Legenda Abbreviazioni | Legenda Simboli

abbarrigàre , vrb Definizione fàere fortza faendho pesu o ispinghendho de pitzu, incracare faendho pesu Sinonimi e contrari abbaticare, apretigare, carcare, imbarrigare, incalcare Etimo srd. Traduzioni Francese appuyer, presser Inglese to press Spagnolo apretar Italiano prèmere Tedesco drücken.

abbaticàre , vrb: abbatigare, abbatzicare Definizione fàere pesu incracandho o ispinghendho de pitzu Sinonimi e contrari abbarrigare, acacigai, apistulare, carcare, incalcare, pretare / strecae Frasi su pesu de sa carena l'abbatzicaiat 2. sa lamedha l'at abbatzicata che tubbedhu líticu de dentifritzu Etimo srd. Traduzioni Francese fouler Inglese to press Spagnolo apretar, comprimir Italiano pigiare, comprìmere Tedesco drücken.

afíssa , nf Definizione su afíere / min. afidedha Sinonimi e contrari aggatada, astrinta, imprentzadura, incalcadura, strecada, supressura, trupiada | ctr. illargada, illascada Modi di dire csn: àere un'afissa = cosa in contràriu, àere dannu, istrobbu; dare un'a. = fàghere dannu, arruinare a unu, dare banzu Frasi dare un'afissa a sos isportinos ◊ a s'ainata si li daet una bella afissa pro ndhe fàghere essire totu su mústiu 2. e chie no ndh'at, de afissas, in sa vida?!…◊ sa maladia li at dadu un'afissa!…◊ bella afissa at àpidu: che li ant furadu su bestiàmine! ◊ li ant dadu cuss'afissa ca istat sempre inchestendhe sa zente! ◊ si mi giogat suta li do un'afissa chi si ndhe ammentat pro cantu durat! Etimo srd. Traduzioni Francese compression, étreinte Inglese compression, press Spagnolo compresión, apretón Italiano compressióne, strétta Tedesco Druck.

aggafiàda , nf Definizione su cassare e pistare ccn. cosa (es. pódhighe, bestimentu) in mesu de duas àteras Sinonimi e contrari aggàfiu, giogioi, imprentzadura Etimo srd. Traduzioni Francese étreinte Inglese press Spagnolo apretón Italiano strétta Tedesco Druck.

ammustài , vrb: ammustare Definizione catzigare, istrecare o mòlere s’àghina po fàere su mustu; aciúnghere mustu; piscare sa binatza a istrégiu (cofa) po che lassare iscolare su mustu innanti de dha prentzare Etimo srd. Traduzioni Francese fouler le raisin Inglese to press grapes Spagnolo pisar la uva Italiano pigiare l'uva Tedesco die Trauben pressen.

apretigàre , vrb Definizione fàere fortza o pesu apitzu de ccn. cosa Sinonimi e contrari abbarrigare, abbaticare, carcare, incalcare, pretare Etimo srd. Traduzioni Francese comprimer Inglese to press, to compress Spagnolo apretar Italiano prèmere, comprìmere Tedesco drücken, zusammendrücken.

calàndra , nf Definizione genia de màchina a rullos po istirare orrobba téssia o àteru; sa de su launeri serbit po atundhare o piegare sa làuna po fàere canales Cognomi e Proverbi smb: Calandra Terminologia scientifica ans Etimo spn. calandra Traduzioni Francese calandre Inglese rotary press Spagnolo calandria, laminadora Italiano calandra, màngano Tedesco Tuchwalze, Mangel.

