhu, sudhu Definizione genia de idea, de pistighíngiu, prus che àteru coment'e timendho, pentzamentosu Sinonimi e contrari idea, pessamentu, pidinu, subrinu, sudhitura, trambúliu Modi di dire csn: nois za semus in cussa sudha = seus pentzendi própiu cussu, chi est aici, teneus sa própiu duda; pònnere a ccn. in sudhu = fai bènniri sa duda, fai pentzai Frasi istexiadu si che est s'amore, ma unu sudhu mi narat chi carchi die…◊ no apo piús sudhu de pesare fizos ◊ cuss'istedhu chi lughet gai est ponzendhe in sudhu s'isciéntzia ◊ ti bido in sudhu, pensosa ◊ no balet chi s'istet in sudha, timindhe fintzas chi la furet s'ària ◊ como chi ndhe apo leadu isperimentu no ndhe tenzo prus sudhu ◊ e ite, in cussa sudha ses? Etimo srd. Traduzioni Francese appréhension, trouble Inglese worry Spagnolo inquietud Italiano apprensióne, turbaménto Tedesco Angst, Beunruhigung.

trambúliu , nm Definizione genia de pentzamentu, de pidinu, idea o timoria chi no lassat asseliare Sinonimi e contrari apinioni, atrepógliu, pessamentu, pidinu, sudha 2, trambullu Frasi sas tempestas de sa vida, sos trambúlios de s'edade ◊ sos pisedhos si che infulculeint in mesu a su trambúliu e si fateint amigos cun totu Etimo itl. trambusto + subbuglio Traduzioni Francese trouble, confusion Inglese bewilderment Spagnolo desconcierto Italiano sconcèrto Tedesco Verwirrung.

trísinu 1 , agt Definizione nau de abba o àteru deasi, chi no at pausau, chi portat malesa in mesu Sinonimi e contrari sórinu, tróbulu, trúgliu | ctr. netu, pasadu Frasi abba trísina, binu trísinu Traduzioni Francese trouble Inglese turbid Spagnolo turbio Italiano non lìmpido, tórbido Tedesco trüb.

tróbulu , agt: trú, trúbulu, trudu 1, trúgulu, trúvulu, túrbulu Definizione nau de abba o àteru deasi, chi no at pausau, chi portat malesa in mesu, chi est avolotau; nau de su fàere de unu, de s'ànima o àteru, chi no est bonu, no est límpiu de curpas e de malidade Sinonimi e contrari abbulizadu, ammoroscadu, trúgliu | ctr. lúchidu, netu, pasadu Frasi s'ozu comintzat a falare a lenu e tróbulu ◊ s'apússiat sa tzertesa in sa trúbula paule de su tempus ◊ in trúbulos pojos chirco istidhas de sole…◊ custu binu est trú ◊ su mare est perigulosu candho est túrbulu ◊ lassadhu sètzere bene su binu, ca est ancora trudu! 2. cusséntzias trúbulas ammadricant tempos de carestia ◊ facixedha portat, comenti ti càstiat de cilla trua!… 3. unu trúvulu de muscas che li at papau sas laras Etimo ltn. turbulus Traduzioni Francese trouble Inglese muddy Spagnolo turbio Italiano tórbido Tedesco trüb.

trúgliu , agt: trullu, trulu, truru, truu, truxu, truzu Definizione nau de abba o àteru deasi, chi no at pausau, chi portat malesa in mesu; nau de s'aera, de sa die, chi no est límpia, unu pagu ammurrada Sinonimi e contrari sórulu, tróbulu / annuadu | ctr. netu, pasadu Frasi su mare est trúgliu ◊ pustis chi tanta truza abba est falada in Tirsu, in Flumendosa, so su matessi! ◊ pones fiores fintos in giardinu e cheres fàghere trulla s'abba giara ◊ in cussu tempus su binu no est prus truu 2. sa dí fut trulla e proixinedhendu puru Cognomi e Proverbi smb: Trullu / prb: arriu trullu allirghia de piscadori Etimo ltn. *turblus Traduzioni Francese trouble Inglese cloudy Spagnolo turbio Italiano tórbido Tedesco trüb.

«« Cerca di nuovo