calcài , vrb: acracai, calcare, carcai, carcare, cracai, cracare 1, cascare 2 Definizione ispínghere de pitzu a bàsciu, fàere pesu de pitzu, mescamente cun is peis; atripare, cúrrere aifatu a ccn. po iscúdere, mossigare e àteru, fintzes iscrocorigare, bociare in iscola Sinonimi e contrari abbarrigare, abbaticare, catigare, incalcare, ischitzare / corpare, fichire, istriulare, perseghire / iscorcorigare Modi di dire csn: cracai s'àxina = catigare sa ua a fàghere binu; cracai orbaci = iscarchiare; giogai a cracai = a su tene tene, a tènnere; cracare a boghes = abboghinare, itzerriai Frasi Turcus e Morus, che frumi calau, a cuadhu si ghetant, a isproni cracau! ◊ fut cun sa berrita cracada in faci ◊ custu est piriciou cracau me in domu ◊ no fait mancu a papai ambuàcia comenti festus una borta… chi dhus crachint in pràcia, dhus crachint! ◊ gei ndi portat de cambas po cracai, cussu curridori!… 2. chi benit s'esatori, cracadhi ferru! ◊ de diora meda est chi ti nci as cracau in cropus cussa fita manna de civraxu!…◊ crachissinci su didu in buca fintzas a sa gannarotza, ca gei dhi fait efetu! 3. a su gatixedhu, candu bandat a sui, sa mama dhu cracat, ca est istitendidhu ◊ tocat a cracai a perda sa craba, chi si nche istésiat ◊ lah ca ti cracat su sintzu, ca dhoi nd'at meda! ◊ dhoi apu agatau animalis in bíngia e dhus apu cracaus 4. is duus sirbonis ant cracau a si mossiai s'unu cun s'atru 5. cracat a boghes e artzat is manos a chelu: iat bintu su pannu! Etimo ltn. calcare Traduzioni Francese fouler, tasser Inglese to press Spagnolo pisar Italiano calcare, pigiare Tedesco treten.

incalcàre , vrb: incarcare, incascare, inchircare, incracai, incracare Definizione ispínghere de parte de pitzu una cosa, fàere pesu in pitzu, ma fintzes istrínghere, fàere fortza; fàere cracu o fintzes bufare (o papare) meda, coment'e a istichidura, faendho prus cracu, tibbiu Sinonimi e contrari abbarrigare, abbaticare, apretigare, calcai, crichiri, istibbire, pretare Frasi s'at incalcadu sa berrita in conca ◊ si abbutonat su capoto e s'incascat su bonete in conca ◊ su gatu mi pigat su didu in buca, mússiat ma no incracat 2. comente at torradu a pròere, sos cunzados, sos pasciales, sos mandriolos si sunt torrados a incarcare d'erva ◊ chijinatas umbras s'incascant subra de sos nódidos montes (G.Fiori) 3. de binu si ndh'incarcat cantu piús podet ◊ candho sunt tirendhe gàrriga manna, sos boes incascant in tuju Etimo srd. Traduzioni Francese presser, s'épaissir Inglese to press, to thicken Spagnolo apretar Italiano prèmere, addensarsi, infittire Tedesco drucken, sich verdichten, dichter werden.

istibbíre , vrb: stibbiri Definizione istichire, pònnere cosa o gente a meda, a cracu, aintru de logu faendhondhe càbere cantu prus Sinonimi e contrari indibbiri, stibbai* 2. su mundhu est istibbiu de traitoris de dogna arratza e manera (A.Cannas) Traduzioni Francese entasser Inglese to cram, to press Spagnolo abarrotar Italiano pigiare, stipare Tedesco pressen.

prèmere, prèmi , vrb: prèmmere, prèmmiri Definizione fàere fortza (de pesu o de àteru) apitzu, coment'e incracandho, fintzes coment'e istringhendho Sinonimi e contrari afíere, incalcare, isprèmere, istrígnere, tilpiare Etimo ltn. premere Traduzioni Francese appuyer, presser Inglese to press, to squeeze Spagnolo apretar Italiano prèmere, sprèmere Tedesco drücken, ausdrücken.

prència , nf: prensa 1, prentza 1 Definizione aina o màchina a bisura de istrégiu po incracare sa binatza a ndhe múrghere su mustu, o s'olia mólia po ndhe bogare s'ógiu / partes de una prentza a manu po binatza (prentza a bangu): is còscias o peis, su bancu o piatu, su canale, is costaos o paradas (fatas a doas lascas fissadas in mesos cricos de ferru, in duas perras de intrare apare postas prantadas in pitzu de su bancu e de prènnere de binatza e agguantasas intradas apare cun craos), su covecu (duas mesas lunas de linna grussa cun orrugos grussos paríviles de linna o istrupedhos de pònnere in pitzu e subràbari a duos a duos giraos de noranta grados), su fusu a berrina de mesania a punta, sa gioca o ‘fémina’ (chi intrat in su fusu, fata in duos petzos cun duas cotzas de ferru e un'istanga: custa parte est fata a manera chi, movendho s'istanga a s'andhetorra, su petzu de fundhu, po comente funt fatas e postas is cotzas a punta a triàngulu totu a una parte, giret sèmpere a una matessi bandha abbasciandho e incracandho a forte apitzu de sa linna e de sa binatza, o fintzes – ponendho is duas cotzas a su contràriu – artzandho e illascandho) Sinonimi e contrari supressa Modi di dire csn: binu de p. = su binu chi essit de s'ainata supressendhe; fai sa p. a unu = zogu pesante de pisedhos abbatighendhe a unu postu a palas a terra Frasi su binu de prentza no si ammisturat cun su binu de iscupu ◊ candu s’olia fut mólia si ndi bogàt sa pasta, si preniant is isportinus e si poniant in sa prensa Cognomi e Proverbi smb: Prenza Terminologia scientifica ans Etimo spn. Traduzioni Francese pressoir Inglese press Spagnolo prensa Italiano tòrchio Tedesco Presse.

strecàe, strecài , vrb: istercare* Definizione incracare a forte o cun pesu tropu, pistare sa cosa a manera de dha crepare e alladiare / strecai fàuas = contare o istare contandho fàulas Sinonimi e contrari aggatare, cerfai, ischerfare, ischitzare, istrechedhai 2. si dha strecais una fàua, is carabbineris!…◊ ma bai, toca, ita mi strecas?! Traduzioni Francese écraser Inglese to crush, to press Spagnolo aplastar Italiano schiacciare Tedesco quetschen.

suprèssa , nf Definizione aparíciu fatu apostadamente po ndhe bogare incracandho totu su súciu de ccn. cosa (es. binatza, pasta de olia)/ partes de una supressa a manu po binatza: sas còscias o pes, su bancu o piatu, su canale o corriotu, sos costazos o paradas, costas o càscia (fatos a doas lascas fissadas in mesos cricos de ferru, in duas perras de intrare apare postas prantadas in pitzu de su bancu e de prènnere de binatza), su covecu (duas mesas lunas de linna grussa cun cotzas o istrupedhos de pònnere in pitzu subràbari a duos a duos giraos de noranta grados), su toronígliu in mesu de su bancu, unu fusu o àlbure a berrina de mesania a punta, sa gioca o fémina (chi intrat in su fusu, fata in duos petzos cun duas cotzas e un'istanga o abbinadorzu: custa parte est fata a manera chi, movendho s'istanga a s'andhetorra, su petzu de fundhu, po comente funt fatas e postas is cotzas a punta a un'ala, giret sèmpere a una matessi bandha abbasciandho, incracandho e prentzandho a forte sa binatza, o fintzes inartandho e illascandho si is cotzas funt postas cun sa punta girada a betu contràriu) Sinonimi e contrari prència Frasi est vinu de supressa e faet pacu camminu! ◊ sunt ammanitzandhe pro sa binnena, labandhe cupas, tinos e supressas Terminologia scientifica ans Etimo itl. soppressa Traduzioni Francese pressoir, fouloir Inglese press Spagnolo prensa Italiano tòrchio, pigiatrice Tedesco Presse.

supressài, supressàre , vrb Definizione incracare a supressa, incracare a forte Sinonimi e contrari imprentzai, prenciai Frasi prantat, marrat, binnennat, issarmentat, càticat e supressat, iscuponat e ponet su mustu in cantina Etimo srd. Traduzioni Francese presser Inglese to press Spagnolo prensar Italiano torchiare Tedesco pressen.

«« Cerca di nuovo